ملخص كتاب: Beauty Sick لريني انجلن
لا نور كل يومين ماشيه على دايت مختلف يوم صيام متقطع وع كيتو وطبعا صحتها تعبانه بسبب كل ده بس هي مش مهتمه اصل الجمال يساوي الم وعلى طول تلاقيها تعيسه حاسه ان شبابها بيضيع وهي ما عشتش حياتها زي كل اللي بتشوفهم طول اليوم على الانستا مبسوطين بشكلهم مؤلفه كتابنا ريني انجلن عانت من نفس حاله نور طول فتره مراهقتها.
وفي يوم قررت تعرف هل هي لوحدها اللي مرت بده ولا لا فرينيه نزلت بوست عادي بتطلب فيه من الشباب يبعتوا لها ايميلات يحكوا فيها قصصهم مع الظاهره دي بتتفاعل ايميلات كتيره جدا وكل واحد فيهم عنده قصه قريبه من حاله نور بالظبط فبتاخد القرار انها لازم تعرف ايه اللغز ورا القصه دي وبتبدا دراسه سميتها مرض هوس الجمال.
فايه هو هوس الجمال وايه الاسباب وراه وايه هي اعراضه طب وازاي اعرف هو عندي ولا لا ولو انا شبه نور او اعرف حد شبهها اتصرف ازاي طب هل هو مرض معدي ولازم اروح للدكتور ولا ايه كل ده هنجاوب عليه في كتاب النهارده المبنيه على كتاب بيوتي سك ها ذا كشال اوشن وذ يرن هر جز اند ومن لمؤلفته ريني انجلن.
حقيقة الجمال وراء الأوهام: دراسة تحليلية لكتاب ريني انجلن.
كلامنا عن مرض هوس الجمال هو هوس الجمال مش مرض بالظبط قوي يعني مش محتاج تعمل تحليل دم واشعه ومش لازم تضرب مشوار للدكتور اطمنت مش كده بلاش تطمن قوي وتعال احكي لك قصه بص يا سيدي سنه 1995 وفي جزيره فيجي الهاديه البنات بيتحولوا فجاه اللي بيبطل اكل اللي منهم بيبطل اكل واللي بيكتب وكلهم كارهين جسمهم.
سكان الجزيره القط طبعا طب ده ايه فيروس طيب منتشر ولا ايه اللي حصل الظاهره دي بتلفت نظر صحابنا العلماء وبعد فتره بحث بيعلن العلماء دول انهم وصلوا للسبب والسبب هو ظاهره هوس الجمال ودي حاله بتحصل لما عقليتك بتركز بس على شكلك في المرايه وتبدا تطنش كل حاجه في حياتك وتحاول توصل للشكل اللي انت شايفه مثالي.
حتى لو كان ثمن الوصول ليه هو صحتك ووقتك الحوار يخوف انا عارف فيا ترى ايه هي اسبابه الافلام هي اول سبب مساهم في ظاهره هوس الجمال وده لان صناعه السينما ظهرت من زمان جدا ففي السبعينات كان في ناقده افلام مشهوره اسمها لورا مولفي لورا طلعت انتقدت كل الاعمال السينمائيه بحجه ان ما فيش اي قصص للممثلات وكلهم دايما نفس الشكل النمطي للبنت الشقره الحلوه اللي جسمها مثالي وشخصيتها سطحيه.
واللي عبرت لورا عنه ده ظهر بعدين بشكل اكبر في نظريه التشييء الاسم صعب فسيبك منه وركز معايا التشييء معناه انك تقوم تاخد شخص عنده حياه واحلام وافكار ومشاعر ودايره علاقات وتبص له بس على انه شيء حاجه شكلها حلو او وحش وتقييمه على الاساس ده وخليني اقول لك ان السلوك ده خطير لان واحد من اسباب التحرش المتحرش بيبص للضحيه على انها جسم بس ما عندوش اي شعور وده بيخلي سهل عليه انه يسبب اذى للي حواليه.
والموضوع ما وقفش عند الافلام بس الاعلام كله متورد في الترويج لمعايير الجمال من برامج بقى واعلانات حتى الاخبار كمان وعشان كده هو ثاني سبب وتعال اقول لك ليه كان في سنه 2016 دراسه اتعملت على اهم البرامج والاعلانات ولقت الدراسه دي ان 90% من المذيعات او العارضات بشرتهم كانت فاتحه و 80% منهم ما كملوش سن ال 30.
