برنامج Diskimage هو برنامج يستخدم لإنشاء صورة للأقراص الصلبة والوصول إلى محتوياتها بشكل سريع وسهل. يتم استخدام هذا البرنامج في العديد من الأغراض مثل النسخ الاحتياطي للأنظمة والبيانات وتقسيم القرص واستعادة الأنظمة.
يمكن لبرنامج Diskimage إنشاء صورة لأي نوع من الأقراص، سواء كان ذلك قرصًا صلبًا أو قرصًا مدمجًا أو قرصًا مرنًا.
ويمكن حفظ هذه الصورة في مكان آخر على القرص الصلب أو على وسائط تخزين خارجية مثل قرص CD أو USB. وتتضمن مزايا هذا البرنامج إمكانية إنشاء صورة بسرعة عالية وسهولة الوصول إلى محتويات الصورة بعد الإنشاء.
وتعتبر إمكانية استخدام هذا البرنامج في النسخ الاحتياطي للأنظمة والبيانات من أهم استخداماته. ويمكن استخدام الصور المنشأة باستخدام هذا البرنامج لاستعادة النظام والبيانات في حالة حدوث مشاكل مثل تعطل النظام أو فقدان البيانات.
يمكن استخدام برنامج O&O DiskImage 17 لإنشاء نسخ احتياطية للبارتشنات والمجلدات وتحويل ملفات الويندوز إلى ISO.
طريقة استخدام برنامج Diskimage لإنشاء صورة للأقراص الصلبة.
ويتضمن البرنامج طريقة سهلة لعمل نسخة احتياطية لأي نظام ويندوز بما في ذلك ويندوز 10، كما يوفر البرنامج أيضًا خيارات للاستنساخ واستعادة النسخة الاحتياطية.
وبصفة عامة، يعتبر برنامج Diskimage أداة هامة لأي مستخدم يحتاج إلى إنشاء نسخ احتياطية لأنظمتهم وبياناتهم بسهولة وسرعة.
O&O Diskimage البرنامج ده تقريبا بكل بساطة وظيفته انه هيساعدك انك تعمل نسخة احتياطية من اي بارتشن موجود عندك. الكلام ده ينطبق على او مجلد او حتى فولدر او حتى فلاش ميموري.
لا وكمان ده انت ممكن تاخد نسخة احتياطية من نظام تشغيل بالكامل عن طريق البرنامج ده انا عارف ان البرنامج ده مش كل الناس تعرفه تقريبا مفيش حد سمع عنه كتير.
طيب. هنا فيه سؤال مهم جدا. هتقولي ليه انا ممكن اخد نسخة احتياطية من البارتشن بتاعتي أو من المجلدات أو الملفات. هقول لك بكل بساطة يا صديقي أن فيروسات الفدية اليومين دول منتشرة جدا جدا. ووارد مع استخدامك للإنترنت حتى لو انت مثبت فيروس انك تصاب بفيرس فدية.
والفيروس ده يكون خطير جدا ومالوش فك. وبمناسبة فك التشفير .
. دلوقتي انت وارد تصاب بفيروس فدية يكون الفيروس ده خطير جدا وما قدامكش غير حلين بعد ما تصاب بالفيروس. اول حل انك تفرمت الهارد ديسك الخاص بيك على الكمبيوتر تستعوض ربنا في كل الداتا بتاعتك. وتاني حل انك تدفع للمطور الخاص بالفيروس ده عشان يفك لك الملفات. ودي حاجة أنا ما برجحهاش تماما.
وفي الحالة دي انت هتقول يا ريتني كنت عملت كده. أو كنت اخذت نسخة احتياطية من الداتا بتاعتي. سواء عن طريق برنامج او حتى عن طريق ان انا احطها على هارد خارجي.
لذلك انا دايما دايما بنصح الناس اللي عندها داتا مهمة. صور عائلية برامج اي ملفات موجودة عندك على الكمبيوتر ابدا ان انت خد نسخة احتياطية من الداتا دي حتى لو تشتري هارد جديد مخصوص عشانها.
