يعتبر العسل الأسود من أشهر أنواع العسل المتوفرة في الأسواق، حيث يتميز بلونه الداكن وطعمه الغني والفريد، ويحظى بشعبية كبيرة في العديد من البلدان حول العالم.
يتم استخراج العسل الأسود من أنواع مختلفة من النباتات، مثل الأشجار والنباتات البرية، وتختلف خصائصه وفوائده حسب نوع النبات الذي يتم استخراجه منه.
يحتوي العسل الأسود على مجموعة كبيرة من المركبات الغذائية والطبية المفيدة للجسم، مثل الفيتامينات والمعادن والأحماض الأمينية والأنزيمات، بالإضافة إلى مركبات مضادة للأكسدة والمضادة للبكتيريا والفيروسات.
ويتميز العسل الأسود بفوائد صحية عديدة، مثل تحسين الجهاز المناعي والحفاظ على صحة الجهاز الهضمي وتقليل خطر الإصابة بأمراض القلب والسكري.
%20%D9%85%D9%86%20%D8%A7%D9%84%D8%B9%D8%B3%D9%84%20%D8%A7%D9%84%D8%A7%D8%B3%D9%88%D8%AF.jpg "العسل الاسود")
تستخدم العسل الأسود في العديد من التطبيقات، بما في ذلك الطهي والحلويات والأدوية الطبيعية والعلاجات الجمالية، ويمكن تناوله مباشرة أو استخدامه كمكون في العديد من الوصفات والمشروبات.
ويمثل العسل الأسود خيارًا صحيًا وطبيعيًا للمستهلكين الذين يبحثون عن بدائل صحية للسكر والمحليات الاصطناعية.
تعرف على أهم الفوائد الصحية للعسل الأسود.
- عايز تسميه دبس السكر ماشي.
- دبس الشمندر او البنجر ماشي.
- عسل قصب السكر ماشي.
- لكن الاسم الاشهر عندنا في مصر هو العسل الاسود.
ويا سلام لو الاكلة تبقى عبارة عن عسل اسود وطحينة مع فطيرة بالسمنة البلدي. بس ما تسألنيش عن اللي هيحصل لك بعد كده.
فلو عايزين تعرفوا فوايد واضرار العسل الاسود نتقابل بعد الفاصل.ورسالة جديدة من اجل توعية المرضى والاصحاء. ورسالتنا اليوم بعنوان فوايد واضرار العسل الأسود.
موضوعنا مقسم الى اربع اجزاء.ففي الجزء الاول سنتكلم عن ست فوايد صحية للعسل الاسود.والجزء التاني سنزكر اهم اضرار للعسل الاسود.
وفي الجزء التالت هنجاوب على السؤال المشهور. هل يصلح تناول العسل الاسود لمريض السكر ام لا؟ وهل يصلح استخدامه كبديل للسكر ام لا؟
وفي الجزء الرابع والاخير هنتكلم عن نوتيلا الغلابة اللي هتكون خيار افضل بكتير من النوتيلا الاصلية.
مبدئيا كده اخواتنا في دول الخليج والمغرب العربي. مش عايزكم تتلخبطوا بين العسل الاسود المصري. اللي هو عسل قصب السكر وما بين عسل النحل الاسود. اللي بيتباع عندكم في السوبر ماركتس.
فعسل النحل الاسود ده جاي من النحل وهو عسل طبيعي. لكن عسل النهاردة جاي من قصب السكر. يلا نبدأ بالجزء الاول. ونذكر .
اهم 6 فوايد صحية للعسل الاسود.
رقم واحد مضاد للاكسدة. فهو بينضف الجسم من الجزور الحرة اللي ممكن تسبب سرطان او شيخوخة مبكرة.
اتنين بيحمي من انيميا نقص الحديد. نتيجة احتواءه على حديد. ولكن زي ما بقول دايما افضل مصدر للحديد هو المصدر الحيواني. لان كميات الحديد بتكون اكبر وافضل من ناحية الامتصاص.