تحليل عميق لمفهوم الجمال في كتاب ريني انجلن: بين الوهم والحقيقة.
حتى ومعظمهم كان عنده نحافه مرضيه وده معناه ان وكالات الدعايه والاعلان بتستهدف فئه معينه بتعرض بالقصد صور مش واقعيه وبتطلع صفات طبيعيه زي لون البشره الغامق او الوزن الطبيعي والتقدم في السن كانها عيوب لازم تتحل والتاثير مش بيقف عند الاذى النفسي بس ده كان كمان الالفاظ البذيئه والتشبيهات الجنسيه في البرامج الترفيهيه اوالاعلانات.
زادت من نسبه تعرض البنات للتحرش اللفظي في الشارع وكمان على وسائل التواصل الاجتماعي ودي بقى مشكله كامله لوحدها تعال اشرحها لك وسائل التواصل الاجتماعي هي ثالث واهم سبب في الوقت الحالي بص يا صديقي ما نقدرش ننكر فايده المنصات دي وان ليها اثر ايجابي.
بس برده تعالى وريك الجانب الثاني من تاثيرها لما طول اليوم بتقلب في الانستا والفيسبوك وتعدي على صور الانفلونسرز والريل اللي بيحصل انك بشكل لا واعي بتق نفسك بيهم وبتبدا تركز اكت مع شكلك ده غير بقى لما تاخد سيلفي وتحب تنزله هتلاقي نفسك بتعدل الصوره وبتستخدم فلتر فغصب عنك برض هتبدا تقارن بين نفسك اللي بتشوفها كل يوم في المرايه.
والصور اللي ماليه حساباتك ده كله طبعا بالاضافه للنصائح الطبيه وانظمه الدايت الغلط اللي ماليه منصات التواصل ليل نهار وناس كتير بتعمل بيها من غير ما تدور وراها وتاثير انظمه الدايت الغلط ده كبير جدا وعشان كده الانظمه دي هي رابع سبب وهي مش سبب بس بل ونتيجه كمان وده لانه لولا الهوس بالجمال ما كانش حد ضحى بصحته ومع زياده ظاهره الهوس بالجمال بتظهر انظمه دايت غلط.
والانظمه دي بتكون متطرفه جدا يعني في منها بيخليك ما تاكلش الفترات اطول من 20 ساعه وفي منها بيخليك تعيش على اكل معين وتتجاهل الباقي وكلها مصممه لغرض واحد بس وهو انك تخس في اسرع وقت ممكن والانظمه دي نهايتها حاجه من اثنين والاثنين اسوا من بعض صدقني اما انك هتخس فعلا بس على حساب صحتك او انك هتلتزم اسبوع وتحرم نفسك.
نتيجه الحرمان ده هيجي لك شره مرضي وتقوم في نص الليل تاكل كل حاجه وتزيد في الوزن فترجع تلتزم ثاني بالنظام الغلط وتنتكس ثاني وتفضل بقى على طول في الدوامه دي مش عارف تخرج منها وبما اننا اتكلمنا عن انظمه الدايت الغلط فخلينا نتكلم عن السبب اللي بيخلي الاشخاص يمشوا وراها وهو الفات شيمين.
رحلة في فهم مفهوم الجمال: تفكيك أبعاد كتاب ريني انجلن.
وده خامس سبب معانا وما تروحش لترجمه جوجل تعال هشرح لك الفات شيمين هو انك تعلق على وزن حد بشكل سلبي زي انك تهزري عن شكل صاحبتك اللي زادت كام كيلو او انك تفضل تنده لصاحبك ب القاب غلط لان وزنه زياده حبتين انت بتكون فاكر ان كل ده هزار وهيعدي عادي وضحكنا كلنا وهيه وخلاص بس ده مش حقيقي لان صاحبتك او صاحبك اللي مر بده هيختار حاجه اسمها شعور الخزي.