لان اليومين دول ومع استخدام الانترنت وارد انك تصاب في أي وقت. ده مش بعيد انك تكون مصاب دلوقتي وانت مش عارف. المهم البرنامج ده بيعمل شبه كده بالظبط. بيبدأ ان هو ياخد لك نسخة احتياطية من الداتا بتاعتك ويحفظها لك في ملف مشفر. يعني ايه ملف مشفر؟
يعني بكل بساطة الملف ده مش هيتيصاب بفيروس الفدية. وده كلام موجود على الموقع بتاعهم. مش كلام انا جايبه من دماغي. والملف ده كمان ما حدش يقدر يفكه غير البرنامج اللي عمله. بمعنى ان انت لو ملف ده وبعته لحد تاني او خدت النسخة الاحتياطية دي وبعتها لحد تاني مش هيقدر انه يفكها.
لان البرنامج المخصص لفك الملفات دي هو نفس البرنامج اللي عمل الملفات دي. لذلك o&o برنامج مميز جدا في العملية دي. تعالى دلوقتي نشوف النسخة الاحتياطية مساحتها كم؟
هتلاقى مساحتها متين سبعة وتمانين جيجا. انت عارف قد ايه فرق؟ دي حاجة مميزة جدا. ده معناه أنه أخذ نسخة احتياطية من لأ وكمان بيقلل المساحة بتاعته.
بكده انت بامكانك عن طريق الخطوات دي انك تاخد نسخة احتياطية من هارد بالكامل مثلاً واحد تيرابايت وينزل معك من مساحة واحد تيرا لحد سبعميت جيجا وممكن اقل من كده كمان لذلك قبل ما ادخل في شرح البرنامج انا حابب اوضح لك ان لازم يكون عندك هارد خارجي تحط عليه الداتا المهمة بتاعتك.
أفضل الطرق لاستخدام برنامج Diskimage في حماية الأنظمة والبيانات.
بعد تنزيل البرنامج وتثبيته عندك على الكمبيوتر هتلاقى ان البرنامج ده فيه كم اختيار مهمين جدا. ولكن انا هشرح أهم ست اختيارات في البرنامج ده. لان دول تقريبا اهم اختيارات موجودة عندك في البرنامج.
واول اختيار هنشرحه مع بعض واللي هو موجود عندك على من فوق وان هو Backup Drives ده بكل بساطة وظيفته انه ياخد نسخة احتياطية من اي بارتشن موجود عندك.
سواء البارتشن ده موجود في الهارد الاساسي اللي موجود عندك على الكمبيوتر او حتى لو انت مركب هارد خارجي. واول ما بتدوس على الاختيار ده بيبدأ أن هو يوديك لصفحة تانية الصفحة دي فيها مجموعة البارتشنات اللي موجودة عندك بالكامل.
بتبدأ بكل بساطة انك تحدد اللي انت عايز تاخد منه نسخة احتياطية وبعد كده بتبدأ أن انت تدوس على زرار باكب اللي موجود على اليمين من تحت. وبعدها هتظهر لك نافذة تقول لك انت عايز تحفظ النسخة الاحتياطية دي. فين بالظبط؟
هتبدأ ان انت تدوس الـ 3 نقاط الموجودين على اليمين من فوق وبعد كده تختار مسار الحفظ. وبنصحك في النقطة دي انك تختار مسار حفظ غير نفس اللي البارتشن اللى انت هتحفظ فيه. ان انت دلوقتي لو هتاخد مثلا E نسخة احتياطية.
هتختار مسار الحفظ الخاص بالنسخة الاحتياطية بتاعته مثلا بارتشن D أو F ثاني غير نفس وده طبعا عشان ما يعملش ضغط قراءة وكتابة على نفس وبالتالي تحصل مشكلة. هو في الغالب مش هتحصل مشكلة ولكن عشان برضو يسرع معك عملية النسخة الاحتياطي.
