ملخص كتاب توقف عن البقاء وحيدًا للمؤلفه كيرا اساتريان
ملخص كتاب توقف عن البقاء وحيدًا بعد ما روحت من خروجه جامده جدا مع اصحابك لعبت كوره واكلتو في مطعم واتمشيتوا لاخر الليل وسط هزار وتبادل مواقف وذكريات بتفتح الواتساب تلاقي واحد منهم منزل ستوري بيقول عمر ما حد حس بيا!!
الله ما احنا لسه يا ابني كنا مع بعض وكنا زي الفل وبنهزر وبنضحك ماله بس ده بعدين بتلاقي ستوري تانيه الواحد غيره بيقول صاحب الكل وحيد لا بقى ده كده الرجاله خلاص باظت على الاخر طب نزلوا الصور بتاعه الخروجه حتى الاول اول حاجه هتيجي في بالك ايه شغل التنشن ده اكيد يعني بيدعوا الوحده عشان ياخدوا اهتمام زياده او فاكرين يعني ان ده شغل عمق وكده.
توقف عن العزلة: دروس في الاتصال الإنساني.
بس خليني اقول لك ان في احتماليه كبيره جدا انهم فعلا بيحسوا بالوحده لان الواحده دلوقتي ما بقتش بس بسبب انك مش حواليك حد لا ده في نوع ثاني خالص وبيزيد انتشاره مع الجيل الحالي ايه هو النوع ده وليه بينتشر اكتر دلوقتي وازاي احصن نفسي منه!!
طب ولو انا حاسس بالواحده اصلا ازاي اتخلص منها وايه المهارات اللي محتاجها عشان اكون علاقات تحقق لي معنى القرب اللي انا محتاجه كل ده بيجاوبني عليه كتاب مقال النهارده بعنوان توقف عن البقاء وحيدا للمؤلفه كيرا اساتريان.
موضوع الوحده زمان كان الشخص الوحيد معناه انه تعرض للرفض من ناس كان عايز يبقى في وسطهم فانعزلوا بقى لوحده اما دلوقتي ممكن تبقى وحيد وانت حرفيا وسط كل الناس اللي انت حاببهم بس انت منفصل عن الجو ده بسبب ان محدش فيكم قريب من التاني كفايه.
يعني الوحده الحاليه هي نتيجه غياب القرب طب وايه هو القرب اقف جنبه يعني اكيد مش كده القرب هو انك تعرف العالم الداخلي للشخص ايه هي افكاره ومشاعره واحلامه بيكره ايه وبيخاف من ايه لو عندك حد قريب منك فعلا فهو اول واحد هتجري عليه وتحكي له لما يبقى عندك مشكله كبيره او هتاخد المصيري.
ولو ده مش موجود فانت للاسف يا صديقي بتعاني من الوحده وايه يعني وحيد ولا يفرق معي انا ممكن اعيش من غير الناس دي كلها ما اخبيش عليك يا صديقي الحقيقيه صعب جدا استمرار فيها وبتشوف نتيجتها وضررها على صحتك النفسيه وكمان الجسديه ده غير انك كده بتقلل فرصك في السعاده لانها مش بتيجي الا من مشاركه الاخرين.
لو حققت انجاز مش بتبقى عايز تجري على القريبين منك وتقول لهم لازم حد يبقى موجود يسقف ويواسي ويطبطب طيب وليه اصلا ظهر النوع ده من الوحده لان شكل المجتمع حاليا اتغير كتير عن شكل المجتمع زمان.
اغلب الشباب بيبعدوا عن بيوتهم علشان فرص الشغل وسن الجواز وتكوين الاسره بقى متاخر كتير مقارنه باي زمن عدى فبالتالي مستوى التقارب المتاح في حياتنا بقى مختلف واقل بس مش دي المشكله بس لان السبب الاكبر اللي اثر على علاقاتنا في الجيل الحالي هو التكنولوجيا.
وانا معاك انها ليها مميزات كتير بس دايما في جانب ثاني مظلم يعني مثلا ممكن نقول انها سهلت التواصل بينا وبقيت ممكن تتواصل مع اصحابك في اي مكان محافظه تانيه بلد تانيه او حتى قاره ثانيه بس لو صاحبك ده معاك واغلب تواصلكم على السوشيال ميديا فانتم كده مش بتدفع له بشكل شخصي حقيقي يديكم فرصه تقربوا من بعض اكتر.
