ملخص كتاب:غرف إدمان، لمحمود محمد علام
ملخص كتاب غُرف إدمان - ايه اول صوره بتيجي في ذهنك لما تسمع كلمه ادمان شخص تحت عنيزه وشكله مبهدل ولا واحد محبوس في مصحه وبياخد جلسات كهرباء طب ايه نوع ادمانو مخدرات كحول يؤسفني اقول لك ان موضوع الادمان اكبر من كده بكتير ومش بس بسبب طرق العلاج او الاسباب لا الموضوع مرتبط بانواع الادمان نفسه اللي عماله تزيد واحنا مش واخدين بالنا.
وممكن نكون ضحايا ليها ازاي يعني هكون مدمن لحاجه وانا مش واخد بالي هو ده مربط الفرس يا صديقي الادمان مش بس مخدرات وكحول لا ده بقى في ادمان لحاجات في الاصل كويسه زي الشغل مثلا او ادمان الاشخاص انت ممكن تدمن شخص تاني انت سمعت صح.
أنواع الإدمان العشرة الأكثر شيوعًا وكيفية التغلب عليها: نظرة شاملة من دليل 'غُرف إدمان
وفي كمان ادمان الكذب وادمان الترند ومن عالم هتطلع انواع ايه تاني في الزمن ده بس هنا احنا هنتكلم عن عشر انواع بس من الادمان وكل نوع منهم بيمثل غرفه يا تقدر تخرج منها يا تتحبس جواها واحنا ما يخلصناهاش تتحبس يا صديقي عشان كده هنعرف في كتاب مقالنا النهارده غرف ادمان لمحمود محمد علام .
ايه اشهر انواع الادمان وازاي نتخلص من العادات الادمانيه او نتجنبها من الاول وقبل ما ندخل غرف الادمان محتاجين نعرف امتى نقول على حاجه انها بقت ادمان اصلا الادمان باختصار بيمثل رغبه قويه صعب التحكم فيها لممارسه سلوك معين ادمان سلوكي او تناول ماده معينه.
ادمان مواد وبيكون الشخص مش قادر يتخلى عنها بالرغم من اثرها السلبيه على كل جوانب حياته ها مستعد لدخول غرف الادمان يا صديقي الغرفه الاولى انت دخلتها دخلتها خلي بالك لان فيها قوه جذب رهيبه وللاسف بقت ضروره الغرفه دي هتلاقي فيها وقت بيضيع ومذاكره بتتكروت وشغل ما بيتعملش وبلاوي زرقاء ولايق عليها اللون الازرق.
عرفت هي ايه هي السوشيال ميديا فعلا وطبعا ما نقدرش ننكر اساسها في حياتنا وبتساعدنا نتواصل مع بعض وده كان هدفها من الاول الا انها خلقت حاله من العزله والاغتراب وجوه البيت الواحد والموضوع اتطور من مجرد استسهال لاستخدام الموبايل او المنصات للتواصل لادمان كامل للحياه الافتراضيه وفقدان الادراك بالواقع.
وبقى الشخص حبيس غرفته ويا ريتها غرفته الحقيقيه لكن دي غرفه افتراضيه بتؤثر على صحته العقليه والنفسيه, الله طب هي لها علاج بقى!!
طبعا وعشان تعالجها محتاج تعترف بوجود مشكله وانك محتاج تتخلص منها بعدها تبدا بحذف التطبيقات اللي بتضيع وقتك وتعمل جدول لاستخدام التطبيقات المفيده.
تحليل أشهر أنواع الإدمان والسبل الفعّالة للتخلص منها: استنتاجات من كتاب 'غُرف إدمان
وكمان ممكن تبلغ اهلك واصحابك انك هتقلل من استخدام السوشيال ميديا عشان يساعدوك وتقدر تلاقي حلول اكتر من كده في حلقه كيف تقطع علاقتك بهاتفك على قناتنا هنا حلو الكلام حلو الكلام.
