ملخص كتاب ممتلئ بالفراغ للدكتورعماد رشاد عثمان
والاعصار كان ادمان للصور والافلام الاباحيه واستمر معايا لحد بعد ما اتجوزت وخلفت وكان اتخلقت علشان بس اكون الاخت والزميله كنت حاسه ان مرفوضه من الناس كلها وان ما استحقش الحب حتى امي كانت بتقول عليا مفجوعه وكانوا بيتهموني بضعف الاراده ما كانوش فاهمين ان علاقتي بالاكل علاقه غراميه فيها حب وكره وشوق وهجر.
الاكل كان صاحبي ونيسي هل انا لقيت بديل ليه وقلت لا دول حكايتين من ضمن الاف الحكايات الخاصه بالادمان وكل حكايه وليها اسرارها والمها لكن تركيبه الادمان نفسها ثابته والاهم ان طريقه التعافي كمان واحده.
مقالة النهارده مبنيه على كتاب ممتلئ بالفراغ لدكتور عماد رشاد عثمان , نبدا بقى من الاول يعني ايه ادمان الادمان هو اعتماد سلوكي نفسي بيولوجي بنلاقيه في تناول القهري لمده معينه او ممارسه متكرره لسلوك معين بيحفز مركز اللذه والمكافاه في المخ يحصل شعور بالارتياح والانتشاء.
فهم الإدمان وتأثيره على النفس والجسد.
جه في بالك حاجه بتعملها وممكن تكون ادمان هنشوف بس خلينا نقول من الاخر ان الادمان نوعين ادمان كيميائي يعني الشخص بياخد ماده معينه علشان يغير حالته النفسيه زي الكحول او المخدرات والنوع التاني ادمان سلوكي وده ما فيهوش ماده معينه لكن المتعلق بسلوك متكرر بتعمله.
بس له نفس تاثير الماده الكيميائيه على الدماغ زي ادمان الاكل او الهوس بالشراء والتسوق طيب هل ده معناه ان اللجوء للشوكولاته او للشوبينج مثلا لتغيير المود يبقى كده ادمان على طول لا عشان يصنف اي سلوك انه ادمان لازم يتحقق فيه ست محاور اول محور هو الاستحواذ.
وده انك تنشغل زياده عن اللزوم بالماده الادمانيه او بالسلوك الادماني كمان محور وهو اللهفه واللهفه دي ظاهره غريبه جدا الواحد بيحس فيها كانه ممسوس مش بيفكر غير في تناول الماده الادمانيه او ممارسه السلوك وبمجرد ما الشخص يلبي اللهفه دي ويفوق مش بيبقى فاهم هو فين ولا عمل كده ازاي.
ثالث محور من محاور الادمان هو اعراض الانسحاب ودي مجموعه من الاعراض النفسيه والجسديه اللي بتحصل للشخص لما يبطل المحور اللي بعده هو الانكار والانكار ده جزء اصيل ومتجذر في الادمان وليه اشكال كتير زي التقليل من المشكله واعتبارها مشكله اصلا والتبرير والتعميم زي مدمن الاباحيات اللي يقول كل الشباب بتتفرج يعني هي جت عليا.
طيب يا سيدي ما تزقش خامس محور يخليك تقول ان ده ادمان هو الاعتياد وده معناه تعود الشخص على جرعه معينه فبتبدا تفقد الاثر بتاعها فيضطر يزود الجرعه اكتر واكتر عشان يوصل بس لنفسي لدرجه التاثير الاولى.
اخر محور هو فقدان السيطره وده له اشكال كتير بس اشهرهم فقدان القدره على التبطين وهنا يحضرنا مشهد من مسلسل تحت السيطره وشخصيه علي بتقول مفيش حاجه اسمها تبطيل طيب كده فهمنا ايه هو الادمان وامتى يتقال على سلوك معين هندخل بقى على اعراضه اللي هتظهر على الشخص المدمن تفتكر زي ايه!!
في اعراض كتير ملازمه للادمان منها التقلبات المزاجيه المدمن مش بيثبت على حال وبيبقى شايف ان كل حاجه حواليه بهته وملهاش طعم كمان من الاعراض الافكار الانتحاريه الاحصائيات بتقول ان في ارتباط سببي بين الافكار الانتحاريه وتعاطي المخدرات الادمانات السلوكيه.
تحليل عميق للآثار النفسية والجسدية للإدمان.
