ملخص كتاب : سيكولوجية المال لمورجان هاوسل
ملخص كتاب : سيكولوجية المال . لو في يوم من الايام لقيت فانوس سحري وبقى عندك ثلاث امنيات فغالبا الامنيه الاولى هتكون فلوس كتير والتانيه فلوس كتير جدا والتالته فلوس كتير قوي بس السؤال بقى هل لما يبقى معايا فلوس هعرف اتعامل معها!!
يعني هبقى مستعد نفسيا اني اتصرف صح مع مليون دولار مثلا ولا هضيعهم تاني يوم خليني احكي لك قصتين , اول قصه بتاعه رونال جيمس راجل غلبان عاش اغلب عمره بيتنقل ما بين اعمال مختلفه بسيطه ومات وهو عنده 92 سنه بس الغريبه انه ساب حوالي 8 مليون دولار لاولاده والجمعيات الخيريه بسبب الادخار.
اما بقى تاني قصه بتحكي عن رجل الاعمال الشهير ريتشارد فوسكن معاه ام بي ايه وشغال في التسويق والدنيا زي الحلاوه معاه , بيتعامل مع الفلوس زي ورق الكوتشينه بس الحال ده ما استمرش كتير دخل في ازمات ماليه وبقى عليه ديون وباع ممتلكاته ومات وهو مش لاقي ياكل.
تأثير العوامل النفسية في إدارة الثروة: دراسة سيكولوجية المال.
والشاهد من القصتين يا صديقي ان النجاح المالي مش معتمد على الورث ولا الدخل الكبير لكن على السلوك اللي بتتعامل به مع الفلوس واللي بيختلف جدا من شخص للتاني لاسباب كتير.
طب ازاي نحقق النجاح المالي وايه تاثير الفلوس على نفسيات الناس والعكس ازاي نفسيتهم بتفرق في تعاملهم مع الفلوس واتخاذ قراراتهم وايه اهم حاجه ممكن تحققها من خلال الفلوس ده اللي هنعرفه فيم قالة النهارده المبنيه على الكتاب سيكولوجيه المال لمورجان هاوسل.
سؤال يبان انه سهل جدا بس لازم نساله مين هو الشخص الغني!! لو شفت رجل الاعمال بتاعنا ريتشارد وهو بيصرف ملايين على القصر اللي هو قاعد فيه وعنده اسطول عربيات موديل السنه هنقول هو ده الغنى بعينه لكن في الحقيقه دي فكره سطحيه عن الغنى وانت بتكون فاكر ان لو معاك عربيه لامبورجيني فالناس هتبص لك باعجاب وتقدير واحترام لكن في الحقيقه هم بيحترموا العربيه وبيبقى نفسهم يمتلكوا واحده زيها.
فبقينا فاكرين انك عشان تبقى مليونير لازم تصرف ملايين يعني ربطنا الغنى بالانفاق وكلما تصرف اكتر كل ما تبان غني اكتر لكن ده مش حقيقي امال ايه هي الثروه الحقيقيه!!
الثروه الحقيقيه هي اللي انت مش شايفه زي الاسهم والاستثمارات والاصول والمدخلات وكل ما زاد حجمهم زادت قدرتك الماليه الحقيقيه زي مثلا واحد عنده اسهم في ستار طب ناجح او عنده اصول زي العقارات الحاجات دي بتمثل له مصدر دخل مستمر بس برضه مصدر الدخل مش كفايه انك تبقى ناجح ماليا.
ايه ده يعني انا لو بيدخل لي رقمه قدامه خمس اصفار مش هقول كام عشان الحسد بس ممكن ما اعرفش ابقى مرتاح ماليا او غني اه لازم تكون بتدخر من دخلك سواء كان كبير او صغير لانك لو ما عملتش كده فايا كان دخلك هيتصرف كله ده غير طبعا زي ما انت شايف الظروف الاقتصاديه مش احسن حاجه.
فالحل الوحيد اللي هيخليك تبدا سلوكك المالي السليم هو الادخار انك تحوش يعني وتتحكم في رغباتك مش كل حاجه عايز تشتريها تروح تشتريها وبص بقى عشان انا فاهم الحركات دي كويس ما تقولش انا هصرف من المرتب الاول واللي يفضل احوشه لاخر الشهر والله ما هيفضل حاجه يعني اول مره لازم مش من المرتب قبل ما تقرر هتصرفه في ايه ولا تقول انا هحوش ليه ما انا مش عايز اشتري حاجه مخصوص.