ندخل بقى على الغرفه الثانيه واكثر نوع مفاجئ وهي ادمان الاشخاص انا عارف ان دي اكتر حاجه استغربتها يا صديقي وهتستغرب اكتر لما اقول لك ان ادمان الاشخاص ده خطوره عن ادمان المخدرات ويمكن اكتر لانه ممكن يوصل لجنون وجرايم قتل نبدا من الاول.
يعني ايه ادمان اشخاص الادمان هو عباره عن تعلق مرضي بشخص تاني المريض مش بيكون مستحمل انه ما يبقاش مع الشخص ده ولو لفتره صغيره.
ومستعد يضحي باي شيء عشان يفضل معه ايه اسبابه بقى التعلق ده له اسباب كتير ان الشخص ده ما عندوش حد تاثيره اجابه في حياته وبالتالي بيدور على اللي يعوضه وكمان بيحس بانعدام القيمه وعدم الشعور بالاحتواء غير الاضطرابات النفسيه في الطفوله طب اعرف ان ده ادمان ولا حب واهتمام ازاي!!
والله ادمان الاشخاص له علامات معينه زي الاهتمام الزائد بكل حاجه متعلقه بالشخص الثاني والرجوع له في كل القرارات والخوف الدائم من فقدانه واخطر علامه هي تمسك المدمن بالشخص الثاني حتى لو التاني ده رافضه وهنا بيلجا للعنف والتهديدات وده بيتعالج بيتعالج!!
طبعا بس العلاج هنا بيحتاج حد متخصص عشان يساعد الشخص يتعافى ويعلمه ازاي يتقبل مشاعر الطرف التاني وازاي في حدود لنفسه في التعامل مع الناس كده خلصنا ادمان الاشخاص وعشان هو نوع غريب شويه هندخل على الغرفه الادمانيه الثالثه المرتبطه بحاجه مالوفه اكتر بالنسبه لنا والكلام دلوقتي على ايه !!
على ادمان الاكل انت هتقول لي يا عم لا كله الاكل بقى ده متعه الحياه هتبص لنا فيها يا عم انا زيك والله اعز الاكل قوي بس هو ممكن يتحول لادمان وتحديدا لو بقى هو الملجا الاول للشخص في كل حالاته النفسيه وده معناه للاسف انه ممكن اي شخص يصاب به وده بيرجع لتلات اسباب:
- اول سبب هو العامل النفسي زي ما قلنا
- وتاني سبب هو المكافاه زي انك تقول لو خلصت شغل النهارده هجيب بيتزا فبقى الاكل مرتبط بالتحفيز والشعور بالرضا
- غير كمان السبب الفسيولوجي وده مرتبط بادمان الكحول والمخدرات اللي بيزود الرغبه في الاكل
ولكن تقدر تتخلص منه بانك تزور اخصائي تغذيه يحط لك نظام غذائي صحي مناسب وكمان تتعود تاكل الفاكهه والخضار بدل الاغذيه المصنعه وطبعا الرياضه.
كيف تتغلب على الإدمان: دراسة ملخصة لأبرز 10 أنواع وطرق التخلص منها وفقًا لـ 'غُرف إدمان
كده خلصنا غرفه ادمان الاكل الغرفه اللي جايه بقى مش بس غرفه ادمان مجازا ولكن ده نوع من الادمان بيحصل في غرف مغلقه سريه واللي بيدخلها ما بيطلعش منها سليم عرفت ايه هي!!
هي غرفه ادمان الاباحيه مشاهده المواقع الاباحيه والفيديوهات المثيره جنسيا بتمنح لذه وقتيه للمتفرج لكنها بتدمروا نفسيا وجسديا ازاي المشاهده الاباحيه دي احاديه الجانب يعني بتمثل علاقه من طرف واحد على عكس العلاقه الجنسيه الحقيقيه اللي هي ثنائيه الجانب وقائمه على مشاعر بين طرفين.
