الشمام هو فاكهة صيفية لذيذة ومنعشة، يتميز بلونه الأخضر الفاتح وقشرته الرقيقة التي تحتوي على نسيج أبيض كريمي ويحتوي على العديد من الفوائد الغذائية والصحية.
وهو مصدر جيد للفيتامينات والمعادن، ويحتوي على مستويات عالية من الألياف الغذائية التي تدعم الهضم الصحي، كما أنه يحتوي على نسبة عالية من الماء مما يساعد على ترطيب الجسم.
.jpg "10فوايد للشمام ( الكنتالوب )")
كما أنه يعد مصدراً جيداً للبوتاسيوم الذي يساعد على تحسين صحة القلب وخفض ضغط الدم. وبفضل مذاقه المنعش والحلو المميز، يمكن استخدام الشمام في صنع العديد من الأطباق والمشروبات اللذيذة خلال فصل الصيف.
فوايد للشمام كنز مليء بالفيتامينات والمعادن.
رسالة جديدة من اجل توعية المرضى والاصحاء. ورسالتنا اليوم بعنوان فوايد واضرار الشمام. موضوعنا النهاردة مقسم الى اربع اجزاء. ففي الجزء الاول هنذكر اهم تمن فوايد طبية للشمام.
وفي الجزء التاني هنجاوب على السؤال المتكرر. هل يصلح تناول الشمام من قبل مريض السكر؟ ام لا؟ والجزء التالت هنتكلم عن اهم تلات اضرار للشمام.
والجزء الرابع والاخير هقول لكم ازاي تختاروا ثمرة الشمام او الكنتلوب المعسلة او المسكرة يلا نبدأ ونذكر اهم تمن فوايد طبية للشمام.
ولكن عايز اقول لكم ان الشمام له اكثر من عشر اسماء في وطننا العربي ولكن اشهر تلات اسماء هم الشمام الكانتالوب البطيخ الاصفر.
الفايدة رقم واحد كنز مليء بالفيتامينات والمعادن. فالشمام غني بفيتامين سي والبوتاسيوم وفيتامين الف وحمض الفوليك. ده غير انه بيحتوي على كمية عالية من الالياف
اتنين مفيد لصحة العيون. فيه دايما مقولة بتقول الجزر بيقوي النظر. اهو الشمام بقى له نفس مفعول الجزر لصحة العيون.
فوائد الشمام الصحية والغذائية المذهلة.
قد يهمك :
لان كمية البيتاكاروتين اللي فيه بتوازي الكمية اللي موجودة في الجزر. ومادة البيتا كاروتين بتتحول في الجسم الى فيتامين الف. تلاتة مفيد لصحة القلب.نتيجة التركيبة الثلاثية اللي موجودة في الشمام. وهي كالآتي فيتامين سي وبوتاسيوم والياف.
ففيتامين سي هيعمل كمضاد للاكسدة والالتهابات. والبوتاسيوم هيساعد على توسيع الشرايين. والالياف هتقلل من مستوى الكوليسترول الضار.
اربعة مفيد لمرضى الربو. بعض الابحاث بتشير الى ان مواد البيتاكاروتين اللي بتتحول في الجسم الى فيتامين الف. المواد دي بتحمي من تكرار الازمات الربوية على المدى البعيد.
غير ان الشمام بيحتوي على مادة الكولين اللي بتقلل من الالتهابات اللي بتبقى موجودة في الشعب الهوائية اثناء الازمة الربوية.
خمسة الحماية من الامساك. وده بفضل الالياف اللي موجودة في الشمام. والحقيقة مش بس الشمام اللي بيحمي من الإمساك.
ستة مفيد لصحة الجلد والبشرة. يكفي ان اقول لحضرتك ان الكنتالوب بيمدك بمية في المية احتياجك اليومي لفيتامين سي واكثر من مية في المية من احتياجك اليومي لفيتامين الف.
الشمام.. فوائد صحية لا تُعد ولا تُحصى.
سبعة الحماية من السرطان. وده بسبب كثرة مضادات الاكسدة اللي موجودة في الشمام. اللي هتساعد على القضاء على الجذور الحرة اللي هي احد مسببات الاصابة بالسرطان.
ثمانية الحماية من الجفاف. ففاكهة الشمام من افضل الفواكه في فصل الصيف. لان تسعين في المية من محتواها عبارة عن مية. ومش مية بس دي ماية مليئة بالفيتامينات والمعادن مثل ايضا فاكهة البطيخ.
تعالوا ننتقل للجزء التاني من الموضوع. ونجاوب على السؤال المتكرر. هل يصلح تناول الشمام من قبل مريض السكر ام لا؟
الحقيقة كان نفسي اقول لكم نعم يصلح. لكن للاسف الشمام غير مفضل لمريض على الرغم ان حمله الجلايسيمي منخفض لكن مؤشره الجلايسيمي مرتفع.
فلذلك لما مريض السكر ياكله السكر هيرتفع بسرعة. نفس فكرة البطيخ. ولكن ناكل كمية صغيرة مع متابعة قراءات السكر. ونلتزم بالادوية الموصوفة من قبل الطبيب.
فطبق صغير من الشمام اسبوعيا مش هيضر طالما سكرك دايما منضبط. تعالوا ننتقل للجزء التالت وهو عن اضرار الشمام. فالشمام بشكل عام من الاطعمة الامنة ولكن فيه عدة محاذير يجب ذكرها.
رقم واحد مرضى الكلى. الشمام غني بعنصر البوتاسيوم. وده عنصر مفيد جدا. ولكن بعض مرضى الكلى وليس كل مرضى الكلى. الطبيب بيكون محدد لهم كمية معينة من البوتاسيوم. فيجب مراجعة الطبيب. قبل تناول الشمام.
اتنين ملوث بالبكتيريا. للاسف فاكهة الشمام اثناء زراعتها. احيانا بتصاب ببعض انواع البكتيريا. فلذلك القشرة الخارجية للشمام يجب غسلها جيدا.
قبل تقطيع ثمرة الشمام. والتحذير ده مهم جدا للحوامل. لان الشمام نفسه مفيد للحامل. نتيجة احتواءه على حمض الفوليك. ولكن احيانا بيكون ضار للحامل نتيجة البكتيريا اللي بتكون متواجدة في القشرة الخارجية.
فوائد الشمام للحامل والجنين.
تلاتة مرضى السكر. احنا قلنا ان الشمام غير مفضل لمريض السكر. لكن المشكلة بقى ان فيه عادة عندنا في مصر وما اعرفش موجودة في البلدان العربية ايضا ولا لأ.
وهي ان لو ثمرة الشمام طلعت ماسخة وما لهاش طعم. بنروح نضيف لها سكر ابيض عشان نخليها مسكرة. وكلنا نعلم اضرار السكر الابيض لمريض السكر.
طيب عشان ما نعملش كده. تعالوا اقول لكم ازاي تنقوا ثمرة الشمام المعسلة اللي طعمها جميل. وده الجزء الرابع والاخير من موضوعنا النهاردة.
رقم واحد نقوا الثمرة اللي لها ريحة قوية. ماشي. بنعمل كده وبتطلع ماسخة برضو. هاقول لكم مظبوط. لان الموضوع مش في الريحة فقط.
اتنين نقوا الثمرة اللي راسها تقيلة مش خفيفة بغض النظر عن حجمها.
تلاتة بنغلط وبندور على الثمرة اللي قشرتها طرية. بالعكس نقوا الثمرة اللي قشرتها قوية.سواء كانت خشنة او ناعمة. اذا ريحة قوية. رأس ثقيلة قشرة قوية.