النقاب هو قطعة من القماش أو الملابس تستخدم لتغطية الوجه والجسد، ويتم ارتداؤها عادةً من قبل بعض النساء المسلمات.
يعتبر النقاب موضوعًا حساسًا في الكثير من الثقافات والمجتمعات، ويشغل دورًا مهمًا في الحياة اليومية للنساء اللواتي يرتدينه.
يتم استخدام النقاب للعديد من الأسباب، بما في ذلك الالتزام الديني والتقليد الثقافي والرغبة في الحفاظ على الخصوصية والحماية من العوامل الخارجية، ويتم مناقشة مدى ملاءمته في العديد من البلدان والمجتمعات بشكل دائم.
شاب يعلق على صورة فتاة تحمل ولدها على يديها في إمتحان الجامعة وهي منتقبة.
قلنا قبل كده ان من اوسع الابواب اللي بيدخل منها اعداء الاسلام على المسلمين وبالذات على البنات هي قضايا المرأة.
سبق وبرضو قلنا قبل كده ان اكتر وسيلة بيقدروا من خلالها مهاجمة الفكر الاسلامي هي وسيلة او فكرة ان الاسلام ظلمك وان الاسلام اضطهدك.
للاسف لما بيجي بعض الشباب او بعض البنات بيتكلم في القضية دي بنلاقي يعني طرف نقيض.
مفهوم النقاب وأهميته في الثقافات المختلفة.
يا اما طرف على اقصى درجات اليمين بيتعامل مع المرأة دي بالظبط كأنها عبارة عن حتة فاظة كده محطوطة في البيت ما تتحركش من مكانها ابدا تقعد مكانها كده اكلة شاربة نايمة بس ولا نفس ولا حس.
وفي طرف تاني بيتعامل مع المرأة على اساس انها لابد ان تتصرف في حياتها كالرجل تعمل زي الراجل وتلبس زي الراجل وتسهر برة زي الراجل.
وتشيش تشرب سجاير وتخرج مع اصحابها ويكون لها علاقات وتكون منفتحة وان غشاء البكارة كمان ده مش حاجة مهمة وان جسمها ده ملكها تعمل فيه اللي هي عايزاه.
عندنا طرفين وللاسف ان كل واحد فيهم بيكون رد فعل للتاني من كم يوم شفنا كده بوست كتبه احد بيقول فيهم جايب تعليق.
على طالبة قاعدة بتكتب وبتحل في امتحان في مدرج الجامعة تقريبا. وعلى ايديها ابنها الصغير وهو بينتقدها بيقول لها.
والله حتى لو حفظت نونية القحطاني وما اعرفش ايه وايه وايه لا ارضى بك كزوجة. الله سبحانه وتعالى كما امر بالتستر امر بالقرار في البيت قال وقرن في بيوتكن.
وهنا بدأت معركة كبيرة جدا. انا كنت فاكر الموضوع يعني خلاص كلمتين وهيعدوا لقيت كتير.
ومن الاوساط الملتزمة اللي بدأوا يشيروا البوست ده بين مؤيد وبين معارض. فخلينا نحاول نحل الموضوع مع بعض بالهداوة وبصورة علمية مش بصورة انفعالية.
لاني شفت بعض التعليقات لبنات ان هم يعني متشرعات كاتبين كلام على غرار نفس الصورة دي بس على لسان ان هي ايه؟
انها امرأة بتقول كده لرجل. وطبعا ده غلط وخلل في الفكر انه ليس كل ما يصوغ فعله للرجل.
يصوغ فعله للمرأة وليس كل ما ينبغي للمرأة ان تلزمه ينبغي للرجل ان يلزمه. فقياس احد الطرفين على الاخر يؤدي او يدل على خلل في الفكر.
لما اقول ان كل حاجة الراجل يعملها الست تعملها ده خلل. ولما اقول ان كل حاجة الست تعملها الراجل يعملها برضه ده خلل.
تأثير النقاب على حياة المرأة المسلمة.
واحنا عندنا في فروق بيولوجية بين الاتنين وفروق نفسية. يتبع ذلك فروق تشريعية.
تلاقي ربنا سبحانه وتعالى فرض على الرجال الجهاد ولم يفرض ذلك على النساء.
تلاقي ربنا سبحانه وتعالى قال امر الرجل بالذهاب الى الصلاة الجمعة والجماعات ولم يلزم النساء بذلك.
تلاقي سيدنا النبي عليه الصلاة والسلام اخبر المرأة ان صلاتها في قعر بيتها خير لها من صلاتها. في المسجد بينما الرجل صلاته في المسجد خير له من صلاته في بيته.
