تعد الفاصوليا البيضاء من أهم المحاصيل الزراعية المنتشرة في العالم، وهي تنتمي إلى فصيلة البقوليات التي تتميز بالعديد من الفوائد الصحية والغذائية.
وتتميز الفاصوليا البيضاء بنكهتها اللذيذة وقيمتها الغذائية العالية، إذ تحتوي على البروتينات والألياف والفيتامينات والمعادن الهامة لصحة الإنسان.
وتعتبر الفاصوليا البيضاء من الخضروات الشهية والمفيدة للجسم، حيث يمكن استخدامها في العديد من الأطباق المختلفة، سواء كانت سلطات أو أطباق رئيسية، وتعد من الخيارات الغذائية الصحية والمناسبة لجميع الأعمار، وخاصة الرياضيين والمتبعين لنظام غذائي صحي.
ويمكن العثور على الفاصوليا البيضاء في أسواق الخضار والفواكه بكثرة، كما أنها تزرع في معظم دول العالم، وتعتبر من أهم المحاصيل الزراعية في بعض الدول.
وبالإضافة إلى فوائدها الصحية، تعتبر الفاصوليا البيضاء أيضاً مصدراً للدخل للمزارعين، حيث يتم تصديرها إلى العديد من الدول.
أسباب شعبية الفاصوليا البيضاء في العالم: ماذا تضيف للأطعمة؟
الفاصوليا البيضا اللي بيقولوا عليها انها كنز مليء بالفيتامينات والمعادن والبروتين ومضادات الاكسدة.ولكن في نفس الوقت البعض بيطلق عليها اسم انها عدوة المعادن.
فلو عايزين تعرفوا فوايد واضرار الفاصوليا البيضا والحقيقة الكاملة عنها .
رسالة جديدة من اجل توعية المرضى والاصحاء. ورسالتنا اليوم بعنوان فوايد واضرار الفاصوليا البيضا.
موضوعنا مقسم الى اربع اجزاء.
- ففي الجزء الاول هنتكلم عن اهم سبع فوايد طبية للفاصوليا البيضا.
- والجزء التاني هنذكر اهم اربع اضرار للفاصوليا البيضا.
- وفي الجزء التالت هنجاوب على السؤال اللي بتسأله كتير.
- هل يصلح تناول الفاصوليا البيضا من قبل مريض السكر ام لا؟
- وفي الجزء الرابع والاخير هقول لكم على طريقة سريعة
- لتحضير الفاصوليا البيضا بدون عناء النقع لمدة ساعات.
- يلا نبدأ بالجزء الاول ونذكر اهم سبع فوايد للفاصوليا البيضا.
لماذا يجب أن تكون الفاصوليا جزءًا من نظام التغذية الرياضي؟
رقم واحد كنز مليء بالفيتامينات والمعادن والالياف ومضادات الاكسدة.فكوب واحد من الفاصوليا البيضا بيمدنا بتلت احتياجنا اليومي من الالياف. وحمض الفوليك.وبربع احتياجنا اليومي من المغنيسيوم والزنك.
اتنين كنز البروتين للاشخاص النباتيين. فكوب واحد من الفاصوليا البيضا بيمدنا بسبعتاشر جرام بروتين.فالفاصوليا البيضا من اعلى مصادر البروتين بالنسبة للبقوليات.
ولكن لازم نصحح بعض المعلومات الخاطئة. فلازم نعرف ان على الرغم انها غنية بالبروتين لكنها غير كافية.
لانها لا تحتوي على كل الاحماض الامينية الضرورية. لذلك الافضل ناخد البروتين من مصادر اخرى اضافية وافضل مصدر هو اللحوم.
ولكن لو حضرتك شخص نباتي فنوع في مصادر البروتين عن طريق الخضروات والبقوليات ومنتجات الالبان.
تلاتة مفيدة لمرضى الكوليسترول. وده بسبب انها لا تحتوي على كوليسترول. ونسبة الدهون اللي فيها لا تذكر.
ده غير انها غنية بالألياف المذابة اللي هتساعد على خفض مستويات الكوليسترول الضار.اربعة مفيدة لصحة القلب. نظرا لاحتوائها على ماغنيسيوم وبوتاسيوم والياف ومضادات اكسدة.
خمسة قد تعطيك الشعور بالشبع والامتلاء. لذلك ممكن تساعد على انقاص الوزن. لكن ناخد بالنا ان سعراتها الحرارية مش قليلة. فكوب واحد من الفاصوليا البيضا بيمدنا بمتين واربعين سعر حراري.
ولكن الميزة في الفاصوليا انها بتحتوي على خليط من الالياف والبروتينات. وبتساعد على تقليل هرمون الجوع. ده كمان بعض شركات الادوية بتصنع مكملات غذائية لانقاص الوزن.
وبتبقى المكملات ديتي عبارة عن خلاصة الفاصوليا البيضاء. فالمكملات دي بتساعد على تقليل امتصاص الكربوهيدرات.
ستة مفيدة لصحة الحوامل. نظرا لان الفاصوليا البيضاء غنية بحمض الفوليك والحديد.
وفيها كمان كمية لا بأس بها من الكالسيوم ولكن فيه تنبيه مهم هذكره لما اذكر اضرارها عشان نستفاد من الفيتامينات والمعادن اللي فيها.
فوائد الفاصوليا البيضاء للرياضيين.
سبعة الفاصوليا البيضا قد تساعد في الحماية من الامساك. نظرا لاحتوائها على كمية جيدة من الالياف الغير مذابة.
