ملخص كتاب : توقف عن التخمين للكاتب نات جرين
ملخص كتاب: توقف عن التخمين , في عالم فوضوي مليء بالمشكلات من تضخم وركود اقتصادي وامراض واوبئه واحتباس حراري وخطر الحروب النوويه انت قاعد في اوضتك بتصيح من اقتراب الامتحانات واللي هو تاني يا زكي هتزنق نفسك وتتعرف على مواد لاول مره بس مش مشكله محلوله ان شاء الله.
من دلوقتي بقى هنبدا ايه جد خلاص لكن للاسف لقيت موبايلك باظ والنت قاطع وولاد اختك هيباتوا اسبوع عندكم وشكلك كده عندك بوادر برد وبقيت تحس ان الامور خرجت عن السيطره وانك ضاعت خلاص بس لا ما تحسش بالضياع ولا حاجه هو العبد لله يعني راح فين في مقال النهارده نات جرين في كتابه هيقول لنا ازاي نحل اي مشكله تواجهنا.
مهما كان مستوى صعوبتها او مجالها وهيساعدنا نكتسب مهاره البروبليم سولفينج وده من خلال كتاب توقف عن التخمين تسع حالات واقعيه لحل المشكلات اليوميه.
كيف تتجاوز عادة التخمين وتحل المشاكل بفعالية؟
طيب بيسالنا يعني ايه مشكله ايه المشكله موقف صعب او حاجه مضايقاك ومع الطلاق انك تحقق هدف معين او تحدي بيواجهك مثلا في الشغل محتاج تعرف تزود عدد المبيعات او عندك مشكله انك تلم ستين محاضره في سبع ايام اوعندك مشكله وزن زائد او عايز تحسن مستواك في اللغه الانجليزيه وفي مشاكل اجتماعيه ومشاكل في علاقاتك مع الناس.
وغيرهم كتير وفي العاده سلوك الناس بيختلف في حل مشاكلهم في منهم اللي بيهرب من المشكله ويشيل ايده وهنام وهصحى الفجر وكله هيبقى تمام ان شاء الله وفي اللي بيعتمد على غيره وان كوبايه شاي هتحل لي كل مشاكلي او اخويا الكبير هيتصرف وفي اللي بيروح لجوجل ويساله انا بشعر بالصداع ودوخه السبب ايه!!
فجوجل يقول له احتمال تموت كمان ساعتين وفي ناس بترمي مشاكلها على قوى ما وراء الطبيعه وسبب مشاكلي الحسد والبخت وما حدش سايبني في حالي وللاسف السلوكيات اللي فاتت مش بتساعد اطلاقا في حل المشكلات بل ممكن تعمل لنا مشاكل اصلا.
وبما ان طبيعه نفوسنا بتكره الفراغ فلو معندناش السلوكيات البديله اللي نمشي عليها في حل المشاكل هنتجه لا اراديا للسلوكيات القديمه واللي ما بتوصلش النتيجه فعشان كده هنعرف ايه هم التسع سلوكيات اللي نبني بيهم مهاره البروبليم سولفينج شوف ومن الاخر يا صديقي لا تخمن.
وده اول سلوك صح هتعمله ومعناه لما تواجه مشكله ما تقولش والله اتوقع ان السبب كذا او انا حاسس ان انا لو جربنا الطريقه دي هتنفع ممكن تعترض دلوقتي وتقول لي طبعا على فكره اخضر في مشاكل عرفت احلها بالتخمين عادي هقول لك عندك حق فعلا.
في نوع من المشاكل السهله بيكون له من ثلاث لاربع احتمالات سهل نجربهم زي مثلا لو في لمبه مش شغاله ممكن نقول الكهرباء فاصله هنا او السلك شكله اتحرق او اللمبه اتحرقت اصلا لكن المشاكل المتوسطه والصعبه بيكون لها من 50 ل 100 احتمال او اكتر وممكن ما يطلعش سبب المشكله الحقيقي وسطهم.
