يُعد حليب الصويا بديلاً نباتيًا شائعًا للحليب الحيواني، وهو مصنوع من فصائل الصويا المهروسة والمخلوطة بالماء.
يتميز حليب الصويا بأنه خالٍ من اللاكتوز والكوليسترول والدهون المشبعة، مما يجعله خيارًا صحيًا ومثاليًا للأشخاص الذين يعانون من حساسية الحليب أو يتبعون نظامًا غذائيًا نباتيًا.
يحتوي حليب الصويا على العديد من العناصر الغذائية المهمة، مثل البروتين والكالسيوم وفيتامين د، والتي تلعب جميعها دورًا مهمًا في تعزيز الصحة العامة وتعزيز الجهاز المناعي. كما أنه يأتي بنكهة لذيذة ويمكن استخدامه في مجموعة متنوعة من الأطعمة والمشروبات.
ومع زيادة الاهتمام بالأسلوب الحياة الصحية والنظام الغذائي النباتي، يُعد حليب الصويا خيارًا شائعًا ومتاحًا في العديد من المتاجر والمطاعم في جميع أنحاء العالم.
ومع ذلك، يجب على الأشخاص الذين يعانون من حساسية الصويا أو يتناولون بعض الأدوية أو يعانون من حالات صحية معينة التحدث مع الطبيب قبل تناول حليب الصويا.
التغذية النباتية: استبدال الحليب الحيواني بحليب الصويا.
حليب الصويا وفاءدته للاشخاص اللي بيعانوا من حساسية سكر اللاكتوز. موضوع النهاردة من المواضيع الصعبة في تحضيرها. لان الطعام او الشراب اللي هنتكلم عليه شراب جدلي جدا.
معظم المعلومات والدراسات المتوفرة عليه دراسات جدلية وتحتاج الى مزيد من الاثباتات العلمية. شراب النهاردة هو حليب الصويا. فلو عايزين تعرفوا فوايد واضرار حليب الصويا نتقابل بعد الفاصل.
مقالتنا مقسمة الى اربع اجزاء. ففي الجزء الاول هنذكر اهم ست فوايد صحية لحليب الصويا.
والجزء التاني هنذكر اهم تلات اضرار لحليب الصويا. والجزء التالت هنجاوب على سؤالنا المعتاد هل يصلح تناول حليب الصويا من قبل مريض السكر ام لا؟
وفي الجزء الرابع والاخير هذكر رأيي الشخصي عن حليب الصويا عشان اساعدكم في حسم الجدل المنتشر حول هذا الحليب. يلا نبدأ بالجزء الاول ونذكر اهم ست فوايد لحليب الصويا.
الفايدة الاولى ودي اكتر فايدة ما فيش جدل عليها هي انه حليب مناسب جدا للاشخاص اللي بيعانوا من حساسية سكر اللاكتوز.
قد يهمك :
لو حضرتك كل لما بتشرب الحليب البقري بتعاني من حساسية تجاه سكر اللاكتوز او بتعاني من عدم تحمل سكر اللاكتوز يعني بيحصل لك مثلا غازات وانتفاخات والم في القولون.
فانصحك بشرب حليب الصويا لانه خالي من اللاكتوز. ولكن وجب التنويه ان سكر اللاكتوز مهم جدا ومظلوم معنا. وفي خرافات كتيرة منتشرة عنه.
اتنين شراب مناسب للاشخاص النباتيين. لان حليب الصويا مستخلص من فول الصويا. وان كان بعض الاشخاص النباتيين ما عندهمش مشاكل مع شرب الحليب البقري.
تلاتة مفيد للسيدات اللي انقطعت عنهم الدورة الشهرية. وده بيحصل دايما في سن الخمسين سنة.
تعرف على الفرق بين حليب الصويا وحليب البقر.
والسبب ان حليب الصويا بيحتوي على مواد الايزو فلافون اللي هتقلل من الهبات الساخنة اللي بتحصل لهم في بداية انقطاع الدورة الشهرية.
اربعة قد يساعد على خفض مستوى الكوليسترول الضار. وده بيرجع الى عدة اسباب. وهي ان حليب الصويا خالي من الكوليسترول ومحتواه من الدهون اقل لو قارناه بالحليب البقري. وكمان مواد الايزو فيلافون اللي فيه. قد تساعد على تقليل مستوى الكوليسترول الضار.
خمسة قد يساعد على خفض ضغط الدم المرتفع. ففي دراسة اتعملت وان كانت قديمة ومش قوية. جابوا مجموعتين من الناس. مجموعة اعطوها الحليب البقري والمجموعة الاخرى اعطوها حليب الصويا.