وده لان النسخ الاحتياطي بياخد معك وقت كبير جدا وده بناء على الداتا او البيانات الموجودة في البارتشن. المهم بعد ما تختار مسار الحفظ هتبدأ ان انت تدوس على زرار ابدء اللي موجود من تحت. وبعد كده هتبدأ عملية النسخ.
ودي طبعا زي ما قلت لك بتاخد وقت على حسب البيانات الموجودة عندك في. تاني اختيار موجود معنا واللي هو File Backup وده نفس تقريبا الفكرة اللي موجودة في.
هو بيعمل نسخ احتياطي ولكن للمجلدات والملفات. بمعنى ان انت لو عندك مثلا صور عائلية. صور شخصية. صور مهمة جدا. ذكريات انت عايز تحتفظ بها.
عندك برامج مهمة جدا. عندك شوية ملفات شغل مهمين جدا. وعايز تاخد من كل الحاجات دي نسخة احتياطية. تعمل بكل بساطة هتدوس على File Backup وبعد كده بتبدأ ان انت تحدد الملفات أو المجلدات اللي انت عايز تاخد منها نسخة احتياطية.
وبعد كده بتدوس على الباك اب وبعد كده تختار مسار حفظ النسخة الاحتياطية ودي تحفظها في أي مكان لان دى تعتبر مجلدات.
أهمية برنامج Diskimage في النسخ الاحتياطي للأنظمة والبيانات.
وبعد ما تختار المسار بتبدأ أن أنت تدوس Start على اللي موجودة من تحت ويبدأ انه اخذ نسخة احتياطية معك وده طبعا زي ما قلت لك يعتمد على حجم الداتا اللي انت عايز تاخد منها نسخة.
وتالت حاجة هنا شرحها معنا واللي هي One Click Image وأنا عارف ان احنا نزلنا مرة واحدة تحت ولكن ركز معي وخليك معي الـ One Click Image دي يا صديقي بكل بساطة وظيفتها ان هي بتاخد نسخة احتياطية من الهاردات كلها اللي موجودة عندك.
بمعنى أن أنت لو عايز تاخد نسخة احتياطية مثلا من الهاردات بالكامل تقدر تعمل كده. بتدوس على One Click Image بعد كده بيبدأ انه يظهر لك على طول مباشرة النافذة اللي أنت من خلالها تبدأ ان انت تختار مسار الحفظ.
تقدر تختار مسار الحفظ اللي انت عايزه وبعد كده تدوس Start على وتقدر برضو تدوس على كنسل وتختار مجلد مجلد او بارتشن بارتشن عادي جدا.
ودي حاجة ترجع لك برضو هي ميزة مهمة جدا في البرنامج. ورابع حاجة مهمة في البرنامج واللي هي Colon. ودي حاجة مهمة جدا وممتعة جدا جدا. الكلون دي يا صديقي بكل بساطة أن انت تاخد نسخة من البارتشن بالكامل تحطها في بارتشن جديد. بمعنى دلوقتي ان انت لو عندك هارد قديم عليه داتا.
وربنا كرمك وغيرت الهارد اللي موجود معك بهارد اعلى واحدث. دلوقتي انت عايز تاخد كل الداتا اللي موجودة عندك تاخدها مرة واحدة تحطها على الهارد الجديد. تعمل ايه? بكل بساطة. بتدوس على الكلون.
وبعد كده بتختار البارتشن اللي موجودة عندك. وتقول لهم روحوا لنفس البارتشن الجديدة. والكلام ده بيتم بكل بساطة عن طريق ان انت بتختار البارتشن اللي من الناحية الشمال وتقول لهم روحوا للبارتشن اللي في الناحية اليمين.
وبعد كده تدوس على كلمة Colon او زرار كولوننج من تحت وبتم عملية المسح بكل بساطة وسهولة. وانا عارف دلوقتي ان انت هتقول لي طب ما دي حاجة عادية ما انا ممكن اعملها عادي جدا.