دليلك الشامل لتطوير مهارات حل المشكلات بعيدًا عن التخمين.
في الاخر ولو فضلت تجرب احتمال احتمال منهم يستهلك وقت ومجهود كبير وممكن تتشتت عن السبب الحقيقي وخاصه لو في مشكله بتتغير مع الوقت عقبال ما تجرب تخميناتك هتطلع لك تخمينات جديده وحتى لو انت بتحل مشكله صعبه والتخمين نفع الصدفه والمشكله اتحلت به الحمد لله.
يعتبر لسه في اثار جانبيه لسلوك التخمين منها ان عقلك الكسول ما هيصدق انها نفعت ويعتمد التخمين كعاده ده غير انك كده كده ما فهمتش المشكله وعرفت اسبابها بتعمق ففي المستقبل لو تعرضت المشكله مشابهه هتبدا تجرب من الاول وكمان والاخطر من كده انك ما طورتش مهاره البروبلم سولفنج عندك.
وهديك مثال لمشكله صعبه تخيل انك بقيت شارلك هولمز والمفروض تمسك قاتل متسلسل لو انت كاشير لك اعتمدت على التخمين في حل القضيه هتقول اعتقد ان القاتل كبير الخدم حبسنا كبير الخدم لكن الجرائم لسه مستمره طيب شكله قريب اخر ضحيه ما طلعش هو يبقى اللورد هنري.
وهكذا لو استمرينا بنفس المنطق ممكن نحبس سكان المدينه كلهم وممكن ما نوصلش للقاتل في النهايه والتخمين هيخسرنا كتير كده احنا ضمنا اول سلوك ولكن لسه مكملين في دور الشارلكه والمتعه والتشويق زي ما اتفقنا مش هنخمن اسباب فدلوقتي انت كمحقق جامد اكيد مش هتحل اللغز من البيت.
هتنزل الشارع وتجمع بيانات وتسال الشهود وتشوف مسرح الجريمه وتعرف مين الضحيه اصلا وهو ده بالظبط السلوك التاني شخص المشكله بحيث تكون رؤيه شامله عنها تجاوب لك بعض التساؤلات.
يعني مثلا لو انت في مصنع وفي مشكله بخط انتاج ما في منتجات بتطلع مش متعبيه كويس هتعمل ايه هتبدا تجمع بعض المعلومات والملاحظات عن المشكله زي امتى المنتجات بتبدا تتعبى وحش وخطا التعبئه ده بيتكرر كل قد ايه والمشكله دي بتحصل لكم منتج بالظبط.
وفي وقت وانت بتحاول تشخص المشكله ممكن يقابلك فكره مش فاهمها او حاجه اول مره تسمع عنها زي السكس سيجما عايز تسال عنها بس خايف ومش عايز تتحرج وتبين انك جاهل بمعلومه او السؤال ممكن يطلع غبي فالناس هتتريق عليك ويبقى شكلك وحش.
فعشان كده هتلاقي السلوك الثالث بيقول لك لا تخاف من عشان لو خفت من جهلك بالمعلومه هيبقى صعب انك تاخد خطوه لقدام في حل المشكلات وممكن تبني تصورات وتاخد قرارات بعيده تماما عن المشكله بسبب عدم معرفتك.
وللاسف فكره انها بتيجي مع الهوبل دوبل ممكن تحرمك من اكتساب خبره حقيقيه وفي الحقيقه ما حدش عنده علم كامل في اي حاجه وسؤالك ده هيكسبك معرفه جديده وهينقل لك خبره الناس اللي عندها المعلومه ده غير انك لو سالت الخبر دول سؤال بديهي ممكن تفتح عينيهم على حاجه ما كانوش واخدين بالهم منها.
