العنب هو فاكهة لذيذة ومغذية، وهو أحد الفواكه الأكثر شعبية حول العالم. يتميز العنب بقوامه اللين وحجمه الصغير، ويتوفر بألوان مختلفة مثل الأخضر والأحمر والأسود.
يتم تناول العنب بشكل طازج كوجبة خفيفة أو كمكون في السلطات والحلويات والمشروبات.
تعتبر العنب مصدراً غنياً بالفيتامينات والمعادن، حيث يحتوي على فيتامين سي وفيتامين ك وفيتامين ب6، ومعادن مثل البوتاسيوم والكالسيوم والحديد. كما يحتوي العنب على مضادات الأكسدة التي تحمي الجسم من الأمراض وتعزز صحة الجلد والشعر والأظافر.
بالإضافة إلى فوائدها الغذائية، يستخدم العنب في العديد من المجالات مثل صناعة النبيذ والعصائر والمربيات والحلويات. كما يتم استخدام العنب في العديد من العلاجات الطبية التقليدية لعلاج الأمراض المختلفة.
في هذه المقدمة، سنتعرف على فوائد العنب وأهميتها الغذائية، بالإضافة إلى استخداماتها في مجالات مختلفة وكيفية تحضيرها في أطباق مختلفة.
تأثير العنب على الصحة العامة ومكافحة الأمراض.
النهاردة هنتكلم عن طعام من اطعمة اهل الجنة. النهاردة هنتكلم عن ثمرة ذكر اسمها في القرآن حداشر مرة. النهاردة هنتكلم عن فاكهة بينتج منها سنويا تمانين مليون طن.
النهاردة هنتكلم عن فاكهة اعلى دولة عربية في انتاجها هي مصر. ثم الجزاير ثم المغرب ثم سوريا.
فوائد العنب النهاردة هنتكلم عن العنب.ورسالتنا اليوم بعنوان فوايد واضرار العنب. وبذكركم موضوعنا كالعادة مقسم الى تلات اجزاء. ففي الجزء الاول سنذكر اهم عشر فوايد طبية للعنب.
وحنعرف ليه بيخلي العجوزة تبقى صبية؟ والجزء التاني هنجاوب على السؤال المشهور هل يصلح تناول العنب من قبل مريض السكر ام لا؟
وفي الجزء التالت والاخير هنذكر اهم اربع اضرار للعنب. ومش عايزكم تستغربوا لما تلاقوني كاتب فايدة معينة للعنب وفي نفس الوقت كاتبها في اضراره ايضا.
كيفية استخدام العنب في الطهي والحلويات والمشروبات.
العنب فيه منه عدة انواع. ففي العنب الاخضر والاحمر والاسود وبيتعمل من العنب عصير العنب ومربى العنب والزبيب ايضا.
ولو شرفتنا في مصر انصحك وبشدة بشراء العنب البناتي اللي هو العنب الاخضر المصفر اللي بدون بذر.
وبيبقى حجمه صغير فده من اطيب واحلى انواع العنب اللي هتدوقها في حياتك. يلا نبدأ بالجزء الاول ونذكر اهم عشر فوايد طبية للعنب.
الفايدة الاولى مش هقول لكم كنز بالفيتامينات والمعادن. ولكن هقول لكم كنز بمضادات الاكسدة. واهم مضاد اكسدة في العنب هو مادة الريسفيراترول اللي هتلاقوني باذكرها كذا مرة في الموضوع.
اتنين الحماية من السرطان. وده بسبب احتواءه على كمية عالية من مواد البوليفينول واهم مادة هي مادة الريسفيراترول.
اللي بالمناسبة بتكون موجودة اكتر في العنب الاحمر وبالاخص في الجلد بتاع العنب الاحمر. فمواد البوليفينول كما نعلم ان لها مفعول قوي كمضاد للاكسدة ومضاد للالتهابات.
تلاتة مفيد لصحة القلب. وده بسبب احتواء العنب على مادة الريسفيراترول ومادة الكورستين.
اللي موجودة ايضا في التفاح.. المهم المواد دي بتساعد على تقليل مستوى الكوليسترول الضار. وبالتالي هيقل تراكم الدهون في الاوعية الدموية. ويقل معه خطر الاصابة بتصلب الشرايين.
وبالتالي يقل خطر الاصابة بالامراض القلبية. ومش بس المواد دي هي اللي بتقلل الكوليسترول الضار. ولكن ايضا الالياف اللي موجودة في العنب بتقوم بالدور ده.
اربعة مفيد لمرضى الضغط. دايما الاطباء بينصحوا المرضى بتقليل تناول الصوديوم.
ولكن في حقيقة الامر ان النصيحة دي ناقصة. فالنصيحة الصح مش انك تقلل من تناول الملح او الصوديوم فقط. ولكن ايضا تزيد من تناول البوتاسيوم حتى تحصل على الفائدة الكاملة للضغط.
ولكن بشرط ان ما يكون عندك اي موانع تمنعك من تناول البوتاسيوم. وده هاذكره في اضرار العنب.
فكوب واحد من العنب يعني حوالي مية وخمسين جرام عنب بيمدنا بمتين وتمانين ملي جرام بوتاسيوم.
خمسة مفيد لصحة الجلد والبشرة. لذلك دايما بيقولوا على العنب انه بيخلي العجوزة تبقى صبية. ودي طبعا مقولة مبالغ فيها. ولكن مادة الريسفيراترول اللي موجودة في العنب بشكل عام.