وكل او اغلب التفاعلات بتعدي على وسيط تكنولوجي ما بينكم ده كمان غير ان التكنولوجيا خلت عقليتنا تقنيه شويه في العلاقات يعني لو صاحبك قرفك ومصدعك بمشاكله وصياحه على السوشيال ميديا انت ممكن تلغي الصداقه او تعمل انفولو او تطنش رسايله ودخل لمعندكش صبر في العلاقات الحقيقيه.
مخاوف الوحدة: كيفية التغلب على الانعزال والعيش بتواصل.
عايز دايما تريح نفسك من المجهود اللي المفروض تبذله علشان تقرب من الناس كل ده غير شكل الحياه الاجتماعيه وخلل العلاقات سريعه ومتغيره وعلى قد ما الموضوع يبان مريح الا انه في الحقيقه بيخلينا نفقد الامان النفسي وبيقضي على اي محاوله تواصل حقيقيه طبعا اخضر ما بيقولش افصل نفسك خالص عن السوشيال ميديا لكن بيقول لك خف شويه وحدد وقت استخدامك لها واتعلم ازاي تقرب من الناس بجد في العالم الحقيقي.
زي ما هنقول دلوقتي ايوه جينا بقى للكلام المفيد قل لي بقى الحل على طول اصاحب طوب الارض وامشي مع الناس كلها يعني ولا احب واتحب مش يمكن لما الاقي نص التاني ربنا ي والاقي حد يحس بيا استنى بس عشان دي مش حلول مضمونه بالعكس ده ممكن اصلا لو عملت الحلول دي الوحده تزيد لو فشلت في القرب لان صدمتك ساعتها هتبقى اضعاف مضاعفه.
ازاي مراتي مش فاهماني معقوله كل اصحابي مش حاسين بيا بس عيب من امتى مسيو بيحطك قدام المشكله من غير ما يقول لك الحل ايه ده انت بس شويه وخليك معايا للاخر وجاوب لي على السؤال ده ايه اصلا اللي بيخليك عايز تقرب من حد قابلته او تتعرف عليه اكتر!!
اكيد جذبك حاجه فيه افكاره ذكائه طريقه كلامه او حتى شكله وفلوسه لو انت مادي الجاذبيه هي الدفع الاول للتقارب بين اي الطرفين طب لو تدافع موجود وفي حد فعلا حابب تخلي علاقتك بيه اقرب سواء كان صديق او حتى شريك حياه محتمل تعرف ازاي انه شخص تقدر تقرب منه انه يكون عنده نوعين اساسيين من المهارات:
النوع الاول هو مهارات التعارف واللي هي اول مهاره فيها هي القدره على كشف الذات يعني شخص ما عندوش مشكله انه يشاركك امورعن نفسه ودي حاجه اساسيه في اي علاقه بتستهدف القرب تعرف ازاي لو الشخص عنده مشكله في الجزئيه دي لو بيتجنب الرد على اي سؤال شخصي بسيط او بيلف ويدور وممكن يقول حاجات متناقضه وهكذا.
اما المهاره التانيه فهي القدره على التبادل تبادل الكلام والاسئله والاهتمام مش عمال تجاوبه بس لو وجهت له اي سؤال يتهرب منك او هو عايز دايما يفضل في دايره الاهتمام ويبقى محور الكون وانت مش مهم.
اما المهاره الثالثه فهي تقبل المعلومات الجديده اللي هيعرفها عنك لان اغلبنا بيكون تصورات عن الطرف الثاني ممكن ما تكونش حقيقيه ولا كامله فلما بتبدا تكشف حقيقه عن نفسك تدريجيا بيكون في تقبل لده ولا بيفضل متمسك بالصوره الاولى.
المهاره الرابعه بقى هي انه يكون له حضور حقيقي ويكون موجود في تفاصيل حياتك المستمره في الوقت الحاضر كده احنا خلصنا مهارات التعارف نيجي بقى للنوع التاني من مهارات التقرب وهي مهارات الرعايه او الاهتمام والمهاره الاولى انه يكون قادر يحس بمشاعره ويعبر عنها بشكل صحي وواضح وكمان بيفهم مشاعر اللي قدامه من منظوره هو.
البقاء والتواصل: استراتيجيات للتغلب على العزلة.
وده ياخدنا للمهاره التانيه وهي استجابته للمشاعر بطريقه كويسه يعني لو بتقول انك خايفه بتحاول تطمنك وممكن تمسك ايدك او لو بتقول انك متضايق مش بتلاقي رد فعل لا مبالي وان انت مكبر الامور اخر حاجه بقى والاهم انه يبقى مستعد يتحمل المسؤوليه في العلاقه ويهتم ويقدم الرعايه ويسيب كمان الشخص التاني يهتم بيه.
