عسل النحل هو منتج طبيعي قيم ومفيد يتم جمعه من رحيق الزهور من قبل نحل العسل، وهو يحتوي على العديد من الفوائد الصحية.
فهو يحتوي على مجموعة متنوعة من الفيتامينات والمعادن والأحماض الأمينية والأنزيمات والأحماض العضوية، كما أنه يحتوي على نسبة عالية من السكريات الطبيعية التي تمد الجسم بالطاقة.
ويستخدم عسل النحل لأغراض عديدة، فهو يعتبر مضادًا للبكتيريا والفيروسات، ويستخدم في علاج الأمراض التنفسية وتقوية الجهاز المناعي.
ويستخدم أيضًا في علاج الحروق والجروح والقروح الفموية والعديد من الأمراض الجلدية.
ويمتلك عسل النحل أيضًا خصائص مضادة للأكسدة ومنشطة للجهاز الهضمي، كما أنه يعتبر علاجًا طبيعيًا للتهابات المفاصل وتخفيف الآلام، ويستخدم أيضًا في العناية بالبشرة والشعر.
فوائد عسل النحل واستخداماته المختلفة.
في موضوع النهاردة اللي هنتكلم فيه عن العسل , اللي ربنا قال عليه في سورة النحل. فيه شفاء للناس. فلو عايزين تعرفوا فوايد واضرار العسل نتقابل بعد الفاصل.
ليه بعض الناس بتستبدل السكر الابيض بالعسل؟ يعني مثلا بدل لما يعصروا الليمون ويحطوا عليه سكر يروحوا حاطين عسل.
وكذلك بدل لما بيحطوا سكر في الشاي والقهوة يحطوا عسل. هل العسل مثلا مش بيرفع السكر؟ او هل العسل افيد صحيا.
كل الاسئلة دي هنجاوب عليها واحنا بنذكر فوايد واضرار عسل النحل. يلا نبدأ بالفوايد.
الفرق بين عسل النحل الأبيض والعسل الأسود والأحمر.
واول فايدة طبية هي احتمالية المساعدة على خفض ضغط الدم المرتفع. وبيرجعوا الفايدة دي نتيجة ان العسل غني بمضادات الاكسدة. ولكن تأثيره طفيف جدا.
اتنين المساعدة على تقليل الكوليسترول الضار. فوجدوا ان الاشخاص اللي بيستبدلوا السكر الابيض ويحطوا مكانه عسل بيحصل عندهم انخفاض في مستوى الكوليسترول الضار بنسبة قد تصل الى ستة في المية. وكمان بيرتفع عندهم الكوليسترول الجيد بنسبة تلاتة في المية.
تلاتة احتمالية تقليل الدهون الثلاثية. فنفس الاشخاص اللي استخدموا العسل بدل السكر الابيض. حصل عندهم انخفاض في مستوى الدهون الثلاثية بنسبة تتراوح ما بين 11 الى 19 في المية.
اربعة مفيد لصحة القلب. وده لسببين. السبب الاول قلناه وهو تقليل الكولسترول الضار والدهون الثلاثية. والسبب التاني هو ان العسل غني بمضادات الاكسدة.
خمسة تعزيز التئام الجروح والحروق. وده بسبب ان العسل له مفعول مضاد للبكتيريا ومضاد للالتهابات. فالعسل من افضل العلاجات اللي بتتحط على قرح القدم السكري لمريض السكر. ولكن يتم الامر تحت اشراف الطبيب.
كمان العسل بيساعد على علاج بعض الامراض الجلدية مثل الصدفية والهيربس والتهاب الجلد الدهني.
ستة مهدئ طبيعي للسعال. ففي دراسة اتعملت في الفين وسبعة. وجدوا فيها ان العسل بيخفف من اعراض السعال. وبيحسن من جودة النوم في الاطفال اللي عندهم دور برد اوانفلونزا لذلك بقى موجود ادوية كحة كتيرة في الصيدلية مكونها الرئيسي عبارة عن عسل.
كيفية اختيار عسل النحل الطبيعي والجودة العالية.
سبعة علاج طبيعي للحموضة. فالعسل نتيجة كثافته وقوامه الغليظ. بيعمل طبقة حامية على جدار المعدة.
وكمان بيمنع ارتجاع الحمض للمريء. وبعض الاطباء بيكتبوه في وصفاتهم الطبية.
كعلاج مساعد الى جانب العلاج الثلاثي الشهير اللي بيعالج البكتيريا الحلزونية الخاصة بالمعدة. مقوي للمناعة.
ودي اشهر فايدة للعسل. وده بسبب انه بيحتوي على مضادات طبيعية للبكتيريا والفطريات. بالاضافة لاحتواءه على بروتين اسمه ديفينسين اللي له خواص مضادة للبكتيريا.
لذلك كتير من شركات الادوية اصبحت بتبيعه كمكمل غزائي مقوي للمناعة وافضل انواع العسل في الجزئية دي هو عسل المنوكا. بغض النظر عن الشركة المصنعة.
تسعة يخفف من الحساسية والربو .فيه بعض الدراسات بتؤكد ان العسل قد يفيد في تقليل الحساسية والربو.
عشرة مضاد للاكتئاب ومضاد للتوتر. ومصدر المعلومة دي من الموقع الطبي الشهير مايوكلينيك.
ده غير كمان انهم ذكروا انه بيساعد على تقوية الذاكرة. كده احنا ذكرنا اهم عشر فوايد طبية للعسل.
تعالوا نذكر اضراره. رقم واحد زيادة الوزن. فملعقة عسل كبيرة بتمدنا باربعة وستين سعر حراري. في حين ان ملعقة سكر ابيض كبيرة بتمدنا بتسعة واربعين سعر حراري فقط.
ولكن مش معنى كلامي ان احنا نأكل سكر ابيض للعسل. لأ طبعا. فاحنا عرفنا ان العسل افيد بكتير ولكن اللي اقصده ناخد بالنا من الكميات اللي بناكلها.
كيفية تناول عسل النحل لتحسين الصحة العامة.
اتنين ممنوع منعا باتا اعطاء عسل النحل للاطفال الرضع اللي عمرهم اقل من عام. لان العسل بيكون فيه بكتيريا معينة بتسبب تسمم. وممكن يوصل الموضوع الى شلل.
ولكن بعد لما الطفل بيتم عمر سنة او اكتر الجسم بيقدر يتعامل بمنتهى السهولة مع البكتيريا دي. وبالمناسبة البكتيريا دي هي نفس البكتيريا اللي موجودة في الفسيخ. بما اننا في موسم الفسيخ وشم النسيم.
تلاتة طعام غير مفضل لمريض السكر.وناس كتيرة هتزعل مني في الجزئية دي. ولكن هي دي الحقيقة.
فالعسل سبعين في المية من محتواه عبارة عن سكر. هو اينعم مؤشره الجلايسيمي اقل من السكر الابيض. ولكن في النهاية هوسكر وحيرفع السكر.
نختم بسؤال الحلقة ايه افضل نوع عسل نحل طبيعي في السوق جربتوه. لان للاسف في كتير مغشوش في السوق. باتمنى يكون الموضوع عجبكم. وساعدوا في نشر المحتوى الجيد.