لغز الإنترنت , في 4 يناير 2012 نزلت صورة علي موقع 4chan و اللي نشر الصورة مظهرش هويته الحقيقية كانت كل البيانات الموجودة عن كاتب الصورة هو إن إسمة 3301.
قال للناس إن في رسالة موجودة في الصورة حاولوا تلاقوها ونزل برضو صورة في نفس الوقت علي موقع ريديت وبكدا يبدأ أكبر لغز علي الإنترنت في التاريخ سكيدا 3301 .
في
4 يناير 2012 نزلت صورة علي موقع 4chan و اللي نشر الصورة مظهرش هويته الحقيقية
كانت كل البيانات الموجودة عن كاتب الصورة هو إن إسمة 3301.
قال للناس إن في رسالة موجودة في الصورة حاولوا
تلاقوها ونزل برضو صورة في نفس الوقت علي موقع ريديت وبكدا يبدأ أكبر لغز علي
الإنترنت في التاريخ سكيدا 3301.
بعد
شوية من نشر الصورة في واحد إكتشف إنه لما يفتح الصورة علي "notepad" وتطلعله الصورة علي هيئة أكواد ورموز
هيلاقي جمل يقدر يقرأها وليها معني.
وبعد ما فك الشفرة دي ، وصل لرابط صورة تانية
الناس شافت إنه واحد بيهزر وخلاص خصوصا إن الصورة دي كان مكتوب فيها أوبس شكلك
مقدرتش تخمن اللغز الموجود.
لغز حير علماء الإنترنت .
ولكن
في ناس إستخدمت برنامج تاني إسمه "outguess" وقدروا يطلعوا معلومات تانية متخبية في الصورة الأولي
المعلومات دي وصلتهم لصبريديت واللي كان فيه معلومات عن كتاب "the mabinogion".
و
الكتاب دا يا معلم كان فيه شفرة بعد ما فكوا الشفرة دي وصلوا لرقم تليفون ولما
كلموا رقم التليفون ده لقوا رسالة صوتية متسجلة من فترة.
و متجهزة للي هيكلم الرقم
ودا كان نص الرسالة : وتاني يوم الصورة الأولي إنتشرت في الإنترنت كله
وبدأ مخبرين وباحثين يعملوا أبحاث .- قد يهمك :
إنفصلت عنه ولكنه إنتقم بطريقة عبقرية
علشان يحاولوا يحلوا اللغز ده بس محدش فيهم كان
متأكد من إن اللي بيعمله ده صح ولا غلط ولا حد عارف إه الهدف من اللغز دا أصلا.
ولو حد وصل للنهاية إيه اللي هيحصله في ناس قالت
إنه مجرد هزار علي النت وخلاص وفي ناس تانية حست بخطورة الموضوع بدأ ينتشر إشاعات
إن دي منظمة سرية أو وكالة معينة عاملة اللغز ده.
علشان تجند الناس اللي هيقدروا يحلوه لأن اللي
هيقدر يحل اللغز ده مش مجرد بني أدم عادي يعني مش بيفكر زي الناس العادية اللي
هيحله هيكون شخص عبقري ودا بالظبط اللي هم عايزينه.هل لغز الإنترنت حقيقة أم إشاعة ؟.
خليك فاكر إني قولتلك إن كل دي إشاعات مش
حاجة مؤكدة الرقمين الناقصين اللي إتذكروا في التسجيل كانوا إبعاد الصورة الأصلية
لما تضرب الطول في العرض وتستعمل الناتج كرابط... هيدخلك علي موقع.
كل اللي فيه حشرة الاسكيدا و عداد بيعد بشكل تنازلي
ولما وصل العداد دا للصفر إتحول الموقع لقائمة إحداثيات و الإحداثيات دي كانت
مواقع حول العالم 14 موقع في 5 دول مختلفة.