مش لازم الادخار يبقى علشان سبب معين كفايه احساس الامان المالي بان في مبلغ على جنب يوفر لك مرونه في اي ازمه او مشكله تقابلك خلينا بقى نتكلم على سلوك الناس وقت الازمات الاقتصاديه شويه.
نقاط التقاء النفسية والمالية: فهم علاقة الإنسان بالمال.
في دراسه امريكيه لقوا ان اكتر الفئات اللي بتصرف على العاب الفيديو جيمز والسلع الترفيهيه واليانصيب هم الاسر الاقل دخلا وده طبعا علشان عددهم اكبر ودائما عندهم امل انهم هيكسبوا في اليانصيب ويغتنوا في يوم وليله والترفيه بينسيهم همومهم لبعض الوقت بس ده يخلينا نسال سؤال مهم ليه سلوكنا بيختلف في الازمات او في الاحوال الاقتصاديه المختلفه.
ممكن تشوف حد بيصرف فلوس على حاجات تافهه او ملهاش لازمه وتقول عليه ده مجنون ازاي مش واخد باله الحقيقه بقى ان مفيش حد مجنون لان السلوكياتنا مرتبطه بالبيئه اللي تربينا فيها والتجارب اللي عشناها يعني لو بصيت على الناس هتلاقي اللي عاش زمن كان فيه حروب او ازمه تضخم او حتى كان محظوظ ولحق الرخاء الاقتصادي.
كل واحد منهم ليه سلوك مالي مختلف في اللي اتعود يحوش يفضل يعمل كده وفي اللي تعود يصرف او يستثمر ومهما حاولت تقنعه بالبيانات الاقتصاديه الدقيقه هيفضل يتصرف زي ما هو اتعود يا ترى بقى يا صديقي ايه اللي اثر عليك وكون عندك سلوك مالي معين!!
لو عايز تغير لازم تعرفه الاول كده هو انا اقدر اغير من سلوكي اللي اتعودت اعمله اه طبعا بس التغيير هيبقى واحده واحده يعني ممكن مثلا نبدا بحل اهم مشكلتين المشكله الاولى هي المقارنه انك تبص للناس اللي حواليك وتقارن ظروفك وحالتك الماليه بيهم ممكن تكون بتقبض قد زميلك بالظبط ويمكن عليكم نفس الالتزامات والمصاريف.
بس هو عنده رضا وقناعه واكتفاء مش بيقارن نفسه بغيره على عكسك دايما باصص لتوقعات اعلى عايز اكتر دايما فده يحسسك انك فاشل او المفروض تشتغل اكتر حتى لو اهملت صحتك وعائلتك وعلاقاتك اما بقى تاني مشكله فهي قراءه الارقام وفهم المصطلحات الماليه لازم يكون عندك حد ادنى من الثقافه الماليه اللي يخليك قادر تقرا وتفهم الوضع المالي حواليك.
يعني ايه تضخم وميزانيه وعجز وفوائد بنكيه وغيرهم من المصطلحات عشان تعرف ايه احسن قرار تقدر وقت الازمات الاقتصاديه او الرخاء وخليني اسالك سؤال تفتكر ايه هي اهم حاجه هتبقى عندك لو معاك فلوس كتير؟
اكيد مش انك تشتري كل اللي نفسك فيه في دراسه لدكتور انجز كامبل شافت ان اهم ميزه للفلوس انك تبقى حر بمعنى ان وقتك يبقى ملكك وبس مش وراك شغل دايما وديت لاين وتارجت ومدير واقف فوق راسك وبتاخد الاجازه بالعافيه ما اشتغلتش فيها اصلا تخيل كده انك بتتحكم في وقتك بمزاجك تقول امتى تشتغل وفي ايه وبكام وتقضي وقت مع نفسك تسافر بقى ولا.
تقعد مع عائلتك واصحابك الحريه دي يا صديقي من اكبر مؤشرات السعاده واقصر طريق للحريه الماليه دي هو الاستثمار ومش لازم تستثمر بملايين في فيسبوك لا على حسب قدرتك والمجال اللي بتفهم فيه وهو حد يضحك عليك ويقول لك تعال انا عندي وصفه مضمونه لنجاح استثمارك لو عملت واحد اثنين ثلاثه هتصحى كمان شهر هتلاقي فلوسك الضعف خد فلوسك واجري يا صديقي.