تلاقي الرجل ملزم من نفقة على المرأة والمرأة غير ملزمة بهذه النفقات. تلاقي الرجل مطالب بان يموت عن المرأة التي هي عرضه وشرفه المرأة غير مطالبة به.
في فروق كتيرة لو قعدنا نعددها من هنا للسنة الجاية مش هنخلص.
تلاقي الراجل وهو رايح يتجوز مطالب يدفع مهر وشبكة ومقدم ومؤخر واللزي منه. المرأة ليست مطالبة بشيء من ذلك.
ففكرة ان احنا نقيس الاتنين على بعض يا جماعة دي فكرة اصلا لا دينية ولا منطقية. تعالوا بقى للموضوع بتاعنا.
هل الله عز وجل وهل الشريعة الاسلامية امرت المرأة بالقرار في البيت؟
الحقيقة عندنا نص يقول ذلك نعم. بس هنفهم النص مع بعض. ربنا سبحانه وتعالى يخاطب نساء النبي صلى الله عليه واله وسلم يقول وقرن في بيوتكن ولا تبرجن تبرج الجاهلية.
هذه الاية باتفاق مخاطب بها نساء النبي صلى الله عليه وسلم. سؤال بقى يا ترى هل نساء المؤمنات داخلات معهن في هذا الخطاب؟
يعني هل عهدة هذا الخطاب تقتضي ان كل الستات زيهم زي النساء سيدنا النبي عليه الصلاة والسلام؟ مطالبات بالقرار في البيت؟ ده سؤال.
السؤال التاني. لو قلنا نعم انهن في هذا الخطاب. يبقى السؤال التاني هل هذا الخطاب على جهة الارشاد? هو امر ارشادي؟ ولا هو امر للندب؟ ولا هو امر للوجوب؟
الحقيقة هتلاقي المفسرين زي الامام القرطبي رحمه الله تعالى بيقول لك ان نصوص الشريعة الاسلامية طافحة بوجوب قرار المرأة في بيتها. ولا يخرجن من البيوت الا لضرورة.
ده كلام الامام القرطبي المفسر الشهير رحمه الله تعالى. وبيقول ان هذا الكلام هو خطاب لنساء النبي صلى الله عليه وسلم ويشمل كذلك نساء المؤمنات.
تعال انتقل بعد كده للامام المفسر الالوسي رحمه الله تعالى هتلاقيه برضو بيذكر نفس المعلومة. بيقول والمراد على سائل القر رضي الله عنهن بملازمة البيوت.
وهو امر مطلوب من سائر النساء. يعني الامام القرطبي انا بس بجيب لكم نماذج والامام الالوسي بيقول لك القرار في البيت ده امر شرعي.
ده مبدأ شرعي. خوطبت به نساء النبي وخوطبت به نساء الامة. عشان بس انا ليه بقول الكلام ده؟
حقوق المرأة والنقاب في العالم الحديث.
عشان نفهم برضه نفسيةالانسان اللي بيكتب الكلام ده مرجعيته ايه؟ وما ينفعش نسخر من الكلام هكذا اللي لازم نفهم ان في مرجعية وانا هقول لكم بعد كده المرجعية دي الى ما تؤدي.
هل يا ترى تؤدي الى هذا القرار في البيت واجب ولا غير واجب واذا كان واجبا فليستثنى منه امور ولا هو لا يستثنى منه شيء.
هنيجي للكلام ده كله. بس انا بفهمكم بصورة علمية عشان يا اخوانا نفسي نوسع صدورنا لبعض الله يستركوا.
ما ينفعش نكون متشرعين ومسلمين بيقولوا قال الله وقال الرسول ونقعد نقطع في بعض كده.
كعيب عيب الدين مش كده عيب لو بعث رسول الله صلى الله عليه واله وسلم وابصر حالنا والله لبكى على هذه الامة.
حالنا بقى زي الزفت نخش باسم الدين نلعن في بعض ونسب في بعض ونقطع في بعض وكله باسم الدفاع عن الدين والمنهج.
يا اخي طز فيك وفي منهجك وطز فيك وفي منهجك. اللي يخليكم تعملوا كده في بعض. اي شريعة هذه التي تأمر بهذا؟
واي منهج هذا الذي يسوق المسلمين لان يتصارع بعضهم مع بعض هكذا. بالراحة مش كده. ارضوا على انفسكم.
نكمل هتيجي تلاقي في شرح المختصر للإمام الزركشي من ائمة الشلة الحنابلة رضوان الله عليهم.