الناس
اللي كانت بتحاول تحل اللغز وفي إحداث من اللي طلعلهم قريب منهم بدأوا يرحوا
للموقع دا علي طول الناس اللي كانت بتقول إن سكيدا منظمة ومش مجرد لعبة كانوا علي
حق فعلا كانوا شايفين إن المنظمة هي الحاجة الوحيدة اللي معاها الموارد.
اللي
تخليها تقدر تعمل لغز بالتعقيد ده أكيد مفيش هزار في الموضوع و في لغز تاني إكبر
من كدا في كل موقع من دول كان ملزوق ورقة كل اللي كان موجود علي الورقة رمز سكيدا
وشفرة QR.
شفرة
الكيو أر وصلتهم لصورة والصورة وصلتهم للغز واللغز وصلهم لكتاب والكتاب وصلهم
لموقع بس الموقع وصلهم لحاجة غير متوقعة الناس اللي وصلت للموقع الأول إتقبلوا
للمرحلة الأخيرة من اللغز.
وبعد كدا إتكتب في الموقع نريد الأفضل ليس
التابعون و إتبعت رسايل بيحذروا فيها الناس اللي وصلت للمرحلة الأخيرة إنهم ممنوع
يشاركوا أي بيانات مع الناس التانية.
المرحلة قبل الاخيرةمن لغز الإنترنت .
بعد كدا بس خلينا نقول إن مش كلهم وافقوا علي التحذير ده بعد شهر من الصمت تقريبا ومفيش أي معلومات عن اللغز ظهرت صورة في صب ريديت و الصورة دي كان فيها خاتمة للغز.
مما يعني إن اللغز إتحل خلاص و منظمة سكيدا لقت
العباقرة اللي بيدوروا عليهم والل حصل ليهم لسة غامض وهنعرف إيه اللي حصل بعد شوية.
الناس لما شافت إن مفيش أي تفاصيل تانية عن
الموضوع قالوا إنها كانت مجرد كدبة ومضيعة للوقت و الأسئلة اللي قالوها مع أول
صورة ملقوش ليها أي إجابة.
بس الواضح إن دي كانت مجرد البداية ايا كان اللي
ورا اللغز ده فكان شايف إنه لازم يحط شفرة إثبات مع كل دليل "PGP" علشان المتسابقين يعرفوا إن اللغز ده
من سكيدا فعلا مش من حد تاني.
علشان
كمان سكيدا قالوا أي رسالة مش هيكون فيها 'PGP" هتتجاهل فورا وعلشان كمان في الوقت دا ظهرت تقليدات كتير
فاشلة للغز سكيدا الناس إكتشفت إن أول صورة خالص طلعت كانت فيها إمضاء "PGP".
الرسمية ورجعت سكيدا وبدأ اللغز التاني أو خلينا نقول....المرحلة الثانية اللغز التاني مكنش مختلف كتير عن الأول .
الصورة وصلتهم لرسالة الرسالة وصلتهم لكتاب الكتاب وصلهم
لرابط و الرابط وصلهم لتسجيل بعنوان والتسجيل دا كان مجرد موسيقي.
وفي
رابط تاني وصلهم لحساب تويتر متشفر ولما فكوا الشفرة وصلوا لصورة و الرموز اللي
كانت موجودة في الصورة كانت بالأبجدية الرونية و الموضوع فضل غامض لمدة معينة.
زي اللغز الأول لما طلع المشاركين للحياة
الواقعية علشان يدوروا علي الصور بس المرة دي كانت 8 مواقع في 4 دول مختلفة
والمتسابقين اللي عرفوا يجيبوا الورق الأول إتأهلوا للمرحلة الثالثة.
بس المرة دي اللغز منتهاش برسالة رسمية من سكيدا
زي اللغز الأول و الدنيا هديت و سكيدا إختفت تاني من غير أي تفسير ومع ذلك اللغز
مخلصش لسة بدأت الجولة الثالثة.
المرحلة الأخيرة من لغز الإنترنت .
مع بداية 2014 ومرة ثالثة صورة ودتهم لرسالة
رسالة ودتهم لكتاب كتاب وداهم لرابط زي اللغزين اللي فاتوا مفيش أي فرق بس اللغز
الثالث كان بيتمحور حوالين كتاب والكتاب كان بعنوان "Liber Primus".
