مرض السكري هو مرض مزمن يتميز بارتفاع مستوى السكر في الدم. يوجد نوعان رئيسيان من مرض السكري: النوع الأول والنوع الثاني.
السكري النوع الأول هو حالة مرضية نادرة يحدث عندما تهاجم الجهاز المناعي خلايا بيتا المسؤولة عن إنتاج الأنسولين في البنكرياس.
وبما أن الأنسولين هو الهرمون المسؤول عن تنظيم مستويات السكر في الدم، فإنه بدونه يتراكم السكر في الدم بشكل مفرط، مما يؤدي إلى مشاكل صحية خطيرة. يحتاج مرضى السكري النوع الأول إلى حقن الأنسولين بانتظام للتحكم في مستويات السكر في الدم.
أما السكري النوع الثاني فهو الأكثر شيوعًا، ويحدث عندما يصبح جسم الشخص مقاومًا للأنسولين، مما يعني أنه يحتاج إلى كميات أكبر من الأنسولين لتحقيق التأثير النفسي.
يحدث ذلك عادة بسبب العوامل الوراثية والأسلوب الحياة الغير صحي، مثل النظام الغذائي غير الصحي والحياة الغير نشطة.
وبالتالي يحتاج مرضى السكري النوع الثاني إلى إدارة النظام الغذائي والنشاط البدني وأدوية تخفض مستويات السكر في الدم.
مرض السكري النوع الأول والنوع الثاني يمكن أن يؤديان إلى مشاكل صحية خطيرة مثل أمراض القلب والأوعية الدموية وأمراض الكلى والعين، لذلك يجب على الأشخاص الذين يعانون من المرض إدارته بشكل صحيح والتحكم في مستويات السكر في الدم بانتظام.
مرض السكري: تعريف وأنواع.
سؤال بتسأله كتير ايه الفرق بين مرض السكر النوع الاول والنوع التاني؟ فلو عايزين تعرفوا كل التفاصيل عن النوعين وكيفية التعامل معهم. طبقا لاحدث التوصيات العالمية يبقى نركز شوية مع بعض.
الفرق بين مرض السكر بنوعه الاول والثاني. بداية كده اشهر تلات انواع من مرض السكر كالآتي.
- رقم واحد مرض السكر النوع الاول.
- اتنين مرض السكر. النوع التاني
- تلاتة سكر الحمل.
والنهاردة انا مش هتكلم عن سكر الحمل. تعالوا نشوف ايه اسباب حدوث مرض السكر. النوع الاول والنوع التاني. مرض السكر.
النوع الاول دايما بيكون سببه مناعي. زي ما احنا عارفين ان البنكرياس هو المسئول عن افراز الانسولين. والانسولين ده بيفرز عن طريق خلايا البنكرياس اسمها خلايا بيتا.
الجسم بقى فجأة بيروح يهاجم خلايا بيتا. ويعاملها على انها عدو. وده بسبب وجود خلل مناعي في الجسم. فبيكسرها فبالتالي ما تقدرش تفرز الانسولين. ويرتفع السكر في الدم.
عوامل الخطر والوقاية من مرض السكري.
لكن مرض السكر النوع التاني الوضع فيه بيكون مختلف. فخلايا بيتا بتكون سليمة. ولكن ممكن افرازها للانسولين بيقل.
او يحصل المصطلح اللي احنا بنسمع عنه دايما مصطلح مقاومة انسولين. قرب علي كده وتعالى اقول لك يعني ايه مقاومة انسولين في اقل من دقيقة.
ببساطة الشخص الطبيعي لما بياكل والسكر بيرتفع في دمه. الانسولين بيجري على خلايا الجسم ويقعد عليها. ويقول لها افتحي بواباتك عشان السكر يخش عشان تاخدي الغذاء بتاعك وتاخدي الطاقة ايضا.
لكن الوضع مختلف مع مريض السكر. فلما السكر بيرتفع في الدم والانسولين بيجري على الخلايا عشان يقعد عليها ويقول لها افتحي الخلية بتاعتك. تروح ما تفتحش. ولا تسمح بمرور السكر داخلها. نيجي نسألها ونقول لها ايه السبب؟
تقول اصل ما فيش انسولين قاعد علي. نقول لها لأ حضرتك ده فيه انسولين قاعد عليك. ترد تقول انا مش حاسة به. وبالتالي يظل السكر مرتفع في الدم. وهو ده ببساطة معنى مقاومة الانسولين.
