ملخص كتاب : شربة دجاج للروح للكاتب تشيف براون
ملخص كتاب : شربة دجاج للروح , لو قلت لك ان انا هنساعدك النهارده تتخلص من التوتر في حياتك وتحافظ على هدوءك وتعيش في سلام نفسي ففي الغالب انت تخيلت انك هتلف الجلابيه الكستوره على كتفك وهتستحضر روح راهب التبت الاقرع فهتروح تحلق عند عم عبده الحلقه الزيرو تمام بعدها هتروح لهضبه التيب ترعالك معزتين بسكسوكه وتشرب الشاي بالزبده وتقضي ليلك نهارك في التامل والتمارين لغايه لما تتعلم اصول الكونغ فو وترجع قريتك علشان تهزم الشرير وتستعيد حب زوجتك واطفالك واحترام وتقدير كل العشيره.
ولو حصل وكان ده مفهومك عن السلام النفسي فانت مش لوحدك يا سيدي ولو عايز تتخلص من التوتر وتستعيد هدوء حياتك وترجع تعيش بايقاع طبيعي وهادي فانت برده مش لوحدك يا سيدي انت اللي تشيف براون كتب كتابه شرب الدجاج للروح قل وداعا للتوتر عشان يقول لك انت وجماعه المتوترين ان الموضوع مش مستاهل تسافر التيبت علشان تتخلص من التوتر الحكايه كلها شويه تركيز منك ومقالة من العبد لله هايلخصلك فيها كل اللي اتقال ويقول لك الخدع والتريكات اللي لو عملتها يقلل من التوتر وهتزود وقت هدوءك.
قبول التوتر كجزء من الحياة.
وممكن تستغل الوقت ده وتتعلم الكونغ فو كمان لو حبيت , نرجع بقى لشوربه الدجاج دي قبل ما تبرد بدايه الكاتب بيقول لك انه لعيب فيك ايوه زي ما بقول لك كده تقول لي ايه ده يا عم اخضر الله ده قال على راي المثل جبتك يا عبد المعين تعني لقيتك عبد المعين بتقول لي العيب فيك العيب فيك العيب فيها ازاي بالراحه على نفسك بس يا صديقي الموضوع مش فيك الموضوع في رؤيتك للامور مش اكتر لانك مش قادر تستوعب ان العالم اكبر من انك تقدر تغير كل تفصيله فيك.
بحيث انها تناسبك لازم الامور تحصل زي ما بتتوقعها لازم كل اللي حواليك يعملوا الحاجه زي ما بتعملها لازم كل الامور تحصل بطريقه مثاليه ولو حصلت بطريقه مثاليه الا واحد من عشره هتبقى متكدر ومش عارف تكون مبسوط باللي انت انجزته بالرغم من انك خلصته فعلا بافضل شكل تقدر عليه انت اسوء عدو لنفسك وعشان تتخلص من العداوه دي لازم تتقبل حقيقه انه اولا العالم مش بتوع ايديك تقبل انك مش مسؤول عنه لوحدك وبناء عليه شارك مشاكلك واقبل المساعده واطلبها يعني لو حسيت انك مضغوط ومش عارف تلاقيها منين ولا منين ومن شده توترك مش قادر تتحرك.
شارك حملك مع غيرك استعين بصاحبك واستشيره وفضفض معه ده لوحده هيخفف عبء كبير من عليك ثانيا تقبل ان المشاكل بتحصل عادي ولو حصلت فهي مش نهايه العالم هنقدر نقوم ثاني افضل من الاول ثالثا الراحه حقق اصيل من حقوقك وانك تقول لغيرك في وقت راحتك لا فده حقك وما فيش حاجه تخليك تحس بالذنب رابعا حتى لو فاكر انه الخطا من الاخرين فرجع نفسك وشوف تقدر تعمل ايه عشان تحل المشكله لانك في النهايه طرف فيها لو تقبلت الحقائق دي هتحس براحه يعني جرب كده تتقبل حالا انه اللحظه الحاليه ملناش سيطره عليها واللي يجيب ربنا خير مهما كان.