بيقول المرأة وان لم تكن متوفا عنها زوجها تمنع من الخروج من بيتها لغير حاجة منعا مطلقا. معنى كده ايه؟
ان المرأة هو بيقول مذهبه. ان المرأة لا تخرج من بيتها إلا لحاجة. خلي بالكم ايه كلمة حاجة دي? حاجة يعني امر مطلوب لابد منه بس اقل سنا من الضرورة.
رايحة تتعالج لها فلوس شغالة رايحة تبص عليها رايحة تزور مثلا حد مريض حاجة زي كده يعني. بمعنى الحاجة لان في بعد كده حاجة اسمها الخروج لغير حاجة. زي ايه؟
اخرج للتنزه. خارجة كده تبص في وشوش عباد الله. تنزل تتمشى شوية. رايحة تتفسح ده اسمه الخروج لغير حاجة يعني مش شيء مُلح.
فالامام الزركشي بيقول لك انها تمنع من الخروج من بيتها لغير حاجة. ركزوا في الكلمة دي عشان هنعوز كلمة حاجة دي قدام كمان شوية.
يبقى احنا كده فهمنا ان في اتجاه من الائمة ومن العلماء بيقول ان المرأة تمنع من الخروج لبيتها لحاجة.
وانتبهوا عشان التنويرين لازم يفهموا برضه نفهمهم بالمرة ان الائمة والاسلام حتى على الرأي اللي هو قد يكون قوي ده او قافل الدنيا لم يمنع المرأة من الخروج في البيت.
بيقول لها لا اخرجي لو في مصلحة تقتضي خروجك اخرجي لكن ما فيش مصلحة تقتضي خروجك لا الاصل فيك ان تقري في بيتك.
لذلك هتلاقي الاخ اللي كاتب البوست ده هو من وجهة نظره ومن رؤيته ان التعليم المختلط الجامعي ليس من الامور الحاجية وليس من الامور الضرورية.
فبالتالي حسب وجهة نظره وحسب كلام الامام الزركشي في شرح المختصر ان يبقى خروجها لهذا التعليم حسب رأيه هو او حسب فهمه. ده ليس خروجا يعني ده مش خروج لحاجة معتبر.
يبقى خروجها في البيت كده خالف عنده امر الله لها بالقرار. فهمتوا ان تفكيره ايه؟ عشان كده بقول لكم نهدا لما نتعامل مع بعض ونفهم بعض. كي يكفينا بدل ما نهاجم.
والله نقول له ده رأيك وكلام جميل بس احنا يعني لنا قول اخر من اقوال الائمة نأخذه
ونرى ان خروجها لغير حاجة مثلا قد يكون مباحا وحتى لو قلنا ان خروجها لغير حاجة ممنوع.
فالتعليم في هذا الزمن ومع التزامها بحشمتها وباداب الاسلام يعتبر خروجا لحاجة مطلوبة شرعا.
لان المرأة الان لا تستطيع ان تتعامل في المجتمع ولا مع زوجها ولا مع اولادها الا اذا كان قد حصلت على قسط وافر من التعليم.
فبالتالي خروجها بالتزام الزي الشرعي وبعدم اختلاطها بغيرها وبعدم خضوعها بالقول لاجل التعليم.
الجدل حول قانون حظر النقاب في بعض البلدان.
يعتبر خروجا لحاجة معتبرة شرعا. ففي هذه الحالة حتى على كلام مذهبك او امامك الذي تتمسك به يبقى برضو ينفع انها تخرج.
ويبقى الرد لطيف وجميل. فهمنا قى الاتجاه الاول اللي بيقول ان خروج المرأة لغير حاجة لا يجوز.
تعالوا بقى نشوف الاتجاه التاني.
بيتكلم الامام الغزالي رحمه الله تعالى في احياء يوم الدين بيقول لك ان خروج المرأة العفيفة المحترمة المتسترة المعروفة بالعفة لامور حاجاتها ولامور حياتها مباح. اذا كان باذن زوجها.
يبقى هنا الغزالي ما اشترطش ان الخروج يكون لها زي ما كان في الرأي الاول بيقول لك لأ ده يكفي ان يكون باذن زوجها. معنى الكلام ده ايه؟
ان اذن لها زوجها في الخروج ولو لغير حاجة خارجة تتفسح. خارجة تتمشى خارجة تمشي على الكورنيش. طبعا ده مش معناه انها خارجة بشعرها والكلام ده لا خارجة ايه؟
محتشمة بلباسها ليست متطيبة ولا خارجة تفتن الرجال ولا كذا. في الحالة دي يبقى خروجها مباح.