اما بقى الاعراض الجسديه للادمان فبتظهر في الصداع والام القولون وغيرها بس عشان تبقى عارف الاعراض الجسديه دي غالبا بتكون مرتبطه بالمشاعر اللي الشخص مش عارف يتعامل معاها فبتتحول لصوره تانيه وبيبدا الجسم في التشكي كذلك من اعراض الادمان ضعف تقدير الذات.
وده للاسف جزء من الحلقه المفرغه للادمان لان ضعف تقدير الذات بيضم مشاعر سلبيه زي الاحباط والخزي وزي ما قلنا المدمن مش بيعرف يتعامل مع مشاعره صح فبيلجا للادمان عشان يسكت المشاعر والادمان بيزودها اكتر وهكذا وعشان كده الطرق التقليديه في التحفيز بتاعه.
انت لو عندك اراده هتبطل ولازم تتحدى الادمان والجو ده بتفشل لانها بتزود من كره الشخص لنفسه وبترميه اكتر في حضن الادمان لذلك مهم جدا قبل ما نتكلم عن التعافي اننا نعرف ما وراء الادمان كويس في واحد من مشاهد فيلم بيوتيفول بوي اللي مبني على قصه حقيقيه لعلاقه مدمن.
ووال كان بيتكلم الولد في اجتماع للمتعافين من الادمان عن اللحظه اللي قرر فيها انه يبطل ودي كانت بعد ما افور في الجرعه وصحي لقى نفسه في مستشفى والدكتور بيساله انت ايه مشكلتك فرد انا مدمن على المخدرات والكحول راح الدكتور قايل له لا دول اللي كنت بتعالج مشكلتك بيهم.
يعني ايه بقى يعني الادمان ده مجرد غطاء لحاجه اكبر منه بكتير زي ايه زي استخدام الادمان كلغه بديله كل مدمن بيبقى جواه الم وصدمات طفوله ومشاعر سوده بالرفض والهجر والذنب ودي اسمها المشاعر الاوليه وبتكون موجوده من زمان بس الشخص مش بيكون عارف ازاي يعبر عنها.
وما لقاش غير الادمان عشان يعبر بيه عن الم ومعاناته والادمان برده ممكن يكون وراه خلل في الاتصال بالاخر اكتر ناس بيكونوا عرضه للوقوع في فخ الادمان هم اللي عانوا من ارتباط ضعيف باهلهم وهم صغيرين وبينتج عن ضعف العلاقات دي حاجه اسمها خلل في الاتصال بالاخر الاخر ده هو الاب والام اللي قاموا بادوار الدعايه الاولى.
المدمن بقى بيكون عنده خلل في العلاقه دي وتسبب في قطع رابط عاطفي مهم جدا وساب فراغ جواه فالشخص بيكبر وبيحاول يملى الفراغ ده بمخدرات او اكل او اباحيات او غيرها وممكن كمان الواحد يلجا للادمان باعتباره عقاب ذاتي بعض الناس لما بتسمع كلام سلبي عن نفسها وهي صغيره بتكبر وبتحاول تاكد الكلام ده.
مقاربة شاملة لعلاج الإدمان: من السلوك إلى العلاج النفسي.
وبتتعمد تفسد نجاحاتها لان انطبع فعلا في عقلها انها ما تستحقش اي شيء كويس وما فيش حاجه بتثير الذنب والمشاعر السلبيه زي الادمان وكان الشخص استبدل الاهل المسيئين بمرض بياكد نفس الكلام اللي سمعوه هم صغيرين ان مفيش فيهم امل.
اخر حاجه بقى بتدفع الشخص للادمان هو استخدامه كتمرد ودي عكس اللي فاتت الشخص هنا بيستخدم الادمان كوسيله للتمرد وتحدي للسلطه بس المفاجاه بقى ان الموضوع ده ما بيفرقش عن الخضوع للاهل ازاي مع ان الشخص هنا رفض كلام اهله الا انه برده اسير لكلامهم بس بالعكس مش حره ومش مستقله.
وفي الاخر لازم نقول ان الكلام ده مش معناه ان المدمن يعيش دور الضحيه البريئه اللي حواليها عملوا فيها وسووا لا لان حتى لو مش انت المسؤول ميه في الميه عن ادمانك فانت المسؤول عن تحمل تبعاته والتعافي منه والتعافي بيبدا بفهم طبيعه الادمان واللي طلع مرض ماكر جدا جدا.