جربت معايا شفت بقى ايه العالم ده كان حامل واتزاح من على كتافنا يا راجل ما ايوه يا مسيو, ماشي احنا مش مسؤولين عن كل العالم بس مسؤولين عن حاجات كتير برضو اصله في العيله وفي الشغل وفي المشاكل العاطفيه وفي حيلك حيلك بس اديني فرصه كمل كلامي دلوقتي احنا اتفقنا انه العالم مش مسؤوليتنا لكننا برده مسؤولين عن حاجات معينه وساعات الحاجات دي بتكون عارضه او بتحصل بشكل يومي وبتسبب لنا توتر.
تحديد مصادر الضغط والتوتر.
فانا هقول لك على تريكات تتعامل بيها بس الاول يا صديقي لازم تتقبل انه التوتر جزء من الحياه وما اقصدش التوتر اللي بيخليك مش قادر تعمل اي حاجه ولو حتى انك تستمتع بوقت نومك لكن التوتر الطبيعي العادي هو اللي بيدفعنا اننا نعمل شغل اكتر ماشي يا سيدي تقبلنا واللي التريكات بقى واحد حدد مصادر الضغط في حياتك وشوف ايه منها ينفع تغيره او تلغيه بحيث انك تبسط شغلك على نفسك.
هتقول لي يا راجل ما كانش حد غلب هو انا لو اقدر الغي الحاجات دي كنت جيت لك يا عم اخضر وبعدين ما انا اكيد مش هتخلص من العيال يعني يا سيدي الناس او يا ست الناس ما حدش قال كده بس انت ممكن تتخلصي من كل الصفح اللي محسساكي بالتقصير ليل نهار عادي او الصفح اللي كلها اخبار سلبيه وتابعي يا ست مكانهم اخضر اللي بيقول لك ازاي تروقي على نفسك تاني.
تريكايه بقى بعد ما نقلل مصادر التوتر هي انك تضيف المرح لشغلك رتب مكتبك حط كلب بيهز راسه عليه استخدم كشاكيل محاضرات ملونه هات قلم جاف شكله وسبونج بوب انطلق في المرح وعيش تلاته اكتب مشاكلك على الورق لان طول ما مشاكلك واخده طابع مادي مكتوب طول ما هتحس انها تحت السيطره لانك وبالرغم من ان المشكله كانت ضخمه جدا في دماغك الا انك قدرت تصغف عدد قليل من الكلمات رابعا واهم حاجه تخلص من المثاليه وافتكر دايما انك بشر لك طاقه وبتاثر وبتغلط كمان وتقبل من نفسك في اخر كل حاجه تعملها انك عملت اللي تقدر عليه.
طيب ما عملتوش اعمله طب عملت ومش كفايه ما احنا قلنا ما تكونش مثالي بس النتيجه ما كانتش مرضيه هنا بقى يا صديقي اقول لك ان دي مش بتاعتك احنا مسؤولين عن السعي مش عن النتيجه ولو النتيجه مش في ايدينا فليه نقلا منها ومع ذلك خليك مطمن ان ما فيش تعب بيروح وان الخير لما بيجي مش شرط يجي بنفس الصوره اللي كنا متخيلينها بس خليني اقول لك برضو ان في عادات مضره احنا بنعملها احيانا بتكون هي السبب في تراكم المهام علينا وزياده التوتر وقله الانتاجيه.
اولهم انك بتعمل كذا حاجه في نفس الوقت تقول لي طب سهله دي مش محتاج هقول لك دوس فرامل شويه واسمعني انت اتعودت على التوتر وتشتيت نفسك بين المهام فمحتاج بدايه انك تعمل حسابك على شويه اعراض انسحاب هيقابلوك وانت بتحاول تتخلص من العاده دي وعلشان تتغدى باعراض الانسحاب دي قبل ما تتعشى بيك هتحتاج تعمل شويه خطوات اولهم تقوم ترتب مكتبك عشان مخك يكون حافظ مكان حاجاتك ويروح لها على طول وقت ما تحتاجها.