لكن لو الشخص اتعود على المشاهده الاباحيه العلاقه دي بتدمر وبيتدمر معاها جهازه العصبي والتناسلي الله طب ليه الواحد يعمل في نفسه كده في اسباب كتير لادمان الاباحيات اولها مرحله التغييرات البيولوجيه والاضطرابات اللي بتحصل في الجسم وبتخلي الشخص عنده فضول يكتشفها.
وتاني سبب هو غياب التوجيه من الاهل بالنواحي الجنسيه وممكن يبقى السبب هو الشعور بالفراغ والوحده وسهوله الوصول للفيديوهات دي وللخلاص من ادمان الاباحيات الموضوع محتاج شغل في اربع محاور المحور الاول هو الاسره لانها بتمثل النواه الاولى للشخص فلازم تهتم بالتوعيه والتوجيه من الطفوله.
المحور الثاني هو الدعم الخارجي وده بيبقى من الناس المقربين للمدمن المحور الثالث خاص باستغلال الطاقه دي في انشطه مفيده اخر محور بقى خاص بالعلاج النفسي وده لو الحاله محتاجه له كده خلصنا رابع غرفه ندخل على الغرفه اللي بعدها نلاقي واحد فاتح اللاب وبيتكلم في الموبايل ومتوتر وقدامه ورق كتير يا ترى ده مدمن ايه !!
انه مدمن العمل سامعك يا اللي بتقول العمل عباده وبقول لك معاك حق الشغل عباده ومهم وحلو بس هل ده معناه انه يبلع حياه الواحد ويفضل يفكر فيه ليل نهار حتى وهو في بيته مع اهله وكمان ما يعرفش ينام وصحته تسوق نفسيا وجسديا حتى لو مستوى المادي كويس على ايه كل ده بقى وليه اصلا.
ملخص كتاب 'غُرف إدمان': استعراض لأكثر 10 أنواع شهرية للإدمان وخطط العلاج المقترحة
والله ادمان العمل له اسباب كتير اهمها الحب الاسري المشروط بالنجاح والتفوق وكمان دفع الاهلي للطفل انه يشتغل وهو صغير وده بي شايف ان الشغل ده اهم حاجه في الدنيا وبيربط قيمته كلها بعمله واخر سبب هو ان الشخص نفسه بيحب يبان متفوق على اللي حواليه ودافعال جدا في الشغل.
بس كل حاجه ولها علاج والمدمن هنا بيحتاج علاج سلوكي معرفي مع متخصص عشان يقدر يستوعب حالته وان اللي عنده ده مش اتقان ولكن ادمان ويحلل اسبابه وياخد خطوات يفك بها ارتباطه زي انه يحضر جلسات جماعيه لناس عندها نفس المشكله ويصلح علاقته باسرته وهكذا.
دلوقتي بقى يجي دور الغرفه السادسه ودي شكلها بيتغير كل شويه تقفل الباب وتفتحه تلاقي فيه حاجه مختلفه انها غرفه ادمان عمليات التجميل يا صديقي شد وشفط وجذب وكل ما تتخيله بيحصل في عمليات التجميل والموضوع ما بقاش مقتصر على علاج عيب معين لا الموضوع وصل لهوس بشكل جمالي المثالي اللي بيتغير كل يوم.
ومع ان الادمان ده يبدو خاص بالمظهر الا ان علماء النفس قالوا انه نفسي اكتر منه جسدي لان العوامل اللي بتساهم في غرسه هي حب التقليد والتنمر ممكن يتعرض له الشخص وبيخليه رافض شكله وقله الثقه بالنفس وطبعا المقارنات الشكليه اللي بتخلي الشخص مش راضي عن نفسه.
ايه العلاج بقى العلاج بيحتاج جلسات مع دكتور نفسي بتناقش طريقه التفكير والاسباب اللي ادت للادمان اصلا وبيحاول يلاقي طرق تانيه للتعامل مع الاحساس بعدم قبول الشكل.