وزياده كمان ان في منه انواع خفيه ممكن تبقى فينا او في اللي حوالينا واحنا مش حاسين في مثل قديم كده بيقول ان اكبر خدعه الشيطان انه اوهمنا انه مش موجود وبرضه واحده من اكبر خدعه الادمان انه يوهمنا ان الادمان معناه كثره التعاطي او فعل السلوك الفلاني وبس.
مع ان جزء كبير منه بيتمثل في الاستحواذ والانشغال بفكره معينه والفكره دي مش شرط تكون التعاطي لا دي ممكن تبقى الامتناع هو مش الامتناع ده كويس مش دايما يا صديقي لان الامتناع ممكن يبقى هوسي ويتحول لجزء من العمليه الادمانيه نفسها فتلاقي في تناوب بين التعاطي والامتناع.
كانها لعبه نوضح اكتر الموضوع ده بيظهر في حاله اسمها البوليميا ودي واحده من اضطرابات الاكل بتظهر في نوبه اكل شرها وبيجي وراها على طول شعور بالذنب والندم بيخلي الشخص يحاول يتخلص من اللي اكله من خلال تناول المسهلات او محولات التقيؤ.
وبعدها بيحصل تاني وبعدين ندم وهكذا يعني هنا الشعور بالندم ومحاوله التكفير عن الفعل بقت جزء من العمليه الادمانيه نفسها وبقت بتمنح لذه ده اول شكل من اشكال الادمان الخفيه.
ثاني شكل بقى مش متعلق بالمود من نفسه لكن متعلق بمرافق المدمن او زي ما هنسميه المدمن المرافق مين ده بقى الصديق السوق مثلا اللي وز المدمن ده بيكون شريك المدمن في الحياه يعني زوج المدمنه او زوجه المدمن واللي اكتشف ان عندهم مشكله نفسيه شبيهه جدا باللي عند المدمن نفسه واسمها الاعتماديه العاطفيه.
ودي بتوصف قيام احد افراد العلاقه بشكل لاواعي بتدعيم ادمان الطرف الثاني اواضطراب والنفسي او عدم تحمله من خلال تلبيه احتياجاته وشيل المسؤوليه من عليه وبيكون الطرف ده مستعد يقف لنفسه عشان خاطر الطرف التاني.
استكشاف جذور الإدمان وعلاجه بالتفصيل.
وعشان كده بيقول الكاتب ان هم كمان عندهم نوع من الادمان وهو ادمان الاشخاص بس هم طبعا بيتخيلوا انهم كده بيساعدوهم لكنهم في الواقع للاسف بيمكنوا المرض منهم وبيورطوهم زياده في الادمان اخر حاجه هنتكلم فيها قبل التعافي هي الانتكاسات وربنا يبعدنا عنها.
في ثلاث انواع من الانتكاسات اول نوع اسمه الزلات ودي انتكاسات صغيره كده ممكن تعدي لكن ممكن برضو تمهد للرجوع التام للادمان وغالبا بتحصل في بدايات اعراض الانسحاب تاني نوع هو الانتكاسات بمعناها الكامل يعني الرجوع للفعل الادماني بعد توقف كبير وبيكون نوع من تفريغ الاشتهاء المكبوت.
وبيمنح راحه لحظيه لكن بيجي وراها اكتئاب وحزن واحباط بس يقدر الواحد يرجع عنه عادي لو ارتكبه مره واحده لان اسوء انواع الانتكاسات هو اللي بيجي بعد اول وده بيودينا على تالت نوع وهو الارتداد وده معناه توالي الانتكاسات ورا بعض وكانك يا ابو زيد مغازيت.
في ملحوظتين مهمين جدا لازم يتقالوا بخصوص الانتكاس اول ملحوظه بتقول خلي بالك من الغرور يعني كل ما حسيت ان انت خلاص انتصرت على الادمان اعرف انك قربت على الانتكاس فبلاش غرور.
لانك مش قد الادمان ولا قد عمايله تاني ملحوظه هي ان الانتكاس مش بيجي فجاه لكن بيتمهد له بسلوكيات رماديه ملهاش علاقه بالسلوك الادماني زي التسويف والكذب لكن السلوكيات دي خطر فخلي بالك منها كده فاضل ايه بقى التعافي قبل الكلام عن التعافي كعمليه فعليه.