ومعناها الكتاب الأول باللاتينية و كانت مكتوبة
من طرف سكيدا الأبجدية الرونية مكنش ليها ترجمة في الوقت ده معني كدا إن الترجمة
هي كمان شفرة عايزة تتحل الكتاب كان فيه مجموعة من الأفكار الفلسفية و العقائدية
المختلفة.
و في ناس كتير قارنوا بين الكتابات دي و طائفة
معينة الكتاب كان فيه رموز وشفرات كتيرة جدا علي سبيل المثال في الصفحة الأولي من
الكتاب بيرشد المتسابقين إنهم يبحثوا عن موقع معين في الديب ويب بس الموقع فضل
متشفر ومحمي.
ومحدش عارف يدخله وفي صفحة تانية ودتهم علي
تسجيل صوتي بعنون ... و كانت برضو عبارة عن موسيقي ومع ذلك في جزء كبير من الكتاب
معرفوش يترجموه لحد دلوقتي.
الكتاب
كان 74 صفحة كل اللي قدروا يحلوا شفرتهم 19 صفحة بالظبط عدت سنة 2015 من غير أي
ألغاز جديدة فالكل شك إن كتاب ليبور بريموس لازم يتفك بالكامل علشان سكيدا تظهر
تاني.
واللي أكد الموضوع ده سنة2016 سكيدا شجعت الناس
إنهم يعيدوا فحص الكتاب عدت 4 سنين و الدنيا شششش مفيش أي خبر عن سكيدا و سكيدا
برضو إتجاهلوا الأسئلة الأساسية لما أول صورة نزلت في 2012.
في
ناس قالت إنها لعبة صايعة من مؤسسة علشان يروجوا لسلعة أو خدمة جديدة زي ما عملت
مايكروسوفت في 2001 علشان تروج لفيلم الذكاء الإصطناعي بتاعها بس إنهم ينشروا
ألغاز من غير أي تسويق قضت علي كل الإحتمالات.
لو صدقنا إن في شوية معلومات متسربة من المرحلة
الخاصة والأخيرة من كل لغز هنلاقي شوية معلومات صغيرة جدا عن الجماعة.
علي سبيل المثال فرضا يعني إن في نهاية اللغز الأول سكيدا سابت الرسالة دي للي خلصوا اللغز كأنهم يعني بيوصفوا نفسهم إنهم جماعة بتؤمن بإن الخصوصية حاجة مينفعش تتشارك.
وهدف
كل لغز من الأفراض الثلاثة إنهم يجندوا أفراض عنهدم نفس التفكير إمضاء "PGP" اللي بتبين مصداقية الرسالة إتحذفت من
قبل المسرب معرفتش الاقي رسالة بإمضاء حقيقية.
لقيت سؤال غريب بغض النظر عن إن هو صح ولا غلط
السؤال بيقول لو إفترضنا إن الإجابة المتوقعة للسؤال هي نعم فعلشان كده الرسالة
تقريبا مزيفة بالرغم إن فكرة الجماعة اللي بتجند افراض عن طريق إنها تحط ألغاز
متشفرة.
فكرة تأمرية شوية بس في الأخر هي مش غلط وفي شركات وحكومات كتير وظفت ناس بنفس الطريقة زي ما حصل في الحرب العالمية الثانية سنة 2013 في وكالة مخابرات بريطانية إسمها "GCHQ" نشرت برنامج تجنيد إسمه هل يمكنك إجاده ؟ .
وكان
لازم علي المشتركين إنهم يفكوا شفرة مجموعة من البرامج المتشفرة والمخفية علي
الإنترنت و الناس اللي قدرت تحل اللغز بالكامل أخدوا جوايز وتم توظيفهم في الوكالة.