ندخل بقى على الغرفه التقيله اللي مش شايفينها من كتر الدخان وهي غرفه ادمان النيكوتين والتدخين ده العاده الاكثر ضررا على الشخص وصحته ومع ذلك هي الاكثر انتشارا دي المخاطر مكتوبه ومرئيه على علبه السجاير وبرضو ما فيش فايده ليه بقى لانها بتخلق حاجه او رغبه عند الشخص وبتلبيها في نفس الوقت.
فلما الشخص يبطل ولو لفتره صغيره الحاجه دي بتحركه انه يدخن ثاني وهكذا وغير بقى انه بيؤثر على الخلايا العصبيه وبيعرض المدخن للاصابه بالاكتئاب ده غير تضييع الوقت وعدم الاتزان النفسي وغيرهم.
ومشكله التدخين بالذات انه نشاط اجتماعي يعني ما حدش فكر يشرب سجائر لوحده دايما الموضوع بيبدا بمجموعه وبرغبه واحد يتوافق مع الجو وعشان كده اللي عايز يبطل لازم يبعد عن التجمعات او الاماكن اللي بتثير فيه. الحاجه للتدخين ويحاول يقلل الاستهلاك واحده واحده نطلع بقى من ريحه الدخان دي ههه .
واحنا داخلين الغرفه الثامنه لقينا طالع منها ناس من كل الاعمار عمالين يتناقشوا في خطط ويتكلموا عن الفوز والخساره جيش ده ولا ايه لا دول المدمنين على الالعاب الالكترونيه فين ايام الكره الشراب والسيجا والالعاب الحلوه دي الالعاب زمان كان ليها جانب اجتماعي وتعليمي لكن دلوقتي الوضع اختلف خالص.
كل واحد ماسك الموبايل او قاعد قدام اللاب مش عايز حد يكلمه وفجاه تحول النشاط اللي كان مليان سعاده ومشاركه لنشاط هوى وادماني بس يا ترى كل ده بيحصل ليه !!
التحليل الشامل لأنواع الإدمان البارزة وكيفية تحقيق الشفاء: دروس مستفادة من 'غُرف إدمان
ادمان الالعاب الالكترونيه بيرجع لطبعا الانتشار التكنولوجي وقدره الالعاب دي على جذب الانتباه للكبار والصغيرين غير كمان الاهمال الاسري والمشاكل الاسريه والشعور بعدم الاحتواء طب المشكله يعني الناس تلعب هاقول لك بالنسبه للاطفال مثلا في ابحاث قالت ان التعرض للالعاب الالكترونيه في المراحل العمرية الاولى بيزود من احتماليه ظهور صفات مرتبطه باضطراب طيف التوحد.
وكمان بتؤدي لزياده العدوانيه ده غير خطر تعرضهم للاستغلال بسبب عدم الرقابه اما الاثار الضاره للمراهقين فبتتمثل في زياده الميول اللي الانحرافيه وزياده القابليه لادمان المخدرات والعزله والاهمال الدراسي.
اما الكبار بقى فالاثار الضاره لادمان الالعاب عليهم بتضم الامراض العقليه والنفسيه وفقدان القدره على التواصل الحقيقي والميل للوحده والانفصال عن العالم الخارجي الادمان ده مسابش حد.
المهم ايه العلاج بقى في ثلاث محاور للعلاج :
- المحور الاول هو العلاج المعرفي السلوكي اللي بيعتمد على جلسات مع متخصص نفسي بتتناول مخاوف واسباب اللجوء للعالم الافتراضي
- المحور الثاني هو العلاج الدوائي وده بيكون في حاله معاناه المدمن من اضطرابات عقليه محتاجه ادويه
- المحور التالت لعلاج ادمان الالعاب الالكترونيه هو العلاج التحفيزي اللي بيشجع المدمن انه يعيد التواصل الحقيقي في حياته
غرفه الادمان التاسعه بقى تعتبر في نفس الالكتروني بس في جهه تانيه وهي ادمان الترند , دي مش محتاجه تعريف الحقيقه كلنا شايفينها ومعاصرينها وممكن نكون وقعنا ضحيه لها وعايزين نوضح بس من الاول ان فكره حب الزهور دي نزعه فطريه مش حاجه جديده زي ما بعض الناس متخيله.