وبعد تلات شهور لاحظوا ان الضغط الانقباضي والانبساطي قل في المجموعتين. ولكن قل بشكل اكبر في المجموعة اللي كانت بتشرب حليب الصويا ولكن بكرر الدراسة قديمة ومش قوية.
ستة مفيد لصحة العظام. على الرغم ان حليب الصويا كمية الكالسيوم اللي فيه. اقل من الكمية اللي موجودة في الحليب البقري لكن يظل مفيد لصحة العظام. لان معظم الشركات بتضيف عليه كالسيوم عشان يبقى مدعم بالكالسيوم.
كده احنا ذكرنا اهم ست فوايد صحية لحليب الصويا. تعالوا نذكر اضراره. رقم واحد الحساسية. حليب الصويا وفول الصويا من الاطعمة اللي معروفة جدا انها بتسبب حساسية بشكل كبير.
من حوالي عشر سنين كنا بنلاقي حليب الاطفال الصناعي انواع منه عبارة عن حليب صويا بدلا من البقري اللي بيسبب حساسية عند بعض الاطفال.
ولكن الانواع دي ما عادتش موجودة في الاسواق. لانهم وجدوا ان كتير من الاطفال والكبار ايضا عندهم حساسية من حليب الصويا.
اتنين غير مفضل لمرضى الغدة الدرقية. وبالاخص لو بيعانوا من كسل في الغدة الدرقية. لانه بيحتوي على مواد قد تقلل من امتصاص اليود.
ده غير كمان ان بعض الدراسات بتقول ان مواد الايزو فلافون اللي في حليب الصويا قد تقلل من انتاج هرمونات الغدة الدرقية.
تلاتة غير مناسب لصحة الرجال. وان كان الضرر ده جدلي جدا ولكن هذكره. من زمان وبيتردد ان حليب الصويا قد يزيد من الهرمونات الانثوية في الرجال. وبالتالي ممكن يؤثر على صحة الرجل الجنسية.
حليب الصويا والرضاعة الطبيعية.
ولكن في اخر عشر سنين ظهرت دراسات جديدة بتؤكد ان الكلام ده غير صحيح. لو لاحظنا انا ما اتكلمتش عن فايدة او ضرر حليب الصويا تجاه بعض انواع السرطان. لان الموضوع ده جدلي جدا.
ولكن نصيحتي لاي سيدة بتعاني من سرطان في الثدي. تجنبي حليب الصويا والمكملات الغذائية اللي بتحتوي على صويا. تعالوا ننتقل للجزء الثالث من الحلقة ونجاوب على سؤالنا المعتاد. يصلح تناول حليب الصويا من قبل مريض السكر ام لا؟
والاجابة نعم يصلح ولكن بعض الانواع لا تصلح. يعني ايه ؟ وضح اكتر. مبدئيا كده. حليب الصويا نفسه بدون اضافات يصلح. لان حمله ومؤشره الجلايسيمي منخفض. وكمان نسبة السكر والكربوهيدرات في حليب الصويا معتدلة.
فتقريبا كوب من حليب الصويا بيحتوي على سبعة جرام فقط كاربوهايدريت. ده غير ان الالياف دهون اللي فيه هتقلل شوية من امتصاص السكر والكربوهيدريت.
لكن المشكلة ان بعض الشركات بتبيع حليب الصويا مضاف اليه سكر لتحسين طعم الحليب. وهو ده بقى اللي لا يصلح لمريض السكر. مش عشان حليب الصويا نفسه. ولكن عشان السكر المضاف.
لذلك وانت بتشتري حليب الصويا اختار النوع اللي مكتوب عليه انه غير محلى. ولعلمكم الحليب البقري ايضا. يصلح لمريض السكر حتى لو كان فيه سكر اللاكتوز.
تعالوا ننتقل للجزء الاخير واللي هقول لكم فيه رأيي حول حليب الصويا.
رأيي ان الحليب ده لا يستخدم الا لو حضرتك عندك حساسية من سكر اللاكتوز او حضرتك شخص نباتي ومش بتشرب الحليب البقري.
غير كده لا داعي لاستخدام هذا الحليب. لسببين. السبب الاول ان الحليب البقري افضل صحيا وفوائدة اكتر. والسبب التاني ان حليب الصويا تقريبا ضعف سعر الحليب البقري.
وفي نفس الوقت فوايده اقل. ده رأيي الشخصي. قد تختلفوا او تتفقوا معي. والاختلاف في الرأي لا يفسد للود قضية. منتظر تعليقاتكم ورأيكم عن حليب الصويا.