تلاتة تعزيز الخصوبة لدى الرجال. بعض الدراسات الاولية بتقول انه بيحفز هرمون التستيستيرون.
اربعة حماية الجسم من البكتيريا نظرا لاحتواءه على مواد البوليفينول اللي بتسبب تلف لغشاء البكتيريا. خمسة مفيد لصحة العظام نظرا لاحتوائه على كالسيوم وحديد وسيلينيوم.
ولكن قال لك ان الكميات اللي موجودة فيه قليلة وغير كافية. بالاضافة الى ان الفيتامينات دي اسهل نحصل عليها من اطعمة اخرى.
ستة المساعدة في علاج الامساك لدى الاطفال. فوجدوا ان الطفل لو اخد واحد مللي عسل اسود لكل كيلو لمدة شهر.
فده هيساعد على تليين البراز والمساعدة على اخراجه. فلو مثلا طفلك خمستاشر كيلو يبقى هتعطيه خمستاشر ملي عسل اسود. يعني ملعقة كبيرة يوميا لمدة شهر. كده احنا ذكرنا اهم ست فوايد للعسل الاسود.تعالوا نذكر
اهم 4 اضرار للعسل الإسود.
رقم واحد غير مفضل لمرضى القولون. لانه احيانا بيسبب تهيج في القولون واسهال. اتنين قد يسبب حساسية لدى البعض. وده بيعتمد على نوع العسل الاسود.
فبعض الانواع في السوق بتكون مخلوطة بمركب الكبريتيت. وهو ده اللي هيسبب حساسية مش العسل نفسه. طيب ليه بيخلطوه بالمركب ده؟
عشان يحافظوا عليه من البكتيريا ففترة صلاحية المنتج تكون اكبر. تلاتة غير مفضل لمرضى السمنة نظرا لارتفاع سعراته الحرارية. فملعقة واحدة كبيرة بتمدنا بستين سعر حراري.
اربعة غير مناسب لمرضى السكر. وبكده هنكون جاوبنا على سؤالنا اللي هو هل يصلح تناول العسل الاسود من قبل مريض السكر ام لا؟
طيب ليه بقى لا يصلح؟ لان العسل الاسود مثل السكر الابيض. هيرفع السكر بسرعة. فمؤشره الجلايسيمي مرتفع جدا زي السكر الابيض. يعني ما نقدرش نستخدمه كبديل للسكر.
هقول لكم ان الاجابة بتعتمد على حضرتك مريض سكر ولا لأ ؟ فلو مريض سكر يبقى الاجابة ما ينفعش تستخدمه كبديل للسكر. لكن لو مش مريض سكر فانت مسموح لك تاخد سكر ابيض. ولكن بكميات محدودة.
فبدل لما بتاخد الابيض اللي ما فيهوش اي فايدة تذكر خد مكانه عسل اسود اهو فيه فيتامينات ومعادن ولكن برضو هتاخده بكميات محدودة.
استخدامات العسل الأسود في الطب البديل والعلاجات الطبيعية.
تعالوا ننتقل للجزء الرابع والاخير وهو عن نوتيلا الغلابة.
زي ما احنا عارفين ان للاسف كتير من اطفالنا وشبابنا اصبحوا مدمنين للنوتيلا.
اللي سعرها غالي ومش مفيدة ومليانة سكر وزيت نخيل مهدرج. طيب ليه ما نستبدلهاش بنوتيلا الغلابة؟
اللي هي عسل اسود بطحينة. اه ما زال كده بناكل اكل غني بالسكر والسعرات الحرارية. ولكنه اقل ضررا من النوتيلا.
وكمان هنستفاد من الفيتامينات والمعادن اللي موجودة في العسل والطحينة او السمسم.
عكس النوتيلا اللي خالية من اي فيتامينات ومعادن. ولعلمكم السمسم مليان بالفوايد الصحية للجسم.
نختم بسؤال , رأيكم نوتيلا الغلابة افضل ام النوتيلا الاصلية من ناحية الطعم والفايدة.
شاهد أيضا: