اللحوم الحمراء هي أنواع اللحوم التي تأتي من الحيوانات الثديية مثل البقر والغنم والخنازير والأبقار والأحصنة.
تشتهر اللحوم الحمراء بمذاقها اللذيذ والقيمة الغذائية العالية التي توفرها للجسم، إلا أنها تشكل أيضاً تحديات للصحة إذا تم استهلاكها بشكل زائد أو غير سليم.
تحتوي اللحوم الحمراء على الكثير من البروتينات والحديد وفيتامين ب12 وغيرها من العناصر الغذائية الأساسية، ولكنها أيضاً تحتوي على الكثير من الدهون المشبعة والكولسترول، مما يزيد من خطر الإصابة بأمراض القلب والشرايين والسكري والسرطان.
وبالنسبة لطرق الطهي، فإن اللحوم الحمراء يمكن طهيها بالعديد من الطرق مثل الشواء والمقلي والمشوي والمسلوق، ولكن ينصح بطهيها بشكل صحيح ومناسب لتفادي الإصابة بالأمراض.
لذا، يجب على الأفراد أخذ الحيطة والحذر عند استهلاك اللحوم الحمراء، والحصول عليها من مصادر موثوقة والتأكد من طريقة تخزينها وطهيها بشكل سليم، كما ينصح باستهلاكها بشكل معتدل ضمن نظام غذائي صحي ومتوازن.
تعريف اللحوم الحمراء وأنواعها.
النهاردة هنتكلم عن طعام من اكتر الاطعمة المثيرة للجدل عبر التاريخ. النهاردة هنتكلم عن اللحمة الحمرا. اللي بالتأكيد مضرة لو كانت لحمة مصنعة.
لكن السؤال اللي بيطرح نفسه. هل اللحوم الحمراء الغير مصنعة مفيدة ام ضارة. وما هي الكمية الموصى بها يوميا من تناول اللحوم الحمراء ومعلومات تانية كتير.
ورسالتنا اليوم بعنوان فوايد واضرار اللحوم الحمراء موضوعنا متقسم الى اربع اجزاء.
ففي الجزء الاول هنذكر اهم سبع فوايد طبية للحمة الحمرا. والجزء التاني هنذكر اربع اضرار للحمة الحمرا.
وفي الجزء التالت هنجاوب على سؤالنا المعتاد هل يصلح تناول اللحمة الحمرا من قبل مريض السكر ام لا؟
وفي الجزء الرابع والاخير هنجاوب على سؤال اخر وهو ما هي الكمية الموصى بتناولها يوميا من اللحوم الحمراء.
كيفية اختيار وتخزين وطهي اللحوم الحمراء بشكل سليم.
يلا نبدأ بالجزء الاول ونذكر اهم سبع فوايد طبية للحمة. ولكن خلينا متفقين ان الفوائد خاصة باللحوم الحمراء الطبيعية وليست اللحوم المصنعة مثل البرجر والسوسيس والهوت دوج وغيرهم.
رقم واحد.
من اهم المصادر الطبيعية لعنصر الحديد. افضل مصدر تاخد منه حديد هو اللحمة وكبدة اللحمة والدجاج. لذلك اللحمة بتحمينا من انيميا نقص الحديد. ودايما حاول مصدرك الطبيعي للحديد يكون حديد حيواني. يعني من اللحوم او الدجاج او الاسماك.
لان الحديد الحيواني اسهل وافضل بكتير في الامتصاص من الحديد النباتي. اللي موجود في النباتات والبقوليات.
اتنين.
من اهم مصادر الزنك. فمية جرام من اللحمة الحمرا بيمدنا باكثر من ستين في المية من احتياجنا اليومي للزنك وكلنا نعلم فوايد الزنك للشعر وللمناعة ولصحة الرجال.
تلاتة.
من اهم مصادر البروتين. مش بس كده. ده البروتين اللي موجود في اللحمة.
بنسميه بروتين عالي القيمة البيولوجية.
وده بيكون افيد بكتير للجسم من البروتين اللي مصدره نباتي.
أربعة.
الحفاظ على الكتلة العضلية. لازم لو حضرتك بتلعب حديد وبتشيل اوزان لازم تهتم بتناول اللحمة.
الأضرار الصحية للاستهلاك المفرط للحوم الحمراء.
واكيد مدربك في الجيم قال لك كده. عشان اللحمة من اهم مصادر البروتين والاحماض الامينية.
فاللحمة غنية بمركب حيوي جدا مهم لحضرتك وهو الكرياتين. اللي بتروح تشتريه على هيئة مكمل غذائي.
فالكرياتين مصدر هام لطاقة العضلات وبيفيد في نمو العضلات. والمحافظة عليها.
خمسة.
المساعدة على انقاص الوزن. فوجدوا انك لو اتبعت حمية غذائية ما فيهاش كربوهيدرات ولكن فيها بروتين من اللحوم او النباتات
مع الياف من الخضروات. وجدوا ان النظام ده هيعطيك احساس الشعور بالشبع. وهيخليك تأكل اقل.
وبالتالي السعرات الحرارية اللي هتخش جسمك هتكون اقل.
ستة.
من اهم مصادر فيتامين باء. وبالاخص فيتامين به تلاتة وستة واتناشر. فاللحمة بتحمينا من الانيميا
الناتجة عن نقص فيتامين ب اتناشر. لذلك دايما بنصح الاشخاص النباتيين.
طالما مش بياكلوا لحمة يبقى لازم يهتموا بتناول المكملات الغذائية الغنية بفيتامين به. وبالاخص فيتامين ب اتناشر.
لان للاسف فيتامين بي اتناشر غير موجود بوفرة في الاكل النباتي.
سبعة.