وانها نتجت عن السوشيال ميديا لا السوشيال ميديا بينتها بس لانها طريقه سهله لتحقيق الشهره ومن هنا ظهر ادمان الترند او هوس الشهره وده سببه ايه يا صديق !!
ياريته سبب واحد يا صديقي دول اربعه السبب الاول هو السعي وراء الشهره والفلوس تاني سبب هو ان الاهل ما شجعوش الاطفال دي على تكوين شخصيتهم المستقله وده خلاهم يميلوا للتقليد غير كمان غياب القدوه المجتمعيه وبالتالي اي حد بيظهر بقيه الناس تتلف حواليه.
واخر حاجه هي عدم وجود رقابه وده سهل جذب المراهقين لتكوين قاعده جماهيريه بنى بيها الناس فلوسهم وشهرتهم يبقى ايه العلاج عكس اللي قلناه ده بالظبط يعني وجود رقابه واحتواء من الاسره والعمل على ترسيخ الفكر السليم والاخلاق بين الناس.
فاضل غرفه ادمانيه اخيره ولا ما فاضلش لا والغرفه دي عن الكذب ايوه الكدب كمان ادمان وبيبدا بالكتبه البيضاء فخلي بالك يا صديقي خلونا نبدا من الاول.
ايه اسباب الكذب ممكن الواحد يتعود على الكدب لو شاف اهله كمان بيكدبه وممكن يبقى نتيجه قله الثقه بالنفس وده بيخلي الشخص يتصنع عشان يرضي اللي حواليه او بغرض لفت الانتباه مثلا طب ايه علاجه عشان تعالج مشكله لازم تبحث في جوهرها مش في العرض.
يعني لو عرفت انت بتكذب ليه هتقدر تحدد طريقه العلاج وفي اي مره فكرت تكدب افتكر المواقف السلبيه اللي تعرضت لها بسبب الكذب وقول الحقيقه وتوكل على الله.
وعموما اول خطوه لعلاج ادمانك ايا كان نوعه هو ادراكه والاعتراف بيه وطلب المساعده وممكن اللجوء لمتخصص يساعدك وكل الحلول اللي قلناها دي مجرد اقتراحات تحطك على الطريق.
واخيرا الشيء اذا زاد عن حده انقلب ضده والمثل ده ينطبق على اي حاجه في الدنيا فخلي بالك يا صديقي وبس كده سلام.
أسئلة واجوبة :
سؤال: ما هو موضوع كتاب "غرف إدمان" لمؤلفه محمود محمد علام؟
إجابة: يتناول كتاب "غرف إدمان" موضوع الإدمان بشكل عام، حيث يقدم تحليلاً شاملاً لأنواع الإدمان المختلفة وطرق التخلص منها.
سؤال: ما الهدف الرئيسي من كتاب "غرف إدمان"؟
إجابة: الهدف الرئيسي من الكتاب هو توعية القراء بأنواع الإدمان المختلفة وآثارها السلبية، وتقديم استراتيجيات فعّالة للتخلص من الإدمان وتحقيق الشفاء.
سؤال: هل يقدم كتاب "غرف إدمان" أمثلة وقصص واقعية لأشخاص تغلبوا على الإدمان؟
إجابة: نعم، يقدم الكتاب أمثلة وقصص واقعية لأشخاص استطاعوا التغلب على الإدمان، مما يوفر إلهامًا وتحفيزًا للقراء الذين يعانون من نفس المشكلة.