السلوك المالي وتأثيراته النفسية: دراسة حالات وتحليل.
لازم يبقى قرار الاستثمار نابع منك وعن اقتناع ودراسه مش بتقلد حد ومش عشان كل اللي حواليك فاتحه وستارت اب يبقى يلا انا كمان افتح شركه ابو اسماعيل من بكره هنبيع ايه لا مش مهم المهم ان انا بقيت مستثمر او سي اي او اي حاجه من ثلاث حروف.
ايوه بس يا مسيو مش شايف ان موضوع الاستثمار ده في مخاطر حبتين!! ده في مخاطر ومفاجات ومنافسه وسوء متغير وحاجات كتيره جدا وعشان كده دايما قرار الاستثمار مش مضمون يعني ممكن تنجح لو خدت القرار ده صح بنسبه توصل ل 80% لان القدر بيدخل في النتايج وانت ما تعرفش تتوقع ايه اللي ممكن يحصل بالظبط.
عشان تتخيل معايه حجم الاحتمالات وتاثير الاقدار هحكي لك قصه صغيره كده في سنه 1968 وقتها كان جهاز الكمبيوتر ده حاجه غريبه وكبيره جدا وسبحان الله مدرسه واحده بس في مدينه سياتل الامريكيه تقدر تجيب جهاز كمبيوتر واحد بس عندها عشان الطلبه تتعلم عليه وما بين كل الطلبه في امريكا يدخل المدرسه دي بيل جيتس وبولن ويتعلموا على الجهاز ده ويحبوا الكمبيوتر والبرمجه جدا.
وبعدين ياسسوا شركه مايكروسوفت اللي غيرت شكل العالم بس اللي احنا منعرفوش ان كان معاهم واحد تالت اسمه ايفانس وكان اشطر منهم كمان لكن ايفنز مات يتخرج وهو بيمارس هوايته في تسلق الجبال شوف كم الاحتمالات يا اخي يا ترى لو حاجه واحده بس في قصتنا دي اتغيرت كان شكل العالم دلوقتي هيبقى عامل ازاي.
وعشان كده لازم تتقبل تعرضك للفشل وانه مش معناه انك كسول او ما بذلتش مجهود كفايه لان زي ما قلنا فيها عوامل الخارجيه كتير جدا برضو تحكمك بس الاهم طول ما انت قادر تحاول حاول لان حدث واحد بس ممكن يغير استثمارك كله زي ما حصل مع ديزني كده.
اكيد كلنا عارفين شركه ديزني المشهوره في بدايه شغلها اغلب الافلام اللي انتجتها فشلت بس صاحبها ما وقفش استثماراته رغم انه كان بيصرف كتير جدا على تكلفه الافلام وفيلم ورا فيلم وفشل ورا فشل وقبل شهور من اعلان الافلاس بيحقق فيلم سنو وايت 1937 نجاح خرافي بيكسب ديزني 8 مليون دولار وبينقذها من الافلاس وبيخليها تفتح استوديوهات جديده.
ولو بصيت على اغلب الشركات الكبيره الحاليه زي امازون ونتفليكس هتلاقيهم وصلوا للنجاح ده بسبب قرار خدوه وقت الازمه والفشل هو كده الاستثمار يا صديقي 50 قرار منهم 10 كويسين من العشر دول ممكن واحد او اتنين يغيروا حياتك.
العوامل النفسية وتكوين القرارات المالية: نظرة شاملة.
طب وبعدين نمشي كده بدون اي ضمانات والله يا صاحبي الضامن هو الله بس انت لازم طبعا تبقى عامل حساب للفشل او الخطا وحاطط له تمنه يعني تتوقع اسوا الاحتمالات وتحاول تغطيها اي نعم هو كده كده هيحصل اسوا من الاسوا بس هتبقى قريب منه على الاقل وعشان كده لازم يكون عندك خطه كويسه على المدى البعيد هتتعلم ايه وهتشتغل في مجال ايه هتستثمر في ايه ولا هتحوش قد ايه.