لو لقيت اغلب المهارات دي عند شخص فدي غالبا فرصه كويسه جدا ومن المحتمل يكون صديق او شريك رائع حتى لو مش كلها موجوده او هو شخص منغلق على نفسه شويه فممكن بالوقت يكتسب الامور دي منك وياخد ثقه اكبر لان طبعا كل المهارات دي لازم تبقى عندك انت كمان مش عنده هو بس طيب لو الطرفين عندهم مهارات التعارف والاهتمام بس برده مش قادرين يحققوا التقارب الحقيقي.
حتى مع رغبتهم هنا بقى ناقصهم حاجه صغيره قوي هقول لك عليها بس الاول جرب كده في اغلب كلامك مع اللي حواليك هتلاقي انكم بتتكلموا في مواضيع كتير قوي عباره عن رغباتكم يا اما بتقول لاصحابك انت عايز ايه او هتعمل ايه يا اما بتسالهم هتعملوا ايه او عايزين ايه نادرا قوي لما حد بيسال عن الاحتياج انت هتعمل ده ليه او عايزه ليه اصلا.
يعني مثلا عندنا سعاد دايما بتسال صاحباتها عن انظمه تغذيه صحيه ومجموعات تمارين رياضيه وصاحباتها عارفين انها مهتمه بدها وفاكرين انهم كده عارفين سعاد فعلا بس ما حدش فيهم جرب يسال هو ليه سعاد مهتمه جدا بانظمه التغذيه والرياضه هل ده ممكن يبقى علامه على عدم الرضا عن شكلها فلازم نساعدها باننا نتقبلها وندعمها الاول.
ونحاول نخليها تتغير بشكل متوازن بحيث نفسيتها ما تتاثرش بالسلب ساعتها هنكون فعلا قربنا من سعاد وعرفنا احتياجها للقبول الاجتماعي والشعور بالرضا اللي كان مستخبي وراء رغباتها واهتماماتها الخارجيه طب ازاي نوصل للاحتياجات الحقيقيه للانسان علشان نعرف نقرب منه اكتر عن طريق الاسئله.
طبعا يعني مثلا لاحظت ان صاحبي زعلان بعد ما خرج الامتحان وعايز اقرب منه اكتر تفتكر ممكن اساله ازاي اقول له ليه ما ذاكرتش كويس يا صاحبي بس او هتعمل ايه في الامتحان الجاي دول مثالين عن الاسئله السيئه يعني في السؤال الاول انت افترضت انه ما ذاكرتش والهمته على ده في السؤال التاني بتشيله هم من الامتحان الجاي.
هيحصل فيه كده برضو لكن الاسئله الصح بقى اللي بتزود قربك من الناس هي الاسئله اللي بتسيبهم يعبروا عن نفسهم ومشاعرهم من غير اي افتراضات او اتهامات فممكن تساله وتقول له مالك يا صديقي بس مش في المود ليه وكده هو عارف انك ملاحظ تغيره مش همك الامتحان وبس وهيبدا يشتكي من اللي مضايقه اللي هو اداؤه في الامتحان وفرصتك ساعتها تزيد انك تظهر تعاطفك وتعرض انك تساعده وتشرح له الحاجات اللي مش فاهمها.
اتصالات القلب: كيف تجد الشبكات الاجتماعية المغذية.
ويا ريت بقى تبعت خالص عن الاسئله المستفزه زي هو انت ليه حليت وحش حتى لو السبب واضح زي الشمس ما تجيش ناحيته بشكل مباشر يعني حتى لو انا عارف السبب او الاحتياج واضح ومش محتاجه ذكاء اه لان الهدف هنا انك تسيبه هو اللي يعبر وتشوف الحاجات من وجهه نظره ومن مشاعره عشان تعرف تتعاطف وتقرب مش بس بكلامك لا.
وبافعالك كمان وفكر دايما لو كنت مكانه ايه اللي هيخليك تحس بشعور افضل طب ازاي توصل للشخص التاني انك مهتم فعلا بافعالك اولا لازم تبقى موجود في الاحداث العاديه واليوميه مش في المناسبات بس وتكون حاضر بعقلك ومشاعرك كمان لو حاول الشخص التاني يلفت اهتمامك لحاجه وعايزك تشاركه فيها.
يبقى لازم تدوس معه وانت فعلا مهتم مش بتمثل انك مهتم وبلاش بلاش بلاش وتاني اهو بلاش تحاول تغير نقط الضعف الحقيقيه في شخصيه التاني نقط الضعف مش مشاكل وتعتبر جزء من الشخص زي مثلا لو عنده خجل بزياده شويه بيخليك متوتر قدام الناس ومش بيحب التجمعات ما ينفعش تتعامل مع الضعف ده على انه مشكله لازم تحلها.