وشعور الخزي ده هو انه يفضل حاسس ان شكله ده غلطه كبيره وانه مستحيل حد يحب شكله او يشوفه جميل واي تعليق كويس هياخده منك بعدين على شكله هيفتكر انك بتشفق عليه او بتسخر منه ومش بس كده ده كمان شعور الخزي ده هيخليه يتطرف في محاوله انه يخس ف هلاقيه بقى بيبات في الجيم او بطل اكل ومشي ور نظام دايت غلط من اللي اتكلمنا عنهم.
وطبعا لو هنتكلم عن الهوس بالمظهر والترويج لمعايير جمال معينه فما ينفعش ننسى اهم واكبر مؤثر في ظاهره هوس الجمال والسبب السادس من اسباب الظاهره وهي شركات التجميل خليني اقول لك ان صناعه التجميل قايمه على مليارات الدولارات وده رقم اسفاره كتير فبلاش تحاول تعدها.
وكان في احصائيه اتعملت عن الموضوع ده وشارك فيها ناس كتير جدا وطلع ان معظم فلوس البنات تحديدا ضايعه على منتجات التجم تيل المختلفه ومنتجات العنايه بالبشره ونسبه منهم كمان عملت عمليات تجميل مكلفه فعلا وطبعا دي مشكله كبيره اصلا لان النساء في معظم الاماكن بتعاني من نقص في الاجور وده يخلينا نسال نفسنا ازاي حد فلوسه مش كفايه ممكن يجبر نفسه يشتري كل منتجات التجميل دي وهو عنده احتياجات اهم الاجابه ببساطه هي القبول.
تحليل نقدي لرؤية ريني انجلن في أكذوبة الجمال المثالي.
اه بالظبط كده القبول وده لان نسبه استخدام مستحضرات التجميل زادت جدا فبقت حاجه عاديه انك تشوف ناس كتير بتستخدمها في مكان شغلك بقى او في الجامعه وح الشارع وماحدش هيحب يحس ان شكله شذ او مختلف وده بيخلي نسبه كبيره جدا من البنات تستخدم منتجات التجميل وما ينفعش طبعا ننسى ان في اماكن شغل اصلا بتفرض على الموظفات انهم يستخدموا مستحضرات التجميل عارف ان طولت عليك بالاسباب فتعال اقول لك السبب الاخير لهوس الجمال.
وهو الحلول الغلط يعني زي موقف صاحبك كده اللي حكيته من شويه لما تشوفه في الحاله دي هتحاول في الغالب تصلح اللي حصل وهتبدا بقى تقول له ان الاوت فيت ده جامد ولا ده انت وزنك بيرفكت فكت يا اخي يا ريتني كنت انت واللي انت عملته ده بنيه كويسه هيزود الوضع برده وقبل ما اقول لك السبب خليني اقول لك انك مش لوحدك بتقع في الغلطه دي.
حتى شركات التجميل الكبيره والبرامج المهمه وقعت فيها واشهر مثال على ده هو شركه دوف لما بدات حمله اعلانيه بعنوان ريل بيوتي الجمال الحقيقي دوف كانت فاكره انها هترفع ثقه البنات حوالين العالم بقى ونزلت اعلانات بتعرض فيها سيدات شكلهم عادي وتقول لك بص قد ايه كل واحد جميل بطريقته مختلف وانك مش لا لازم يكون عندك جسم سوبر موديل يعني.
ومش بس اعلانات ده خد عندك بقى يفط ماليه الشوارع تقفل التلفزيون وتقعد في بيتكم تقوم تلاقي الحمله على الفيسبوك والانستا كانت فاكره انها خلاص كده حلت مشكله هوس الجمال بس اللي حصل كان العكس وهو انه نسبه كبيره جدا من البنات اختبرت شعور بانعدام الثقه والخزي وحسوا ان في عيب في شكلهم.
ودول مجرد مثال لان دي الطريقه اللي معظم الشركات والبرامج بتحاول تحل بيها المشكله فتقوم تخلق مشكله ثانيه اكبر والسبب في كده هو انهم بيخلوا الواحد يركز في شكله وعمال على بطال فبيبقى يحس من نفسه ان في عيب كبير فيه محتاج مواساه عشانه سامعك وانت بتقول لي يعني لا الهزار نافع ولا الكلام الحلو نافع اسكت خالص.