واظن حان الوقت تسمعي كلام الحاجه وتسيبك من المدعوق اللي في ايدك ده اللي بتاخديه معاكي في كل حته وانت في المطبخ وانت في الصاله وانت بتنامي وعايزه تتخلصي من التوتر والقلق اللي بيلبسوكي لما تيجي تذاكري انت حتى مش عارفه تاخدي كفايتك من النوم بسببه قومي يا بنت قومي يا بنت سيبي البتاع ده وبصي لصحتك واهتمي بشبابك اللي بيخطفوا منك الموبايل وانا هنا كاقدر جاي اعلن موقفي واقول لك انه الحاجه كلامها مظبوط.
إضافة الفرح والمرح إلى الحياة اليومية.
التليفون بيسرق من وقتنا ما لا يقل عن 3 ساعات في اليوم ما بنسوش يا وفيديوهات ريلز بلا هدف وترندات وصداع ولاد وعجن والكلام كتير شبه الدوامه ما لوش اخر بيدخلنا في حاله من التشتت والتوتر وعدم الرضا فعلى ايه الدوشه دي كلها شوف ايه من الابلكيشنز على التليفون والصفحات اللي بتتابعها مش محتاجها وتقدر تلغيها من حياتك واقعد مع نفسك وشوف ازاي تقدر تستفيد من الساعات اللي بتقعدها على الموبايل.
ولو حابب تتوسع في ازاي تتخلص من سيطره الفون على حياتك فهتلاقي ملخصات كتب كتير في قسم التكنولوجيا على تطبيق اخضر هتساعدك في الموضوع ده كمان من العادات السلبيه اللي بتزود التوتر الاغراق في العمل يا سلام حلوه الاغراق في العمل دي البلاغه عامله عمايلها معاك يا ابو اخضر النهارده ههه كونك متعود تسيب شغلك ياخد كل وقتك بدون ما تسيب وقت لحياتك او اسرتك او هواياتك حتى اصحابك فده حاجه غير صحيه تماما.
ولو دي حالتك فانت محتاج تراجع اسبابك والدوافع اللي مخلياك تشتغل ما فيش حد بيشتغل لمجرد الشغل وسواء شغال لكريرك او لنفسك او لعيلتك فانت محتاج تخصص وقت للاسباب اللي مخلياك تشتغل والا شغلك هيسرق صحتك وحياتك وانت مش حاسس وبغض النظر عن طبيعه شغلك فانت محتاج تركز على تخصيص مكان راحه خاص بك.
عشان تخصيص وقت لشيء بتستمتع بيه بيقلل من مستويات التوتر وفي العادي المكان ده بيكون البيت لكن نظر انه اغلبنا بقى بيروح بشغله للبيت عشان يكمله فتوتر الشغل بيكمل معانا في بيتنا فاضع في الايمان انك تخصص وقت خاص بك في البيت ويكون لك انت وبس تشغل وضع الطيران الكريم وتقعد مع نفسك بقى او تنزل تتمشى شويه او ترسم او تمارس اي هوايه بتحبها ايا كان المهم يكون الوقت ده ليك عشان هتعمل الاتي.
واحد تتقبل اللي حصل لك قبل ما تقضي وقتك ده ايا كان ايه اللي حصل حصل ايتيز واتتيز ادي اثنين ايتيز هم ما عملناش اي حاجه طالما مش في ايدك حاجه تعملها خلاص تقبل الامر الواقع اثنين اثناء راحتك تجنب طرق التفكير الغريبه سواء تفكير الماضي وتقول يا ريتني ما عملت الغلطه دي اكيد انا بقيت شخص سيء جدا دلوقتي لا انت مش شخص سيء انت شخص عمل غلطه زيك زي اي بني ادم عادي او تزهق من الماضي فتقعد تنجم بقى في المستقبل وتتخيل اسوا سيناريو هيحصل وتوتر نفسك وخلاص.
