مع دخول فصل الشتاء وانخفاض درجات الحرارة، يصبح الشعور بالبرودة من الأمور المزعجة والمتكررة للكثير من الأشخاص، ولذلك يحتاجون إلى تدفئة الجسم والاستمتاع بالمشروبات الساخنة.
ومن المشروبات التي تساعد على تدفئة الجسم وإبعاد البرودة عنه مجموعة متنوعة من المشروبات الساخنة التي يمكن تحضيرها بسهولة في المنزل. فيما يلي سنتعرف على 10 مشروبات تقوم بتدفئة الجسم والتي يمكن تحضيرها بسهولة:
قاعد بردان على السرير وحطيت بطانية والتانية ولسه حاسس ان الجو ساقع يبقى كده مش قدامك غير حل واحد وهو مشروبات الشتاء الساخنة. تعال اقول لك على.
افضل عشر مشروبات تشربهم في الشتاء.
انا شخصيا ما بحبش استخدم الدفاية. ده غير ان الكهرباء سعرها غلي في معظم الدول. فبدل ما تدفع فلوسك في فواتير الكهرباء.
لأ ادفعهم افضل في شوية مشروبات مش هيدفوك بس. ولكن هيفيدوك صحيا ايضا. اول مشروب معنا النهاردة هو.
مشروبات ساخنة الحلبة.
الحلبة من المشروبات اللي بتعمل على تدفئة الجسم. وتزويده ايضا بالطاقة وشراب الحلبة ده موجود من قديم الازل.
ده موجود من وقت الفراعنة. لاننا وجدنا برديات فرعونية بتتكلم عن اهمية مشروب الحلبة.
ويا سلام لو انتي بترضعي رضاعة طبيعية. فتشربي الحلبة فتستفيدي منها انها تدفيك. وفي نفس الوقت تساعد على ادرار اللبن.
فتفيد طفلك ايضا. ومش عايزين ننسى الالياف اللي في الحلبة.
اللي هتفيد مريض السكر ومريض الامساك. وما اكثر مرضى الامساك في فصل الشتاء.
لكن لو مش بتحب طعمها او بتتضايق منها لانها بتغير من رائحة العرق يبقى ممكن تشرب مكانها. تاني مشروب معنا النهاردة وهو
مشروبات ساخنة حمص الشام.
وعندنا في مصر في المناطق الشعبية مش بنسميه حمص الشام. ولكن بنطلق عليه اسم اخر وهو شراب الحلبسة.
وده ما فيش بقى احلى من طعمه وريحته. مش محتاجة احكي لكم عن كمية البروتين اللي فيه. والبروتين مهم جدا في الشتاء.
لان البروتين بيقوي مناعتك وبيساعدك التغلب على ادوار البرد والانفلونزا.
والناس اللي مش عارفة طريقة تحضيره فما فيش اسهل منها. فانت بتحضري الحمص بالطريقة العادية بعد طبعا ما تنقعيه في الميه.
وتضيفي له شوية توم وعصير طماطم وملح وكمون ولمون. ولو انتي من عشاق الشطة ضيفي له شوية شطة. لان الشطة بتدفي ايضا في الشتاء. ودي طريقتنا المصرية. لكن هو له طرق تانية كتيرة في تحضيره.
تالت مشروب معنا النهاردة وهو اشهرمشروب شتوي وهو.
مشروبات ساخنة السحلب.
ما فيش حاجة هتدفيك زي السحلب. وفي سحلب سعودي وسحلب مصري وسحلب تركي.
وكل بلد بتحضره بطريقتها. ولكن مشكلتي مع السحلب ان سعراته الحرارية عالية. فهو مش هيكون مناسب لو انت بتعمل حمية غذائية.
وعشان نتغلب على مشكلة سعراته الحرارية العالية. ممكن ما نشربوش كل يوم.
ولكن نشربه مثلا يوم بعد يوم. وخلي كمان اللبن او الحليب فيه يكون قليل الدسم. وما تضيفش مكسرات كتير.
هي طبعا المكسرات دي مفيدة جدا. ولكن لما تزود منها هتعلي السعرات الحرارية.
ولو خايف بقى من زيادة الوزن. يبقى ما فيش افضل من المشروب الرابع معنا النهاردة وهو
مشروبات ساخنة الشاي الاخضر.
ميزة الشاي الاخضر انه مش هيدفيك فقط. ولكن كمان هيساعد على حرق الدهون اللي في الجسم. وهيمدك بكمية رائعة من مضادات الاكسدة.
دا غير كمان يتميز انه شبه خالي من السعرات الحرارية. ويا سلام لو ما ضفتش سكر له.