يعني ولا ايه هو بصراحه لو سكت خالص هيكون احسن اه وما تفهمنيش غلط اللي اقصده هو انه بلاش اول ما تشوف وش صاحبك تقوم قايل له الاوتفيت جامد ولا انت تقومي قايله لصاحبتك تعالى خد لك 20 صوره ولا حاجه لان الميك اب تحفه النهارده اقعدوا يا سيدي اتكلموا عن اي حاجه ان شاء الله اسباب انهيار الاتحاد السوفيتي حتى.
المهم انه بلاش يكون كل كلامكم عن الشكل و هو اول حاجه تتكلموا عنها ولو انت اب او ام او حتى بتتعامل مع الاطفال حاول انك تتجنب المدح المستمر لشكلهم وبدل ده امدح صفه حلوه فيهم زي الصدق مثلا ولا الشجاعه وكمان تجنب خالص انك تتكلم عن شكل حد قدامهم سواء بالسلب او بالايجاب لان ده بيخلق عندهم من طفولتهم وعي بشكلهم وهخليه يفكروا ان الناس اللي بره بيتكلموا عنهم برده.
فهم أعمق للجمال من خلال دراسة كتاب ريني انجلن: تحليل وتقييم.
والاهم انه بيخليهم هم شخصيا بيحكموا على اللي حواليهم ولو انت عندك مشكله مع شكلك وقله ثقه في نفسك بتبان قدام ولادك او سلوكياتك الغلط في الاكل والتمرين ظاهره ليهم فبن سبه كبيره جدا ولادك هيطلعوا ما عندهمش اي ثقه في شكلهم وسهل جدا يتاثروا بمعايير المجتمع عن الجمال.
اما لو انت شخصيا بتعاني من المشكله دي تعال اقول لك ممكن تعمل ايه بالظبط اول خطوه للحل هي انك تاخد بالك من المشكله وده اللي انت عملته بالظبط لما سمعت الحلقه دي ثاني خطوه هي انك تبدا تغير في سلوكياتك وافعالك بشكل بسيط ودي شويه نصائح عشان تساعدك في رحله التعافي من مرض هواس الجمال.
افتح حساباتك كلها وبطل تتابع الناس اللي كل محتواهم هو اللبس والشكل وروتين حياتهم وابدا ركز مع جسمك واحتياجاته وغير نظرتك للتمرين والرياضه فبدل ما تنزل جيم لانك حابب تغير شكلك بس خلي نظرتك هي انك عايز تمارس انشطه حياتك من غير ما تتعب كل شويه وكمان حاول تقدر جسمك قدر انك معافى وقادر تمارس حياتك وغيرك مش قادر يعمل ده.
فقدر النعم اللي في ايدك وبلاش تخلي صوره ممثل او لاعب كمال اجسام هي تخيلك المثالي لشكلك وده ده لان طبيعه كل جسم غير الثانيه وما فيش شكل واحد بس هو معيار الجمال ومحاولتك انك توصل لطبيعه جسم مش زي جسمك هتوديك المستشفى في الاخر صدقني ولو وزنك مضايقك ومسبب لك ازمه او عندك مشكله مع علاقتك بالاكل.
حاول انك تتكلم مع حد قريب منك بثق فيه وجرب تروح لدكتور تغذيه يساعدك في انك تعدل نمط حياتك وتضبط علاقتك مع الاكل واخيرا لو بتصرف فلوس كتير جدا على منتجات للعنايه بشكلك حاول تسجل مصاريفك الشهريه وحدد هل اللي بتشتريه في فعلا يستاهل فلوسك هل انت معتدل في نفقاتك هل بتقدم الرفاهيات على حساب حاجات ثانيه.
اهم جاوب على الاسئله دي مع نفسك كل شهر وحدد على اساس اجاباتك ايه محتاج يتغير واخر حاجه حابب اقولها لك يا صديقي هي انه مش غلط نهتم بشكلنا ولا نحب ننزل جيم او نطلع باحسن شكل لينا بس الغلط هو ان كل هدفنا من الحياه وتفكيرنا يكون عن شكلنا بس بلاش تنسى انك انسان عنده احلام ومشاعر وافكار واهتمامات ثانيه وبس كده يا صديقي سلام.