ارجوك ارجوك احنا مش مخصصين وقت المشاكلك اللي فاتت او مشاكلك اللي ان شاء الله مش هتحصل احنا عاملين الوقت ده لك دلوقتي يعني ناو 3 لو في افكار بتلح عليك بمجرد ما ترتاح ومش قادر تفضي ذهنك منها فممكن تكتبها على الورق بالتفصيل الممل وبعد كم يوم هتلاحظ نمط تفكير عمال يتكرر معاك.
قبول الذات وتحسين السلام النفسي.
وهتبقى مع الوقت قادر تلاحظ افكارك السلبيه دي وتوقفها من قبل ما سلسله افكارك توترك تاني في وقت راحتك وحتى الان انا عمال اقول لك ما تعملش ايه في وقت راحتك دلوقتي هقول لك ايه ممكن تعمله في اوقات راحتك بحيث انك تقلل من التوتر وتحقق اكبر استفاده وراحه من وقتك الخاص ده يعني ممكن تكتب الحاجات اللي انت حاسس بالامتنان ناحيتها لانه في اوقات القلق بيخلينا ننسى النعم اللي احنا فيها فهات ورقه وقلم واكتب الحاجات اللي انت ممتن لها وكل يوم عن اللي قبله هتبدا تلاحظ الحاجات دي اكتر زي منظر جميل شفته في السماء كلمه جميله حد مدح بها شغلك.
المواصلات كانت خفيفه النهارده تفاصيل صغيره لكنها بتفرق جدا في يومك كمان من الحاجات اللي ممكن تعملها في وقت راحتك انك تتامل الطبيعه زي ما انت فاكر احنا قلنا الوقت الخاص ممكن يكون عباره عن تمشيه وانت بتتمشى جرب تتامل شجره او قطه بتتشمس او عصفور عماله تتنقل على فروع الشجر اقعد اتامل السلام النفسي اللي مخلوقات ربنا بتتحرك به زي ما يكون ما عندهاش مشاكل في حياتها وانت هتحس بعد جوله التامل دي انه طب ما الحياه ليست بهذا السوء اهو ما طلع في نهار اهو.
طب انا ليه بنهار ولو مش متوفر لك انك تتمشى ازرع شويه ريحان يرطبه لك اعصابك واجواء حياتك كده واخيرا جه وقت تعلم الكونغ فو قصدي البتاع التامل ورقه وقلم واكتبه ورايا يا ست الكل عدد واحد مكان هادئ ويفضل يكون منزوع الكركبه ما فيهوش دوشه بصريه كتير عدد من ثلاثه لعشر دقائق انت والمكان وهواك مشروبك المفضل انت وفر روتين تنفس هادي هتاخد فيه نفسك ببطء تكتمه شويه وتطلعوا ببطء والهوايات تضاف حسب الرغبه وبس.
تضاف المقادير الاتيه بكل هدوء وروقان واستجمام وتركيز في لحظه الان الحاليه وبرجاء تجنب اضافه اي منغصات مالحه تضر بواجبه التامل الشهيه كالافراط في التفكير في ايا كان فرغ بالك من الماضي والمستقبل وركز في اللحظه اللي انت فيها وبس.
وطبعا ممكن تدمج وقت تاملك مع الوقت الخاص بك اللي اتكلمنا عنه واوعدك انه لو انتظمت على الوصفه دي وخصصت لنفسك وقت خاص وقللت من طرق تفكيرك السلبيه عن طريق انك تلاحظها وتكتبها وتحاول تغير منها واحده بس في كل محاوله فواحده واحده توترك هيقل وهتركز على حياتك وتتعلم اللي انت عايزه بكل بساطه وهدوء لغايه ما تقدر تبص للتوتر وتقول له بكل هدوء باي باي يا كوتش وبس كده.