مميزات برنامج Diskimage في استعادة النظام والبيانات.
ايه الجديد يعني? الجديد إن البرنامج بينسخلك الملفات بالكامل كأنه بياخد منها نسخة احتياطية. وكمان سريع جدا. انت ممكن تضيف وظائف متتالية في البرنامج بحيث ان هو يخلص بارتشن يدخل على التاني على طول. مش محتاج ان انت تقعد تستنى يعني.
خامس اختيار موجود معنا في البرنامج. واللي هو Recovery Media والاختيار ده فيه اختيارات كتيرة جدا. ولكن احنا هنشرح ميزة واحدة منهم. واللي هي ISO File Burn والاختيار ده بكل بساطة أن أنت لو عندك فلاشة مثلا او الفلاشة دي محروق عليها نظام تشغيل. ايا كان بقى نظام التشغيل اللي محروق على الفلاشة دي.
انت عايز تاخد نظام التشغيل ده عندك على اللاب توب بحيث ان انت تقدر تحرقه على فلاشة جديدة. فالطبيعي لو انت حددت الملفات دي كوبي وحطتها عندك في الكمبيوتر وارد ان في اي يوم من الايام تتفرس او تتشال منها حاجة. ووارد برضو ان انت لما تاخدها لصق على الفلاشة الجديدة ماتشتغلش طيب. تعمل ايه؟ بكل بساطة.
الميزة دي وظيفتها انها بتحول لك كل الداتا الموجودة على الفلاش عندك. او حتى لو معك اسطوانة بتحولها الكامل لملف ايزو.
وطبعا احنا عارفين ملف الايزو بكل بساطة نقدر ان احنا نحرقه او نحطه على اي جديدة عادي جدا وضامنين أن الملفات بتاعتنا او المجلدات محفوظة. طيب اخر حاجة بقى نشرحها مع بعض وهي ازاي نعمل للداتا Restoration بتاعتنا او اعمل استعادة للداتا بتاعتنا.
وده بيتم بكل بساطة عن طريق اداة موجودة في البرنامج واللي هي Restoration ودي من خلالها تقدر ان انت تعمل استعادة لاي ملف انت عملته أو نسخة احتياطية لوضعها الطبيعي.
طيب بكل بساطة بتبدأ أن انت تدوس عليه بيفتح لك مباشرة الكمبيوتر بتاعك. وبيقول لك اديني النسخة الاحتياطية اللي موجودة عندك.
أيا كانت بقى النسخة دي فلاشه او بارتشن او مجلد او ملف او اي حاجة. تبدأ ان انت تحدد النسخة الاحتياطية وبعد كده بيبدأ أنه يظهر لك قائمة تانية فيها البيانات او الداتا اللي موجودة في النسخة دي. بمعنى دلوقتي ان انت لو عامل نسخة احتياطية مثلا.
بيبدأ أنه يظهر لك الملفات دي. ولو عامل نسخة احتياطية مثلا للبارتشن بالكامل. بيبدأ أنه يظهر لك انت واخد نسخة احتياطية من اف جي اتش. أيا كان البارتشن اللي انت واخد منه. ومن الناحية اليمين بيقول لك انت عايز تستعيد النسخة الاحتياطية دي فين؟
بحيس ان انت لو عايز تستعيدها مثلا في جديد. وفي نفس أيا كان يعني. ولو انت كنت عامل نسخة احتياطية لمجلد مثلا بتبدأ ان انت تدوس على تحديد الهدف وتحدد المكان اللي تحفظ فيه النسخة الاحتياطية.
وبعد ما تحدد المكان بتبدأ ان انت تدوس Restoration على وبعدها تدوس على ابدء ومبروك عليك استعادة النسخة الاحتياطية بنجاح. وبس كده يا صديقي تقريبا احنا غطينا كل المهمات اللي يقدر يقوم بها البرنامج الألماني القوي جدا.