هنلاقي معنى كلام الامام الغزالي رحمه الله تعالى ان خروجها لغير حاجة بس ما دام زوجها اذن ما فيش فيه اشكال.
ولكن بيقول لك وقعودها في البيت اسلم. يبقى خلي بالك في فرق بين الامام الزركشي اللي كان من شوية بيقول ان خروجها يمنع مطلقا الا لحاجة وبين الامام الغزالي اللي له اتجاه تاني يقول لك لأ.
ده ممكن تخرج ما دام اذن لها ثوابها فيه حاجة ولا ما فيش؟
يعني كلام الامام الغزالي رحمه الله تعالى يدل على عموم القضية او عموم الجواز الخروج ما دام ان زوجها قد اذن لها.
حننتقل للامام الحافظ بن حجر رحمه الله تعالى في فتح الباري هنلاقيه بيتكلم كده في معرض هذه الاحاديث وكذا يقول لك وفيه ان القرار في البيت او ان مكث في البيت ليس على سبيل الوجوب.
وفيه دليل على ان القرار في البيوت ليس على سبيل الوجوب. معنى الكلام ده ايه؟
ان الحافظ ابن حجر بيقول لك ان المرأة لو خرجت من بيتها لغير حاجة خالص. خارجة كده اهو فليست اثمة وليست عاصية بمعنى ارتكاب الاثم وانما هي فعلت الاولى لها تركه او عدم فعله. فهمنا كده الاتجاه التاني.
ولكن مع ذلك الامام الحافظ ابن حجر رحمه الله تعالى بينبه على انه مضت السنة ومضى الوضع.
وزي ما قدام حضراتكم على ان النساء يخرجن الى المساجد والاسواق منتقبات. ابن حجر ده شافعي اشعري. ليه بقول كلمة منتقبات دي وبقالك عشان الناس اللي بتيجي النهاردة تقول لك النقاب ده بدعة وغير معروف في الدين.
اهو ابن حجر بيقول لك انه مضى الوضع على استمرار خروج النسائي الى الاسواق والى المساجد منتقبات لان لا يراهن الرجال. يبقى ده كلام الحافظ ابن حجر رحمه الله تعالى.
انا هنا هستدل بكلام الشيخ ابن عثيمين الفقيه المعروف السعودي رحمه الله في القضية دي ليه ليه ذكرت ابن عثيمين بالذات؟
تطور النقاب عبر الزمن وتأثير العوامل الثقافية والاجتماعية عليه.
عشان بعض اخوانا لا يأخذ الا بكلام المشايخ او العلماء من بلاد الحرمين. فذكرت له كلام الشيخ ابن عثيمين رحمه الله تعالى في فتاوى نور على الدرب الذي يرجح فيه الشيخ.
ان خروج المرأة يعني مع حفاظها على ذيها الشرعي وعلى احتشامها لا حرج فيه ولا تأثم المرأة بذلك ان شاء الله تعالى.
تلاقيه بيقول ايه? وما ذالت النساء في عهد النبي صلى الله عليه واله وسلم يخرجن الى الاسواق.
ولكنهن يخرجن على وجه ليس فيه فتنة ولا تبرج. فلا تخرج المرأة متطيبة ولا متبرجة بزينة. حتى الامام ابن بطال رحمه الله تعالى.
من ائمة السادة المالكية ايضا احنا قلنا قبل كده القرطبي ذكر الامر بوجوب وملازمة البيت ووجوب القرار فيه.
ابن بطال رحمه الله تعالى ذكر حديثا في تعليقي على احد الاحاديث في صحيح البخاري بيقول ان في هذا الحديث.
جواز خروجها لما ابيح لها الخروج اليه. من زيارة الاباء والامهات وذوي المحارم وغير ذلك. وذلك حكم خروجهن الى المساجد.
ابن بطال بيقول ان المرأة يجوز لها ان تخرج من البيت ونفهم من كلامه كده انه لا يرى الامر الوارد في قول الله تعالى وقرن في بيوتكن انه امر للوجوب.
انما للندب كما يقول بعض الفقهاء او للارشاد كما يقول البعض الاخر من الفقهاء لما نيجي لشرح.
مختصر خليل للسادة المالكية للشيخ ابو عبدالله محمد بن عليش المالكي بيقول لك ايه بقى؟
بيقول لك في هذه القضية في خروج المرأة في طرفي النهار فبيعلق على كلام الماتن بيقول لك يعني انه استفيد من كلام حسب ما اذكر انه للمرأة ان تخرج في غير طرفي النهار ولو لغير حاجة.