لازم نفهم معناه الاول الادمان كان بيمثل انفصال وقطيعه عن الذات وعن الاخر وعن الواقع يبقى التعافي ايه التعافي هو الاتصال بكل دول نبدا الاول باعاده الاتصال بالذات زي ما قلنا ان الادمان بيقوم على جلد الذات والقسوه مع النفس عشان كده بيقوم على التعامل مع النفس معامله رقيقه وفيها رحمه وتعاطف.
اما اعاده الاتصال بالاخر فالمقصود بها استعاده القدره على التعبير عن النفس ومن هنا بيجي مفهوم المشاركه اللي موجود في كل انظمه وبرامج التعافي اللي بتعتمد على انك تقول اللي عندك من غير تلاعب او تزويق في وجود اشخاص مش هيحكموا عليك لكن هيفهموك.
واخيرا اعاده الاتصال بالواقع ودي معناها تعلم قبول الحياه زي ما هي والتخلص من العقليه الطفوليه اللي عايزه كل حاجه حلوه وجميله طول الوقت لازم تتقبل الحياه بشروطها علشان تعرف تعيشها ايوه يعني اعمل ايه التعافي تجربه فريده وما لهاش طريق محدد او بدايه ونهايه لكن هو حاله ذهنيه وتحول نفسي وروحي.
بس اول خطوه في طريق التعافي هي الاعتراف بالعجز ايوه لازم تقف قدام نفسك في المرايه وتعترف بعجزك في الانتصار على الادمان لوحدك وبارادتك فقط لان للاسف مخك اتغلغل فيه الادمان وبيخدعك علشان تفضل فيه فلازم الاول تعترف بعجزك في الانتصار عليه.
وبعدين طبعا هتحس بالياس عادي حس به وبعدين هتيجي خطوه التعافي الاهم وهي التسليم تسليم مش استسلام خلي بالك التسليم عباره عن تسليم للعاطفه وتسليم للفكره الملحه لقوه خارجيه عنك سواء كان تسليم امرك لله او لمجموعه الدعم او لشخص بتثق فيه المهم انها تكون اي حاجه بعيده عن ارادتك.
انت بس اللي عليك تعمله انك ما تتعرضش للماده الادمانيه وتتصرف عكس الفكره الملحه اللي في دماغك واي حاجه تانيه سلمها لشخص تاني وفي مبدا كان مهم جدا لازم يبقى شعار ليك وتحطه قدام عينيك وهو لليوم فقط يعني ما تفكرش في التعافي على انه عمليه طويله وهتاخد وقت.
نظرة متعمقة في عواقب الإدمان وسبل التغلب عليه.
لا اصحى بس كل يوم وانت حاطط قدام عينك هدف انك ما ترجعش للسلوك ده النهارده بس خلصنا المبادئ الذهنيه للتعافي ايه بقى المبادئ العمليه اول مبدا عمل اللازم تعمل بيه انك تكتب الادمان بيتسبب في تشتت ولخبطه في الدماغ والذاكره.
وعشان كده مهم الاستعانه بالكتابه علشان تنظم الدنيا جوه دماغك والكتابه كمان نوع من الاعتراف والمواجهه وبتساعدك تفك شفرات نفسيتك ومشاعرك تاني مبدا هو ان المدمن ما ينفعش يكون وحيد زي ما قلنا الجلسات العلاجيه ومجموعات الدعم بتساعد بنسبه كبيره في التعافي.
ولو الحاجات دي مش متاحه طول الوقت ممكن تكلم صاحبك او تنزل تقعد على القهوه بس المهم ما تختليش بعقلك وتفكيرك وحدك عشان الاختلاف في حاله الادمان ممكن يكون كارثي اخر مبدا للتعافي مرتبط بالمرح.
هنا لازم تحاول ترجع علاقتك بالمتعه ودي بتاخد وقت شويه علشان الواحد يرجع يستمتع باللذات الصغيره في الحياه ودي بتحتاج اليقظه واليقظه دي حاله ذهنيه بتكون حاضر فيها بكل حواسك وبذهنك في اي موقف وتستوعب كل لحظه وتعيشها بجد وهو ده التعافي باختصار.
واخيرا المدمن مش شخص عديم الاخلاق او بعيد عن ربنا لكنه شخص مريض محتاج لعلاج ودعم فخلي بالك وانت بتتعامل معاه واحذر برده من مكر الادمان وبص على السلوكياتك بنظره مختلفه وبس كده.