او لو حبيت تضيف ممكن تضيف المحليات البديلة للسكر. زي سكر استيفيا وكاندريل وتروبيكانا وخلافه.
كمان ميزة الشاي الاخضر انه بيقوي المناعة وبيخلص الجسم من السموم. فهو مشروب رائع عامة ومدهش خاصة في فصل الشتاء.
اما لو مش بتحب طعم الشاي الاخضر فممكن تشرب الشاي العادي.
ولو عايز حاجة بقى طعمها احلى واحلى وكمان تعلي المزاج يبقى تشرب المشروب الخامس معنا النهاردة وهو.
مشروبات ساخنة الكاكاو او الشوكولاتة الساخنة.
اللي احنا بنقول عليها hot chocolate .طعمها حلو وهتدفيك وهتحسن من مودك ومزاجك. والكاكاو له فوائد كتيرة جدا.
المشروب السادس معنا النهاردة هو شراب.
مشروبات ساخنة الزنجبيل.
اللي معروف عنه انه بيعالج الغثيان. وبالاخص غثيان الحمل. ده غير طبعا انه بيحتوي على مواد مضادة للبكتيريا. ومفيد ايضا لمرضى السكر ومرضى الكوليسترول.
ولو عايز تحسن من طعمه ممكن تضيف له شوية لمون. كمان الزنجبيل وهو بيدفيك هيرفع عندك معدلات الايض.
وهيحرق الدهون في جسمك. وهيساعدك على التخسيس. نيجي بقى لاهم مشروب هيهم مرضى السكر في الموضوع ده وهو بالطبع.
مشروبات ساخنة مشروب القرفة.
القرفة بتتميز انها مليئة بمضادات الاكسدة ومضادات الالتهابات. لكن ميزتها الرئيسية انها بتقلل من مقاومة الانسولين في الجسم.
وبتساعد على ظبط مستوى السكر في الدم. لذلك بنلاقي كتير من الشركات بتعمل منها مكملات غذائية
وبتبيعها بارقام فلكية على الرغم ان القرفة موجودة في كل بيت. وعلى فكرة القرفة بعتبرها مضاد حيوي طبيعي. لذلك اهتم بشربها لو دايما بيجي لك دور برد وانفلونزا.
المشروب رقم تمانية معنا النهاردة هو.
مشروبات ساخنة الكراوية.
لو عندك مغص او تقلصات في البطن او عندك الدورة الشهرية فانصحك انك تشربي شراب الكراوية. هتدفيك. وفي نفس الوقت هتسكن من الم المغص.
اما بقى المشروب التاسع معنا النهاردة فهو مختلف شوية. لانه مش هيدفيك وما ينفعش تشربه سخن. بس ما ينفعش ييجي الشتاء من غير ما تشربه.
فالمشروب ده هيقوي مناعتك وهيحميك من ادوار البرد والانفلونزا لانه غني جدا بفيتامين سي. المشروب اللي بتكلم عنه هو.
مشروبات ساخنة عصير البرتقال او عصير الليمون.
بس رجاء لو انت مريض سكر بلاش تشرب عصير البرتقال. وكل البرتقال كده زي ما هو. لان الالياف اللي موجودة في البرتقال هتساعد على تقليل ارتفاع السكر في الدم.
المشروب العاشر مش مشروب واحد. هم كذا مشروب واختار اللي يعجبك فيهم. فلذلك انا هسميه المشروب الثلاثي.
مشروبات ساخنة الينسون الكركديه النعناع.
فلو عايز تهدي اعصابك او عندك بحة في الصوت يبقى تشرب ينسون. ولو ضغطك مرتفع يبقى تشرب كركديه.
سواء بقى سخن او بارد مش هتفرق. وسيبك من الخرافات فالكركديه سواء شربته سخن او بارد كده كده هيفيد
على تقليل ضغط الدم. بس من باب اولى. في الشتاء تشربه سخن عشان يدفيك. وفي حر الصيف تشربه بارد عشان يرطب عليك.
بس طبعا مش معنى كده انك تتوقف عن تناول ادوية الضغط. فالكركديه شراب مفيد ولكنه ليس بديل للعلاج.
اما لو عندك مغص او غازات في البطن. او عندك دورة شهرية او اعصابك تعبانة.
يبقى الافضل انك تشربي نعناع باقول لك فيه حل تاني سحري ومن غير فلوس وهيغنيك عن كل المشروبات دي وهيدفيك بشكل افضل كمان.
ده غير ان هيساعد على علاج السكر والضغط ويقلل الكوليسترول وهيحميك كمان من الامساك. لكنه غير محبب لدى البعض وبالاخص الكسلانين. الحل هو الرياضة.