صناعة النبيذ من العنب وتأثيرها على الصحة.
وموجودة في الاحمر بشكل خاص وجدوا ان لها خواص قوية كمضاد للشيخوخة وعلامات تقدم السن.
لذلك بنجد كتير من شركات الادوية بتستخلص المادة دي وبتعمل منها مكملات غذائية تحمي من علامات تقدم السن.
ستة مفيد لعلاج حب الشباب. ولكن مش عن طريق انك تاكل عنب. فشركات الادوية بيستخلصوا مادة الريسفيراترول وبيحطوها مع بعض كريمات حب الشباب.وده بيساعد في علاج حب الشباب.
سبعة لو بتعاني دايما من الامساك جرب تاكل عنب باستمرار مع شرب عشر كوبايات ماية في اليوم. وناخد بالنا ان كتير من الاطفال بيحبوا العنب. فاحيانا بيسبب لهم اسهال.
تمانية مرضى السكر. في دراسة كبيرة اتعملت على نطاق من الناس اللي بتاكل باستمرار العنب والتوتيات. ووجدوا في الدراسة دي ان الناس دي بتكون اقل عرضة لخطر الاصابة بمرض السكر النوع الثاني.
تسعة مفيد للمرضى اللي بيعانوا من اعتلال في الاعصاب والشبكية نتيجة اصابتهم بمرض السكر. وبيرجعوا الفائدة دي لمادة الريسفيراترول اللي موجودة في العنب. اذا معنى كلامك يا دكتور ان العنب يصلح لمرضى السكر.
هقول لكم ما قلتش كده. وحجاوب على الجزئية دي بالتفصيل بعد ما اذكر.
الفايدة رقم عشرة.وهي ان العنب مفيد لصحة العيون. نتيجة احتواءه على مواد الزيازانسين واللوتين. ولذلك دايما بتلاقوا عنب السنتروم اللي هو الفيتامين المشهور مكتوب عليه انه بيحتوي على لوتين. عشان صحة العيون.
جاوبنا بقى. هل يصلح تناول العنب من قبل مريض السكر ام لا؟ والاجابة هتصدمك. فالاجابة هي يصلح ولا يصلح. لأ
هقول لك ممكن تصبر علي شوية. فالعنب في حد ذاته يصلح لمريض السكر لان حمله ومؤشره الجلايسيمي منخفض.
فحمله الجلايسيمي خمسة فقط. والمؤشر الجلايسيمي تلاتة وخمسين. يعني مش افضل شيء من ناحية المؤشر الجلايسيمي ولكن يعتبر منخفض.
فوائد العنب للبشرة والشعر والأظافر.
لكن مشكلة العنب انه غني بالسكر والكربوهيدرات. ولكن بيحتوي ايضا على الياف. فلذلك ممكن تاكل عنب. ولكن ما تشربش عصير عنب. يعني اكل عنب براحتي ؟؟
هاقول لك لأ برضو. فالكمية الموصى بها لمريض السكر هي خمستاشر عنبة فقط في اليوم. مش اكتر من كده.
والعنب الاخضر بيحتوي على كمية اقل من السكر بالمقارنة بالعنب الاحمر. عرفتم ليه يصلح ولا يصلح؟
هو يصلح طالما هتاكل خمستاشر عنبة فقط ولكن مين مننا بيقدر يقاوم العنب ويلتزم ب15 عنبة فقط في اليوم. لو هتقدر تقاوم يبقى ما فيش مشكلة.
تعالوا ننتقل للجزء التالت والاخير من الموضوع وهو عن اضرار العنب.
رقم واحد مليء بالمبيدات الحشرية. ففي منظمة عالمية بتنشر كل سنة قايمة بالاطعمة اللي بتحتوي على نسبة عالية من المبيدات الحشرية. نتيجة ظروف زراعتها.
وللاسف العنب بيقع ترتيبه رقم تمانية عالميا ضمن هذه القائمة. لذلك مهم جدا غسل العنب جيدا قبل تناوله.
اتنين البوتاسيوم. احنا قلنا ان البوتاسيوم مفيد جدا لمرضى الضغط. ولكن يجب الحذر من كمية البوتاسيوم اليومية لو حضرتك مريض كلى. والكلام ده لا ينطبق على كل مرضى الكلى.
ولكن على البعض منهم فقط اللي الطبيب حذرهم من الاكثار من البوتاسيوم. كمان بعض ادوية الضغط قد تؤدي الى ارتفاع البوتاسيوم. لذلك هؤلاء المرضى ايضا يجب ان يكونوا حذرين في كمية البوتاسيوم اليومية.
تلاتة مرضى السكر.وقلت لكم في بداية الموضوع ما تستغربوش لو كتبت الفايدة ونفس الفايدة كتبتها في اضرار العنب. لان ببساطة لو اكلت اكتر من خمستاشر عنبة في اليوم ده ممكن يؤدي الى ارتفاع السكر.
الضرر الرابع هو لو حضرتك او حضرتك بتاخده دواء الوارفارين اللي هو مضاد للجلطات او ايا من مثايله.
يجب مراجعة الطبيب لتحديد الكمية المناسبة من العنب لان مادة الريسفيراترول اللي في العنب قد تزيد من مفعول هذه الادوية وتؤدي الى حدوث نزيف.