شركة جوجل برضو عملت نفس النظام في لوحة علي
الطريق في 2004 طيب ليه مبنسمعش بعد كدا عن الناس اللي نجحت في حل الألغاز دي هو
سمعنا بس إننا نفرق بين اللي بيقول الحقيقة واللي بيكدب دي مستحيلة.
في مقابلة مع رولينج ستون في 2015 في إتنين
طلعوا وقالوا إنهم عدوا المرحلة الأخيرة في اللغز وبعد كدا وصلهم رسالة من سكيدا
وكان فيها رابط الرابط دا دخلهم علي منتدي في الدارك ويب.
وفي المنتدي دا كانوا قادرين يتواصلوا مع 20
جندي تاني ومجموعة من الاعضاء اللي مأسسين سكيدا قالوا لهم إن سكيدا 3301 إتعملت
من قبل مجموعة من الاصدقاء عندهم أهداف مشتركة عن الأمن والخصوصية و الرقابة.
وكان
هدفهم إنهم يبرمجوا مجموعة من التطبيقات في نفس الإيديولوجية و مع تجنيد أصدقاء
تانين من نفس الأصدقاء دول وسع المجتمع السري لحد ما بقي منظمة عالمية ملهاش مركز.
و المجندين دول بيختبروا بعد كدا بإستخدام
برمجيات مطورة علشان تناسب إديولوجية المجموعة دي واللي بيتابع التطورات دي أعضاء
من سكيدا نفسها ولو كان مفيش لغز يغريهم علشان يحلوه المجندين دول هيفقدوا
إهتمامهم بسرعة.
و فى نهاية 2012 الموقع إتقفل و مسمعوش عن سكيدا تاني ظهرت توضيحات بعد كدا من واحد من الفايزين إسمه ماركوس وينر نشرها اليوتيوبر نوكس بوبيلاي نوكس.
بيقول
إنه فاز في المرحلة الثانية علشان كدا جيبته ماركوس بيقول إن هو لما خلص أخر مرحلة
في اللغز وصلته دعوة علشان ينضم لسكيدا 3301.
و
مع ذلك موصلوش لينك منتدي الدارك ويب اللي التوأم كانوا بيقولوا عليه ولكن طلبوا
منه إنه يستني و في مايو 2013 التواصل بينه وبين سكيدا إتقطع بشكل مفاجئ و دا كان
نفس الوقت اللي وقف فيه الموقع المخصص للفايزين في اللغز الأول.
بعدها نوكس بوبلاي إتصل بفايزين تانين في اللغز
التاني علشان يقارن ملاحظاتهم و فعلا كانت تجربتهم متطابقة نوعا ما و كان الرد
كالأتي: نوكس إفترض إن في خمسة خلصوا اللغز التاني يعني خلينا نقول 20 واحد قدر
يحل اللغز الأول.
ايا كان سكيدا دي إيه ف نوكس مؤمن إنهم ممكن
يكونوا هم الباقيين من حركة سايبر بانك في أواخر الثمانينات والتسعينات مجموعة من
النشطاء و المؤيدين للإستعمال العالمي للتشفير وتقوية تكنولوجيا الخصوصية.
بس هو عارف إن مفيش طريقة علشان يأكد الكلام ده
محدش عارف لحد دلوقتي ماهية سكيدا الحقيقية هل هم مجموعة من المطورين المجهولين زي
الأنونيموس عايزين يطوروا برامج علشان تعزز الخصوصية و علشان يوصلوا لناس موهوبة
زيهم.
لازم يحلوا ألغاز مشفرة بشفرات معقدة جدا لا أكيد الفكرة دي مش مثيرة زي فكرة الحكومة اللي عايزة تسيطر علي العالم أو أي نظرية تانية بس دا الإحتمال االوحيد.
لازم تكونوا عارفين إن أي لغز من الألغاز دي مفيش واحد لوحده قدر يحله و سكيدا مش مجرد أصحاب بتسعي لهدف معين .
و الدليل إنهم قدرو يوزعوا الورق في المواقع المختلفة في
البلاد اللي قولت عليها هم غالبا منظمة غير مركزية كبيرة.
شاهدأيضا