وخلي بالك مهما كانت خطتك محكمه مش هتمشي حسب الخطه هنا بقى لازم يبقى عندك مرونه وتقبل تغيير خطتك هتتعلم حاجه جديده عادي او هتشتغل في وظيفه مختلفه عن اللي اتعودت عليه او بره تخصصك عادي برده وماله عود نفسك طول ما الظروف بتتغير يبقى الاهداف والطرق كمان لازم تتغير ما تنشفش دماغك.
هتقول لي بس للتشاؤم ده يا اخضر هي مش هتمشي حسب الخطه ليه هي طبيعه الدنيا كده يا صديقي بص كده حواليك هتلاقي التقدم الاقتصادي بيحصل ببطء يكاد لا يلاحظ اصلا اما بقى لو دخلنا ازمه او انتكاسه هتلاقينا بنقع بسرعه الصاروخ ودائما الفجر بالازمه من غير اي مقدمات.
وحتى لو خدنا بالنا قبلها مش هنلحق نتصرف فالحل اننا نكون عاملين حساب الصدمات والمفاجات من الاول وتكون خططنا متشائمه بس مش معنى كده انك تبقى بتصدق اي قصه بتتقالك الحق اصل العمله هتتغير الحق للدولار هيبقى ضعف قيمته كمان اسبوع ولا ده هيبقى فيه ركود اقتصادي عالمي كمان شهر واقعد بقى اقنعك ازاي ده هيحصل.
طب والحل ايه انك تتعلم اكتر يا صديقي عن الاقتصاد وازاي تتحكم في سلوكك المالي لان الخرافات والاشاعات بتملى الفراغات اللي عندك بسبب الجهل وكل ما تتعلم كل ما تملى الفراغات دي بصوره صحيحه طيب يا سيدي حطينا الخطه المتشائمه واستعدينا لثمن الفشل والحمد لله ربنا كرم ونجحنا اهو مش عايز افاجئك بس انت برده لسه هتدفع لان ما فيش حاجه ببلاش.
حتى النجاح ليه تمن ومش كره الناس ولا الحسد بس لا تمن النجاح هو الحاجه اللي هتدفعها في المقابل يعني جبت عربيه هتدفع فلوسها كاش او قسط ومصاريف تشغيل وصيانه وليله كبيره طب لو نجحت في وظيفه يبقى هتدفع وقت ومجهود وتركيز طب لو استثمرت يبقى هتدفع اعصابك في قلق ومتابعه واهتمام.
تحليل السلوك المالي: فهم أسباب ونتائج السلوك المالي للأفراد.
وزي ما اتفقنا في ان ما فيش حد فينا مجنون لان كلنا مختلفين فهنا برضو كل واحد هيناسبوا سلوك مالي معين يقدر يدفع ثمنه سواء من فلوس او مجهود او صحه صدقنا يا صديقي كله بيتعب حتى اللي بينجح اخر حاجه بقى لو انت مستواك المالي مرتاح اه اللهم لا حسد يعني غني تعمل ايه عشان تحافظ على ده.
تقلل من المخاطره في قراراتك الاستثماريه او الشرائيه تواضع كده وحافظ على فلوسك وبلاش صرف يمين وشمال زي ما راجل الاعمال بتاع قصتنا اللي في الاول ده كان بيعمل وخلي ثروتك على صوره اصول واسهم وممتلكات بتدخل لك فلوس علشان قيمتها ما تقلش مع الوقت بسبب التضخم.
خطط لكل الازمات اللي ممكن تقابلك وبالطريقه المتشائمه زي ما اتفقنا قبل كده واخيرا بقى خليك فاكر ان حتى لو لا قدر الله حصلت اي ازمه او مشكله فهي مهما طالت هيجي لها وقت وتعدي فلازم تصمد لحد ما الوضع يتحسن وقوانين العرض والطلب تشتغل في السوق.
وصلنا للاخر يا صديقي الغني حاليا او مستقبلا يعني ان شاء الله يا متقاطعش ومش لازم عشان تبقى غني انك تكون مليونير والجو ده لا خالص ممكن يكون عندك اللي يكفي مصاريفك وبتحوش الزياده ومرتاح ماديا الحمد لله اهم حاجه الستر والصحه يعني ها بس كلمتين بجد بقى زي ما بتفكر دايما في الفلوس فكر في رغباتك لانك لو ما امتلكتش رغباتك فمهما كان معاك هتعوز تصرفه ومش هيبقى بالنسبه لك كفايه فاحمد ربنا على كل حال وبس كده.