كده احنا ذكرنا اهم سبع فوايد طبية للفاصوليا البيضا. تعالوا نذكر اضرارها.
رقم واحد غير مناسبة لمرضى القولون. لانها ممكن تسبب غازات وانتفاخات. لذلك لو انت مريض قولون ما تكثرش من تناولها.
اتنين عدوة المعادن لو لم يتم تحضيرها بطريقة صحيحة. فالفاصوليا البيضا غنية بحمض الفيتك. والحمض ده بيمنع وبيقلل من امتصاص المعادن في الجسم. فبيقلل من امتصاص الحديد والزنك والكالسيوم.
لكن لو حضرنا الفاصوليا البيضا بطريقة صحيحة هيقل جدا حمض الفيتك. والطريقة الصحيحة هي ان احنا ننقع الفاصوليا البيضا لمدة اتناشر ساعة في المية.
عشان نتخلص من حمض الفيتك. وكمان لما بنبدأ في طبخها على النار بيقل الحمض ده جدا. وفيه طريقة اخرى سريعة هذكرها في اخر الموضوع.
تلاتة قد تكون غير مناسبة لو حضرتك بتعانوا من الصداع النصفي. لانها قد تزيد من احتمالية حدوسه.
وان كنت لم اجد دلائل علمية قوية بخصوص هذا العرض الجانبي. لذلك مرضى الصداع النصفي هقول لهم يراقبوا نفسهم.
فعلا بتزيد عندهم هجمات الصداع النصفي عند تناول الفاصوليا البيضا ام لا؟اربعة احذروا الفاصوليا البيضا المعلبة.
فمشكلتها انها بتحتوي على كمية عالية من الصوديوم اللي بيستخدم كمادة حافظة.
ولكن ممكن نتغلب على المشكلة دي عن طريق غسلها كذا مرة. فده هيساعد على التخلص على جزء كبير من الصوديوم.
اللي طبعا مضر لمرضى الضغط. واحذروا الفاصوليا المعلبة اللي مضاف لها سكر.
لانهم احيانا بيضيفوا السكر لجعل طعمها افضل من الفاصوليا العادية.
وصفات صحية ولذيذة باستخدام الفاصوليا البيضاء.
تعالوا نجاوب على السؤال الاهم في الموضوع. هل الفاصوليا البيضا مناسبة لمرضى السكر ام لا؟
والسؤال ده هيعمل خلافات بين المتابعين في التعليقات. لان السؤال ده مثير للجدل. خاصة مع الفاصوليا البيضا.
ولكن اسمعوا مني واكتبوا رأيكم بعد كده في التعليقات. اولا خلينا متفقين ان اي طعام بيحتوي على سكر او كربوهيدرات. فبالتأكيد الطعام ده هيرفع السكر.
ولكن السؤال الاهم هيرفع السكر بسرعة ولا لا؟ وهيرفعه بمقدار قد ايه؟ فالفاصوليا البيضا غنية بالكربوهيدرات.ولكن الميزة ان ربع الكربوهيدرات اللي فيها عبارة عن الياف.
اللي هتأخر وتقلل من امتصاص السكر. ثانيا المؤشر الجلايسيمي للفاصوليا البيضا المطبوخة تلاتة وتلاتين فقط.يعني مش هترفع السكر بسرعة.
ثالثا الحمل الجلاسيمي للفاصوليا المطبوخة تمانية وتلاتة من عشرة فقط. يعني قيمة ممتازة ايضا.
ولكن ليه بعض مرضى السكر لما بياكلوا الفاصوليا البيضا بيقولوا ان السكر ارتفع عندهم؟
الاجابة بمنتهى البساطة بتعتمد على الكمية اللي حضرتك اكلتها من الفاصوليا البيضا وايه الاكل اللي اكلته معها؟
يعني احنا كمصريين مثلا بنحب ناكل الفاصوليا البيضا بالرز. فطبيعي السكر هيرتفع.
ثانيا لما تاكل كمية كبيرة من الفاصوليا البيضا طبيعي جدا هيزيد الحمل الجلايسيمي بتاعها وبالتالي حترفع السكر.
الملخص انك لو اكلت مية وخمسين جرام او اقل من الفاصوليا البيضا المطبوخة بدون ارز ولا خبز. فان شاء الله السكر هيكون طبيعي.ومش هيزيد عن مية وتمانين. والرقم ده طبعا خاص بمرضى السكر فقط.
طرق تحضير الفاصوليا البيضاء بأشكال مختلفة.
تعالوا ننتقل للجزء الرابع اللي بعنوان ما هي الطريقة السريعة لتحضير الفاصوليا البيضا.خلينا متفقين ان افضل طريقة لتحضير الفاصوليا ان احنا هننقعها في الماية لمدة عشرة او اتناشر ساعة.
عشان نعرف نطبخها ونحصل على فوايدها من الفيتامينات والمعادن.ولكن هتعملي ايه لو معاد الاكل قرب وانتي نسيت تنقعيه؟
او جوزك طلب منك تعملي فاصوليا بيضا والمفروض هتاكله بعد ساعة او اتنين. الحل بسيط.
هنحط الفاصوليا البيضا في ماية مغلية ونسيبها على النار لمدة تلات او خمس دقايق.
وبعد كده نشيلها من النار ونغطي الحلة ونسيبها في الماية بتاعتها لمدة ساعة. وبعد كده نتخلص من الماية دي ونبدأ في طبخها.
فالطريقة دي هتساعدنا على التخلص من الفيتيك اسيد والليكتين اللي بيعملوا مشاكل في امتصاص المعادن ومشاكل والانتفاخات.