لو ما عرفتش توصل للرضا وتتقبلها بلاش تكمل وتقرب اكتر لان فجاه هتلاقي العلاقه قلبت معركه وانت مش فاهم هو فين المشكله بس خلي بالك مش معنى كده اني بقول لك تتقبل اشخاص toxic بيسببه لك الم ما تقدرش تستحمله لا طبعا الع كلها فيها نسبه طبيعيه من الالم والمجهود وطول ما هي طبيعيه ومش مقصوده فعادي نستحملها.
وخلي بالك برضو مش معنى التقارب انكم تبقوا عارفين كل حاجه واداء التفاصيل عن بعض لازم يبقى في قدر من الخصوصيه والمساحه والحدود طب ولو انا الحمد لله عندي علاقات قريبه مني وكويسه جدا اعمل ايه عشان احافظ عليها هتربطها بشويه مسامير كده تثبتها اهم مسمار هو الروتين والعادات والمواقف واللغه.
لازم تفضلوا شبه بعض في الحاجات دي لانها صاحبه التاثير الاكبر على القرب في العلاقه ويا سلام بقى لو في ذكريات مشتركه حافظوا عليها وفضلوا فاكرينها ولو مفيش اخلاقوا ذكرياتكم مع بعض علشان وقت المشاكل تلاقوا حاجه حلوه ترجعوا لها ده غير كمان ان لازم جزء كبير من اهدافكم يبقى مشترك.
مش واحد عايز يسافر العالم والتاني عايز يفضل في البيت تحت البطانيه واخيرا حافظ على جو الاحترام والموده على قد ما تقدر لانه زي الاكسجين اللي هتتنفسوه في العلاقه في واحد بقى بيسمع الحلقه كلها وقعد بيهز راسه كده ومستنيني اخلص عشان يطلع بالكارت المدمر ويقول لي خلصت خلاص طب وانا مش بحب نفسي اصلا وحاسس اني غريب عني.
قال يعني كده انا عجزت يعني لا بص يا صديقي طبق نفس الكلام اللي قلناه على نفسك اتعرف عليها كانها شخص تاني طب ازاي بسيطه لاحظ صفات حلوه في شخصيتك او حاجات بتعملها كويس وشوف انت بتعملها ليه ايه دوافعك يعني حاول تفهم رغباتك وتعرف احتياجاتها.
واهتم انك تشبعها هو انا عايز اروح الجيم ليه هل عشان ما عنديش تقبل لشاكلي بقلد صحابي ولا عشان احسن صحتي واهتم بها والاهم افصل مشاكلك على جنب كده واقعد حلها بدون جلد في ذاتك واخيرا اتحكم في وقتك مع التكنولوجيا وزود من الوقت اللي بتقعد فيه مع نفسك مش واحده مش انعزال اقعد مع نفسك اسمعها عادي يمكن شعور الغربه ده يروح وبس كده يا صديقي.
خاتمة:
باختصار، يتضح أن الوحدة في العصر الحالي ليست مجرد انعزال فردي، بل هي نتيجة لتغيرات في الطبيعة الاجتماعية والتكنولوجية. من خلال فهم أسباب الوحدة وتعلم المهارات اللازمة للتواصل والتقرب من الآخرين، يمكن للفرد التغلب على الشعور بالوحدة وبناء علاقات معنوية وصحية.
أسئلة وأجوبة:
ما هي أسباب زيادة شعور الأشخاص بالوحدة في العصر الحالي؟
تغيرات في هيكل المجتمع وتأخر سن الزواج وتفرق الأصدقاء بسبب العمل والهجرة.
ما هي المهارات اللازمة للتواصل والتقرب من الآخرين؟
مهارات التعارف والتبادل الاجتماعي وقبول المعلومات الجديدة والاستجابة للمشاعر بشكل صحي.
كيف يمكن للتكنولوجيا أن تؤثر سلباً على العلاقات الاجتماعية؟
عن طريق خلق عزلة افتراضية وتقليل التفاعل الشخصي وزيادة الانعزالية الرقمية.
ما هي الاستراتيجيات التي يمكن اتباعها لتجاوز الشعور بالوحدة؟
تحديد وقت محدد لاستخدام وسائل التواصل الاجتماعي وتطوير مهارات التواصل الشخصي والتقرب من الآخرين.
ما هو دور الرعاية والاهتمام في بناء العلاقات القوية؟
الرعاية والاهتمام تعزز الثقة وتقدم الدعم العاطفي وتعمق الروابط الاجتماعية بين الأفراد.