السكري النوع الأول: أسباب وعلاج.
مرض السكر النوع الاول. الحقيقة المريض ما بيكونش له ذنب فيه. عكس مرض السكر النوع التاني اللي ممكن بييجي بسبب العادات الخاطئة وعدم ممارسة الرياضة.
لكن لازم نبقى عارفين ان ايضا فيه جانب وراثي يخص مرض السكر النوع الثاني. مرض السكر النوع الاول كنا زمان بنسميه باسم سكر الاطفال. لاننا كنا بنعتقد ان بيجي للاطفال فقط.
لكن عرفنا بعد كده ان بيجي للكبار ايضا. واخر الاحصائيات في امريكا بتقول ان 50% من المصابين بمرض السكر النوع الاول بيكون اعمارهم 19 سنة.
السكري النوع الثاني: أسباب وعلاج.
اما مرض السكر النوع التاني كنا بنقول عليه سكر الكبار. لكن مؤخرا اكتشفنا ايضا ان ممكن يجي للاطفال اللي اعمارهم عشر سنوات. وده في الغالب بيكون بسبب ان الطفل بيكون عنده سمنة ادت الى اصابته بمرض السكر.
لذلك مثلا في امريكا هتلاقي دواء السكر المشهور باسم ميتفورمين اللي هو اسمه التجاري جلوكوفاج. مش موجود على هيئة اقراص فقط. ولكن موجود ايضا على هيئة شراب.
تعالوا بقى نشوف اعراض مرض السكر في النوعين. وفي الاغلب الاعراض واحدة.
لكن ممكن يحصل اختلاف بسيط. فالاعراض هتكون كالتالي.
رقم واحد كثرة الشعور بالعطش.
اتنين كثرة التبول.
تلاتة الشعور بالخمول والتعب والارهاق.
اربعة فطريات مهبلية عند السيدات والبنات.
خمسة كثرة الشعور بالجوع.
ستة تأخر التئام الجروح.
اما الاختلاف البسيط هو ان ممكن فقدان في الوزن في حالة مرض السكر النوع الاول. وممكن يحصل زيادة في الوزن في حالة مرض السكر النوع التاني.
ولكن ده مش شرط فممكن يحصل العكس. لكن في اختلاف تاني جوهري ومهم جدا. وهو ان الاعراض بتبان بسرعة في مريض السكر النوع الاول.
لذلك بنشخصه دايما بدري. عكس مريض السكر النوع التاني اللي ممكن يقعد بالعشر سنين. مش باين عليه اي اعراض على الرغم انه بيعاني مرض السكر.
وهو ده السبب في ان احنا دايما بنشخصه متأخر. وعشان ما نتوهش من بعض احنا كده عرفنا الاسباب والفئة العمرية المصابة والاعراض.
تعالوا بقى نخش على ارقام التشخيص اللي في الاغلب بتكون واحد في النوعين.
فالمريض عامة بنقول ان احتمال يكون عنده سكر لو عمل تحليل السكر الصايم ولقى النتيجة 126 فيما فوق.
او عمل تحليل السكر الفاطر ولقى النتيجة 200 فيما فوق. او عمل تحليل سكر التراكمي ولقى النتيجة 6.5% فيما فوق.
وعايز اقول لكم ان مريض السكر النوع التاني بيكون عنده ميزة عن مريض السكر النوع الاول.
تأثير النظام الغذائي والنشاط لبدني على مرض السكري.
وهي ان قبل ما يصاب بمرض السكر النوع التاني ممكن يمر بمرحلة تحذيرية بنسميها مرحلة ما قبل السكر. والمرحلة دي لو عمل فيها رياضة وقلل من اكل السكر ممكن يخف ويبقى شخص طبيعي.
اما لو اهملها فممكن يصاب بمرض السكر النوع التاني. طيب نعرف منين احنا في المرحلة ديت ولا لأ؟
تعالى اقول لك. بداية كده لو لقيت السكر الصايم عندك قيمته بتتراوح ما بين 100 - 126. او لقيت السكر الفاطر عندك قيمته بتتراوح ما بين140-200 .