مفيدة لصحة العظام. ان مش بس الكالسيوم وفيتامين دال هم اللي مهمين لصحة العظام.
ولكن البروتين اللي مصدره حيواني مهم ايضا. تعالوا ننتقل للجزء المثير للجدل وهو عن اضرار اللحوم الحمرا.
ولكن عايزين نوضح بعض النقاط اولا. ان معظم الاضرار بتكون بسبب اللحوم المصنعة. اما اللحوم الطبيعية فهي من المفترض ان اضرارها قليلة.
ولكن السبب ان المعظم اصبح بيظن ان اللحمة الحمراء مضرة هو ان للاسف تربية الحيوانات ما بقتش زي زمان. فزمان الحيوان بياكل العشب والحشرات فقط.
تأثير طرق الطهي على القيمة الغذائية والصحية للحوم الحمراء.
ولذلك كانت مصادر طبيعية وغير ضارة. لكن للاسف الحيوان حاليا بيربى على انواع معينة من الاعلاف.
ومش بس كده ده كمان ممكن يحقنوه ببعض المضادات الحيوية وهرمونات النمو.
الضرر رقم واحد. وهو السرطان.
وده بيكون بسبب اللحوم المصنعة. فثبت ان تناول البرجر والسوسيس والهوت دوج وخلافه.
قد يزيد من احتمالية الاصابة بسرطان القولون والمستقيم والبنكرياس والبروستاتا.
اتنين مرض السكر.
ولكن النقطة دي جدلية جدا. بمعنى انهم عملوا دراسة. ووجدوا فيها ان الاشخاص اللي بياكلوا لحوم مصنعة بيكونوا اكثر عرضة لخطر الاصابة بمرض السكر النوع التاني بنسبة تفوق الخمسين في المية.
وانا مش مختلف مع الدراسة دي. لكن انا مختلف مع دراسة اخرى بتقول ان اللحوم الغير مصنعة قد تزيد من خطر الاصابة بمرض السكر النوع التاني بنسبة تتراوح ما بين خمستاشر الى عشرين في المية.
انا معترض ليه بقى على الدراسة دي؟ لانهم كانوا مصنفين فيها البرجر على انه لحوم غير مصنعة.
وناس كتيرة انتقدت الدراسة دي بسبب النقطة دي.
تلاتة مرضى الكلى.
مرضى الكلى مش ممنوعين من اكل اللحمة. بل بالعكس دا احيانا بيبقوا مطالبين بتناول اللحمة. ولكن على حسب المرض اللي في الكلى.
ودرجة المشكلة اللي في الكلى. فالطبيب فقط هو اللي هيحدد لك كمية اللحمة اليومية. والغرض من التحديد هو تحديد كمية البروتين اليومية.
اربعة الكوليسترول ومشاكل القلب.
لو بتحب تاكل لحمة وبالاخص اللحمة اللي مليانة دهون.
فكن حذر في نتيجة احتواء اللحمة على دهون مشبعة.
وان كنت انا من انصار ان انا اكل الدهون المشبعة افضل بكتير من اني اكل دهون متحولة زي السمنة النباتي وبعض انواع الزيوت.
ولكن مش معنى كده اني اصرف في تناول الدهون المشبعة.
نيجي لسؤال مهم. هل يصلح تناول اللحمة الحمرا من قبل مريض السكر ام لا؟ والاجابة قولا واحدا؟ نعم يصلح.
ولكن اسمعني اولا. بالتأكيد اللحمة مش بترفع السكر. لان ما فيهاش كربوهيدرات. طيب بس مثل ما ذكرت في بعض الدراسات بتربط تناول اللحمة بالسكر والسرطان ومشاكل في القلب وخلافه. نتيجة ان تربية الحيوانات حاليا مختلفة عن زمان.
هقول لك كلامك على عيني وعلى رأسي. بس انا برضو مش ضد ان مريض السكر او غيره يأكل لحمة. ولكن الفكرة في الكميات اليومية.
وده يخلينا ننتقل للجزء الرابع والاخير وهو ما هي الكمية الموصى بتناولها من اللحمة.
الفرق بين اللحوم الحمراء الطازجة والمعالجة وتأثير ذلك على الصحة.
بعض الدراسات بتقول ان اللحمة الحمرا تؤكل مرة واحدة فقط في الاسبوع.
وبعض الدراسات الاخرى بتقول.
ان احنا ممكن ناكلها كل يوم. ولكن الكمية لا تزيد عن سبعين الى تسعين جرام في اليوم.
يبقى في اقل من دقيقة تعالوا نلخص موضوعنا.
اللحمة الحمراء بتحمي من انيميا نقص الحديد ومن انيميا نقص فيتامين بي اتناشر ده غير انها مصدر هام للزنك والبروتين ومهمة لبناء العضلات ومفيدة ايضا لصحة العظام.
وبتساعد في انقاص الوزن لو اكلنا جنبها خضروات ونمتنع عن اكل الكربوهيدرات.
اما عن اضرارها فمعظم الاضرار بسبب اللحوم المصنعة.
وهي كالآتي قد تزيد من احتمالية الاصابة بسرطان القولون والمستقيم والبنكرياس والبروستاتا.
وكذلك مرض السكر النوع الثاني. وامراض القلب نتيجة الكوليسترول والدهون المشبعة. ومرضى الكلى يكونوا حذرين في الكمية اليومية.
ومن وجهة نظري ان اللحمة الحمراء طعام جيد لمرضى السكر لانها مش بترفع السكر.
ولكن سواء كنت مريض سكر او لا ما تأكلش اللحمة الحمراء اكثر من مرة في الاسبوع.
او ممكن تأكلها يوميا. بشرط تكون الكمية تتراوح ما بين سبعين الى تسعين جرام او اقل.
شاهد أيضا: