ملخص كتاب: ثرثرة نفسية للدكتور ستيفن برايرز
لو خدت جوله في العناوين هتلاقيها كيف تحقق هدفك في 20 يوم وانت المسيطر الاكبر على حياتك وطبعا ما ننساش كتاب العلاقات بتاع الرجال من كوكب المغامره والنساء من كوكب زمرده وبالرغم من كل الكتب اللي ليلى بتقراها فهي حياتها مش بتتحسن.
وقعوا تحت تاثير خرافات نفسيه مختلفه مؤمنين بيها خلت حياتهم اصعب بسبب شلال من محتوى التنميه البشريه ومساعده الذات محاضرات وكتب وبودكاست كلها بتحاول توجه حياتنا على اساس انها علم موثوق فيه مع انها مش علم ولا حاجه.
طب ايه الفرق بين العلم الحقيقي الموثوق فيه والعلم الشعبي وايه هي اشهر الخرافات النفسيه اللي بتروجها التنميه البشريه ونعرف الحقيقه ازاي وكمان نفرق من المحتوى الكويس فعلا اللي ممكن يساعدنا في تحسين حياتنا وما بين المحتوى التجاري اللي بيبقى هدفه ويبيع اكتر بس كل ده في كتاب موضوعنا النهارده سايكو بابل اكسبلور اوف ثرثره نفسيه نسخ خرافات جيل المساعده الذاتيه للدكتور ستيفن برايرز.
بعيون نقدية: فك الأسرار خلف أساطير التطوير الذاتي
يلا بينا يا صديقي نهدم شويه خرافات كده مع كتاب النهارده , كل علم حقيقي مبني على ادله واسس هنلاقي منه نسخه شعبيه والنسخه دي مش مبنيه على ادله واسس وتجارب لا زي علم النفس كده نسخته الشعبيه هي التنميه البشريه ومساعده الذات اللي هنلاحظ ان هدفها دائما تحقيق المزيد.
المزيد من السعاده المزيد من الثراء المزيد من الجسد الممشوق فهل هي فعلا كده بتساعدنا ولا بتخلق توقعات مستحيل نوصل لها ومع ان مبادئ التنميه البشريه او مساعده الذات مسيطره على ثقافتنا العامه وواخده مساحه من وعي ناس كتير مننا بس ما حصللهاش فلتره او نقد او تقييم علمي كافي.
بس ليه برضو الناس بتصدقها بسهوله !! الحقيقه عشان تلات اسباب اولا البساطه مهما كانت المشكله اللي بتعاني منها فهتلاقي لها كتاب يقول لك تقدر تتخلص منها لو عملت واحد اتنين تلاته في عشر ايام بس البساطه دي بتخلي اغلب الحلول مش ممكن تطبق في الواقع.
وساعات كمان بتزود من تعقيد المشكله وتاني سبب بقى هو الخلط بين الحقايق والامنيات يعني انت مثلا بتتمنى يتحسن علاقتك وتعاملك مع الناس فتلاقي كتب مساعده الزات بتقول لك خليك ايجابي ابتسم لما حد يكشر في وشك لو ضربك وماله بكره يزهق وكل ده انت صابر عشان تحقق امنيتك بس طبعا الكتاب مش بيقول لك الاجتماعيه بتاعه التواصل زي ان في ناس طبيعتها مؤذيه فازاي تحمي نفسك منهم.
اما تالت سبب لشهره كتب التنميه البشريه هو انها بتخلينا مركز الكون فبتشبع غرورنا وبتقول لنا اننا نقدر نعمل اي حاجه ونحل اي مشكله ونستاهل كل الاهتمام والحب اللي في الدنيا مسكنات يعني يا صديقي ندخل بقى في الخرافات النفسيه اللي بتروجها التنميه البشريه والكتب مساعده الذات هنقسمها لاربع انواع:
- النوع الاول خرافات عن الذات
- النوع الثاني خرافات عن امكانياتك
- النوع الثالث خرافات عن العلاقات
- واخيرا النوع الرابع خرافات عن السعاده
هنبدا طبعا بالنوع الاول وهو خرافات عن الذات وهسالك سؤال سهل جدا وبسيط ينفع فريق ياخد الكاس من غير ما يلعب نهائي البطوله لمجرد انه شايف نفسه احسن من الفريق التاني طبعا لا اول خرافه بقى عندنا بتقول اهم حاجه هي تقدير الذات لو قيمت نفسك صح كل مشاكلك هتتحل وهتاخد اللي انت تستحقه وطبعا كل واحد فينا هيشوف انه يستاهل احسن حاجه ويستحق ياخد الكاس من غير ما يتعب لانه استثنائي مش زي الباقي.
بس مين قال لك بقى ان تقييمك لذاتك هيبقى صح وانه كمان هيتفق مع تقييم الاخرين ليك الخرافه دي نتيجتها تضخم في الذات والغرور اللي ساعات كتير بيكون بدون انجاز حقيقي وبتزود عندك الاستحقاقيه اللي هو انا استحق وخلاص دي ولو بعد كل ده ماخدتش اللي انت عايزه الالم النفسي هيكون مضاعف طب والحل ايه!!
ربط الذات بافعال واقعيه زي اتقانك لمهاره جديده او نجاحك في التغلب على مشكله قابلتك او دفاعك عن قيمه او قضيه مهمه يعني اعتبر تقييم ذاتك سكور وادي لنفسك درجه على كل فعل عملته فعلا هتقول لي لا مش حاسسها لا مش حاسس ايه يا صديقي معلش من امتى بنمشي ورا مشاعرنا واحساسنا.
شفت بقى عشان تصدقني لما اقول لك الخرافات مسيطره اهي دي الخرافه التانيه اطلق العنان لمشاعرك عبر عنها وامشي وراها اوعى في يوم تحتفظ بيها لان ده بيخليها تاخد صوره اكتر حده وعنف متسبب لك مشكلات نفسيه وجسديه كتير الحقيقه ان ده جزء من الحقيقه اه التعبير عن المشاعر مهم بس مش على طول.
وانه على عكس الشائع فالتعبير عن المشاعر مش بيقلل من حدتها يعني لو واحد عصبي فكل ما بيغضب اكتر وبيعبر عن د سلوكيا كل ما نزعته العدوانيه تزيد وعصبيته تعلى طب واحد زي حالات اللي في قلبه على لسانه يعمل ايه يحافظ على مشاعره الحقيقيه جواه ويعبر عنها بس بالطرق الصحيه والامنه.
رحلة تحليلية في عقولنا: كشف حقائق مزاعم التطوير الشخصي
ودي بتختلف على حسب المجتمع , كل مجتمع له طريقته الخاصه في تنظيم العواطف والمشاعر في مجتمعات الصوت العالي فيها سلوك مرفوض ومجتمعات ثانيه بتتقبل اكتر الاتصال الجسدي بدل الكلمات بس الاهم اننا منقعش تحت رحمه مشاعرنا.
وبالمره بقى مدام فتحنا سيره العواطف والمشاعر نتكلم عن الخرافه الثالثه اللي هتصدم وتزعل ناس كتير وهي ان الذكاء العاطفي هو اهم نوع ذكاء وامتلاكه وتحسينه هو الطريق الوحيد للنجاح في الحياه بس الحقيقه ان تعريف الذ العاطفي غامض شويتين فبيتعرف انه مجموعه من الصفات والقيم والسمات بتخليك قادر على فهم مشاعرك وسلوكياتك والتحكم فيهم.
بس العلم الحقيقي بيقول ان ما فيش اي اساس علمي للتعريف ده حتى تجارب ودراسات الذكاء العاطفي ضعيفه وما لهاش تاكيد وانه ما فيش علاقه ما بين التفوق العلمي او المهني مع الذكاء العاطفي اصلا لو جيت تبص على اغلب القاده والشخصيات المؤثره زي ستيف جوبز او ايلون ماسك هتلاقيهم مغرورين وصدمين.
فاعتبر الذكاء تورته وما تشغلش بالك قوي بتقسمها كده خلصنا خرافات الذات نيجي للنوع التاني خرافات عن الامكانيات واللي صديقنا باسم واقع فيها.
باسم كل شهر بيحاول يحقق تارجت الشغل ساعات بينجح وساعات بيفشل بس لما بينجح مش بيحس بالمتعه لانه بيرفكشنست مؤمن بالكمال وانه دايما عنده احسن وعايز يتعلم برمجه ولغات وديزاين عشان يقبض بالدولار.
ولو قلم بقى وعد بقى معايا الخرافات الخرافه الاولى هي انت اقوى اعتقد تقدر تعمل اكتر من اللي عملته ما ينفعش تستسلم او تغير الطريق دي الخرافه بس في الحقيقه احنا اضعف مما نتخيل ومعرضين للتعب والزهق والارهاق والخرافه دي بتضيق حياتنا كلها على شويه حاجات بنعملها زي الشغل او الدراسه وبنفضل شايلين العيب طول الوقت.
حتى لما بننجح لاننا مؤمنين ان عندنا احسن وده بيخلي الفاشلين يتواصلوا بس التنميه البشريه مش هتغلب وهتحط مقوله عمك توماس اديسون بتاعه انا ما فشلتش انا لقيت 999 طريقه مش شغاله.
بس قال يعني كده ما فيش فشل اصلا بس دي خرافه تانيه تنفع بس ساعه الامتحانات هي وحكمه بيل جيتس لان الفشل ضروري زي النجاح بالظبط كجزء من عمليه التعلم الطبيعيه وساعات بيبقى نقطه انطلاق جديده بتفشل في حاجه فبتسيبها وتدخل في غيرها وكمان الفشل بيحطم غرورنا وبيفكرنا بحدود قدراتنا الحقيقيه.
يعني تبقى حاطط تصور خيال عن امكانياتك فيجي الفشل هوب يسافلت وشك يرجعك لارض الواقع ويديك فرصه ثانيه فافشل يا صديقي وازعل عادي ومش لازم تاخد فشلك كوقود للنجاح في نفس النقطه اللي فشلت فيها حاول تبقى كرييتف خلي شعارك دعنا ننسى فشل الماضي ونفشل في امور جديده.
اما بقى بالنسبه للخرافه الثالثه فهي انك ممكن تتعلم اي حاجه برمجه وديزاين ولغات وسباحه شوف بس الناس اللي نجحوا وقلد عددهم وتصوراتهم عشان توصل للنجاح زيهم الكلام ده طبعا مش حقيقي علشان اولا ان تجربه النجاح الكامله بتبقى لا واعيه.
يعني مثلا لو جيت لبطل العالم في الشطرنج وقلت له علمني مما علمك الله بدل ما انا عمال اشير الموفز بس هيشرح لك القواعد والاساسيات العامه فقط لا غير لانه بيمارس اللعبه باسلوبه تلقائيا وعنده تريكات وحركاته غير القابله للتفسير وثانيا اختلاف طريقه معالجتنا للمعلومات.
نظرة نقدية عميقة: الحقيقة وراء خرافات النمو الذاتي
في واحد بيستوعب بسرعه والتاني بيتعلم لغات احسن والثالث رياضي كفء عشان ادمغتنا مختلفه نتيجه تفاعلها مع محيطها كابتن الطياره على سبيل المثال معالجته للمعلومات تختلف عن مدرس الف .
الله يعني مش هنقبض بالدولار لا يا صديقي مش للدرجه دي مش يحطم لك الخرافه دي لان انا شخصيا عايزها تصبرني بس خلينا واقعيين شويه في عمليه تعلم الايه المهارات مش اي حد عنده مهاره معينه نبقى عايزين نقلده فيها وكده نبقى خلصنا نقطه خرافات عن امكانياتك.
ندخل بقى على العلاقات واول واكبر خرافه فيها هي ان الرجاله والستات بيعيشوا على كواكب مختلفه عشان كده مختلفين عن بعض تماما نظرتهم للامور ومشاعرهم مختلفه.
وللاسف الخرافه دي بتعقد العلاقات اكتر وبتخلي كل طرف يبرر لنفسه تقصيره ويقول لك اه شفتي اهو لعيب طلع في كوكبي مش فيا وكمان بيفتح باب للتمييز العنصري في الشغل والدراسه وغيره من المجالات طب ايه هي الحقيقه!!
الحقيقه ان اوجه التشابه بين الراجل والست اكبر واقوى من اوجه الاختلاف وعلى عكس الشائع مفيش اختلافات كبيره في الادراك والعواطف لا ثانيه واحده بقى كده استنى هو مش النساء عاطفيين اكتر من الرجاله!!
لا يا صديقي التجارب ان الراجل والست بيختبروا نفس العواطف والمشاعر بس بيختلفوا في طرق التعبير عنه ودرجته كده خلاص اتفقنا ان الست والراجل على كوكب واحد قال يعني كده المشاكل هتقل مدام قربوا من بعض يبقى هتحصل مشاكل اكتر لان هم مش بيتكلموا مع بعض كفايه.
يا سلام يا صديقي احبك لما تسهل الدنيا وتجيب لي الخرافات لحد عندي اه ما هي دي المشكله التانيه في العلاقات ان الحل في المزيد من الكلام بس بذمتك هل كل ما بتتكلموا ايه المشكله بتتحل فعلا دي بتولع نار اكتر وكل طرف بيبقى عايز التانيه يعتذر ويقتنع انه غلط كمان من جواه طب الحل ايه نطنش لا خالص هتجمع تراكمات لحد ما تنفجر مره واحده .
طب نعمل ايه الفشل في العلاقات راجع مش لقله الكلام بل لسوء التواصل فالحل في تحسين التواصل لانه بيشمل الكلام والاتصال الجسدي والدعم وده عن طريق تحفيز المشاعر الايجابيه ومنح القبول والدعم والحفاظ على الاتصال الجسدي ومع شويه تغافل في المشاكل الصغيره والدنيا هتمشي وهتبقى زي الفل.
ولو حبكت ولازم تقعدوا تتكلموا يبقى تختاروا وقت وظروف مناسبه اخر نوع خرافات هنتكلم عنه هو خرافات عن السعاده في ناس مستعده تسافر لاخر العالم عشان تدور على السعاده .
سمعت حكايه الراجل الامريكي اللي سافر الصين يدور على حكيم السعاده وفضل شهر يتنقل من مكان لمكان لحد ما عرف ان مكان الحكيم فوق جبل عالي وطلع عينه لحد ما تسلقه ووصل القمه وهو بيموت وقابل الحكيم والخادم المترجم بتاعه فساله قل لي ايه هو سر السعاده يا حكيم السعاده!!
فجاوب الراجل بعمق كده وراح المترجم قال للامريكي دعا اهدافك تدفعك للنجاح بس الامريكي كان مشغل جوجل ترانسليتور وطلع الحكيم اصلا قال لا اعرف اصلا يا حكيم المهم يعني ان اللي قاله المترجم ده هو الخرافه الاشهر عن السعاده لان انا اوقات كتير مش بنبقى عارفين نحط اهدافنا بدقه اصلا ولو حطينا اهداف كبيره بنتجاهل التفاصيل الصغيره اللي ممكن تخلينا نتحسن.
يعني هدف انك تبقى احسن واحد في الشغل ممكن يفوت عليك خبرات ومشاعر صغيره ممكن تعيشها في عمليه التعلم والتعامل مع زمايلك وكمان الاهداف الكبيره بتدي احساس زائف بالاولويه وبتضيق مجال الرؤيه فمش هتحس بالسعاده الا لو حققتها ولو فشلت هتحبط.
طب والحل انك ما تربطش السعاده بتحقيق الاهداف الكبيره اللي انت حاططها وتتقبل ان اهدافنا بتتغير باستمرار اللي انت كنت عايزه امبارح مش هتبقى عايزه بكره فالافضل انك تمتن للتفاصيل الصغيره اللي في حياتك وترضى باللي ربنا رزقك به وحققته.
هتقول لي ليه كفايه سلبيه وخليك ايجابي شويه ما تعرفش ان اللي بيفكر في حاجه بايجابيه بيفوز بيها اه طبعا عارف وعارف انها كمان تاني خرافه لان المشاعر والافكار الايجابيه مش هتصنع واقع ايجابي وسعيد لا بالعكس دي بتخليك تحس بنجاح وهمي.
وتسترخي كده اصل هتشتغل ليه ما دام الدنيا حلوه اهي بس في الحقيقه ان حصل فجوه بين الواقع والادعاء وكل ما الفجوه دي زادت كل ما الألم النفسي زاد يعني ما بصش لنص الكوبايه المليان يا سيدي بص عادي بس لازم تفضل عارف انه لسه نص زي ما هو وان المشاعر والافكار السلبيه والحزينه طبيعيه برده.
ولازم تمر بيها مش كله ايجابيه ايجابيه كده هتقول لي انا مش مقتنعه هفضل ايجابي وما حدش هيقدر ياثر عليا ههه بتضحك على ايه معلش يا صديقي والله اصل دي خرافه برضو كلنا بنتاثر بالاخرين وكمان ما نقدرش نسيطر على استجابتنا لهم بشكل كامل.
بدليل ان لو سالتك عن اكتر ثلاث مواقف مؤثره في حياتك هتلاقيهم بيتضمنوا تعامل مع الناس فازاي بقى ما حدش يقدر ياثر عليك يا راجل ده انا في المقالة دي ماثر عليك واخيرا تعبت من تحطيم الخرافات.
واتمنى انك ما تشيلش مني يا صديقي انت مش غريب بس لازم تخلي بالك من المحتوى اللي بتسمعه او بتقراه وفلتر دايما الافكار اللي داخله دماغك عشان تفرق بين الحاجات المفيده اللي هتساعدك تحسن من حياتك والحاجات اللي هتضرك وهتبوظ حياتك اكتر ما هي بايظه وبس كده سلام.