ركزوا في كلمة ولو لغير حاجة. يعني ايه? يعني خارجة تشم هوا. خارجة تتفسح. خارجة بغير غرض. خارجة بغير حاجة ماسة ولا داعية. احنا قلنا عندنا الحاجات والضرورات.
هي لا خارجة للضرورة ولا خارجة لحاجة. خرجت هكذا. مفاد العبارة جواز خروجها في غير طرفي النهار ولو لغير حاجة.
يبقى احنا كده عندنا اتجاه قوي من العلماء بيقول بجواز خروج المرأة ولو لغير حاجة بس. اهم حاجة يكون اذا كانت متزوجة طبعا باذن زوجها كما نعلم.
تاني حاجة انها لا تكون متعطرة ولا متزينة ولا متبرجة الكلام ده كله. يعني يفهم من كلامهم خروج المرأة بتعطرها وبتزينها وبتبرجها حرام ما ينفعش.
رايحة بقى الجامع رايحة الجامعة رايحة تجيب لبن من عند البتاع تشتري مانجة وشوفان دي كل الكلام ده.
اي خروج للمرأة بغير زيها الشرعي هي اثمة فيه. ولذلك تعال اقرأ حديث النبي صلى الله عليه واله وسلم اماء الله المساجد ولكن ليخرجن وهن تفلات. يعني ايه؟ يعني غير متعطرات غير متطيبات غير متزينات.
العزيمة بادئ في شرحه على هذا عون المعبود الشرح بتاعه اسمه عون المعبود الشرح على سنن ابي داوود بيقول لك ايه على الحديث ده؟
بيقول لك نهينا عن التطيب النساء يعني لا يحركن الرجال بطيبهن. ويلحق
ما يكون مثله من محركات يعني الشهوة والرغبة الجواهر والحلي والمكياج والحاجات دي كلها كل ذلك يمنع
واحد ييجي بقى وواحدة تقول لك الله هو ايه يعني ليه؟؟ اكمنه اعلى من كده؟
النقاب والتحرر النسائي: دراسة مقارنة بين الثقافات المختلفة.
ايوة عشان ربنا سبحانه وتعالى خلق الرجل مجبولا على الجري ورا الستات خلقته كده وخلق المرأة ولذلك دايما اللي يروح يخبط الباب سلام عليكم انا عايز بنتكم هو الراجل.
وحتى لو الست لفتت نظر الراجل برضو في الاخر هو اللي بيروح البيت وحتى لو الست تدفع.
انا بحبك تعال اتجوزني مش الاذن وانا هاجي اتجوزك تقول له تعال فلازم هو اللي يروح ياخد ابوه وعيلته وناسه سلام عليكم يا جماعة جايين نطلب ايد الكريمة بتاعتهم فطرة.
فالله سبحانه وتعالى خلق محركات الرغبة عند الرجل غير محركات الرغبة عند المرأة.
في اكتر من حتة بتقول ان اول ما يبحث فيه الرجل عن المرأة الجمال الشكل الفريم اللي برة. وبعدين بقى بيدور على الحاجات التانية.
واول ما تبحث فيه المرأة عن الرجل مش الشكل وانه عينيه عاملة ازاي وانه شفايفه منفوخة وواخدة بوز البطة وان رجليه ناعمة وانه لابس كعب وانه بنطلونه ضيق لا ما تبصش على كده خالص. بتبص على حاجة تانية.
اتزانه عقليته الامان الاجتماعي اللي هو هيقدر يوفره لها كل واحد عايز من التاني حاجة غير اللي التاني عايزها منه واذا لو كان نفس ما يريده الرجل هو بالفعل نفس ما تريد ما كانوش يتجوزوا.
انا عايز منك مية جنيه وانت عايز مني مية جنيه. وانا معي ميت جنيه وانت معك مية جنيه. طب ما هي هي هنعمل ايه؟
لكن لازم انا معي ميت جنيه وانت عندك مثلا كيلو لحمة. فانا محتاج اخد اللحمة وانت محتاج المية جنيه. كده.
ده مش معناه ان الرجل لا يهتم بان المرأة تكون متعلمة وان هو يشعر برضه معها بالامان. لكن بنتكلم على ترتيب الاولويات.
ترتيب الاولويات عند الرجل المظهر. ترتيب الاولويات عند المرأة الاهتمام بالحياة الاجتماعية وتوفير الامن والسلام الاجتماعي. عشان بس ما حدش يعترض على الكلام ده. والفكرة دي تكون واضحة لحضراتكم.
يبقى احنا بعد ما خلصنا الكلام ده كله خلصنا في النهاية الى انه يمكن ان احنا نتعامل مع بعض بهدوء شوية من غير شدة.