او لقيت السكر التراكمي عندك قيمته بتتراوح ما بين 5.7 الى 6.5% يبقى انت كده احتمال تكون في مرحلة ما قبل السكر.
دلوقتي السؤال اللي بيخطر على حضراتكم هو انا لو طلع عندي قراءات السكر مرتفعة.
هعرف منين ؟ انا مصاب بمرض السكر النوع الاول ولا مصاب بمرض السكر النوع التاني ؟
والحقيقة ده بيكون دور الطبيب. فالطبيب على سبيل المثال بيطلب منك تحليل اسمه الاجسام المضادة.
لو لقى الاجسام المضادة دي يبقى انت احتمال تكون مصاب بمرض السكر النوع الاول لان قلنا سبب المرض ده في الاغلب بيكون مناعي. اما لو ما لقاش الاجسام المضادة يبقى انت في الاغلب مصاب بمرض السكر النوع الثاني.
طيب يبقى احنا كده عرفنا الاسباب والفئة العمرية المصابة والاعراض وارقام التشخيص وكيفية التفرقة بين النوعين عن طريق فحص الاجسام المضادة.
نيجي بقى للجزئية الاهم في الموضوع وهي كيفية علاج النوعين. تعالوا نبدأ بعلاج مرض السكر النوع الاول.
كان لغاية شهر 11 السنة اللي فاتت 2022 كنا بنقول ان علاج مرض السكر النوع الاول عبارة عن انسولين فقط.
لكن في شهر نوفمبر اللي فات. هيئة الغذاء والدواء الامريكية وافقت على ابر جديدة بتتاخد لمدة 14 يوم فقط. بتأجل الاصابة بمرض السكر النوع الاول لمدة سنتين.
بشرط ان اللي بيستخدموها ما يكونش اعمارهم بتقل عن 8 سنين. لكن بعد كده المريض هيمشي على الانسولين على طول.
مشاكل صحية مرتبطة بمرض السكري.
وما فيش اي علاج اخر. ولكن نأمل من المولى سبحانه وتعالى ان الابحاث اللي بتم على زراعة البنكرياس تتم بشكل اسرع. وساعتها نقدر نستغنى عن الانسولين.
اما بقى مرض السكر النوع التاني فعلاجاته كتيرة. واهمها الحمية وتقليل الوزن.
وممارسة الرياضة. ده غير للادوية. لكن السؤال المهم هي ليه الحمية وتقليل الوزن اصبحت من اهم العلاجات دلوقتي؟
لانهم مؤخرا اكتشفوا ان مرضى السكر النوع التاني. اللي في نفس الوقت عندهم سمنة. لو قدروا يقللوا من وزنهم ممكن يخشوا في حالة اسمها الاستشفاء من مرض السكر.
طيب يعني ايه استشفاء من مرض السكر؟ ببساطة الاستشفاء من مرض السكر عبارة عن ان المريض لا يحتاج الى تناول ادوية السكر.
وهيكتفي فقط ممارسة الرياضة. مع متابعة قراءات السكر. اما بخصوص الادوية فهي كتيرة جدا. فعلى سبيل المثال في ادوية شغالة على انها تقلل مقاومة الانسولين.
زي دواء الجلوكوفاج والاكتوس. وفي ادوية اخرى شغالة على البنكرياس. زي دواء الاماريل والدايمكرون. وفي ادوية اخرى شغالة على الكلية. زي دواء فورسيجا ودواء جاردينس.
وادوية اخرى شغالة على المعدة ومركز الشهية. زي دواء فيكتوزا ودواء اوزمبك. ما ننساش طبعا ادوية الانسولين اللي ممكن ايضا تستخدم في علاج مرض السكر النوع التاني.
اخيرا سواء بقى كنت مريض سكر نوع اول او مريض سكر نوع تاني وماشي على حمية ورياضة فقط او ماشي على حمية ورياضة وادوية.
فانا اللي يهمني ان السكر التراكمي عندك ما يزيد عن سبعة في المية عشان تتجنب حدوث مضاعفات مرض السكر. مع العلم ان مريض السكر النوع الاول لازم ياخد دواء الانسولين .