وكمان بتبني ثقه بينك وبينهم بعد ما فهمنا وضع المشكله وسالنا نحل المشكله بقى لا لسه يا صديقي اتقل كمان حبه وهتبقى اجمد بروبلم سلفر احنا دلوقتي هنعرف ايه هو السلوك الرابع لحل المشكلات والسلوكيات الثلاثه اللي فاتوا يعتبروا تمهيد ليه وهو تحديد المشكله اللي هتحلها.
استراتيجيات عملية لتحسين قدرتك على الاستنتاج الصحيح في حل المشاكل.
لان تحديدك للمشكله صح هيساعدك انك تاخذ التراك المناسب لحلها بدل ما تكون ماشي في الطريق الغلط يعني مثلا ايه اللي حاصل ان في ماده مش عارف تذاكرها هل مشكلتك هنا انك مش فاهمها ولا مش قادر تركز وانت تذاكرها لو حددت المشكله في كونك مش فاهم الماده.
فهتبدا تشوف هل السبب المصدر اللي بتذاكر منه ولا في اساسيات مرتبطه بالماده نسيتها ولو مشكلتك بتتعلق بعدم القدره على التركيز هتشوف هل السبب انك مرهق او مش بتنام كويس او الاضاءه ضعيفه وهكذا ولان السلوك الرابع مهم ففكر معي في المشكله دي.
في اوائل القرن العشرين في امريكا الناس في الوقت ده ما كانوش بيغسلوا اسنانهم واتصابوا بامراض كتير في اللثه واحنا محتاجين نعمل اعلان علشان نحل المشكله دي هل فكره الاعلان اعتمادا على تحديد المشكله هتبقى انهم مش عارفين يغسلوا اسنانهم ولا انهم مش عارفين اهميه غسيل الاسنان ايه.
حاول تحدد المشكله صح وهنرجع للمثال ده تاني بعدين واكيد دلوقتي في بالك سؤال ازاي تحدد المشكله صح هقول لك يا صديقي حاول تبعد عن كل الفرضيات وتحاول تفكر في المشكله بتمعن وكمان ممكن تخلي مشكلتك قبل للقياس يعني مثلا بدل ما تقول انك عندك مذاكره ماده الرياضه قول انك محتاج تذاكر اربع دروس خلال الاسبوع ده.
ومهم تبعد عن تشتيت نفسك وانك تدخلها في حوارات بعيده وتبدا تفكر في حلول لالغاز رياضيه محيره وعشان نعرف اذا كنا حددنا المشكله صح او غلط بيجي من كتر الممارسه وبالتجريب لغايه ما تنام المهاره دي عندك فلو انت بتجرب حل بعد ما حددت مشكلته ولقيت ان مفيش نتيجه.
اعيد تاني خطوه تحديد المشكله فلنفترض ان انا حددنا المشكله الحمد لله ماذا بعد محتاجين نتعلم المبادئ الاساسيه للمشكله علشان نقدر نستوعبها اكثر ونوصل وده هو السلوك الخامس انا عارف انك حاسس ان انا طولنا سيكا في فهم المشكله بس صدقني الخطوات دي هتسهل علينا حل المشكله بكتير.
نهاية عصر التخمين: كيف تكسب ثقة نفسك وتتحدى المشاكل بثقة ووعي.
ده في حتى كود لاينشتاين بيقول لك في ايه اذا كانت لدي ساعه واحده لانقاذ العالم فساقضي 55 دقيقه في تحديد المشكله وخمس دقائق في ايجاد الحل فاحنا كده على طريق العلماء ما تقلقش خلينا نكمل في السلوك الخامس فاكر الاعلان اللي محتاجينه بمشكله غسيل الاسنان.
ممكن يكون اغلبنا حدد المشكله ان الامريكان ما عندهمش ادراك باهميه غسيل الاسنان وده نفس اللي فكر فيك لا اللي حل المشكله ونتيجه لكده فكر يعمل اعلان عن معجون اسنان جديد طب معلومه منتجات معجون الاسنان مغرقه الدنيا ايه الجديد.
الجديد انه اتبع السلوك الخامس وبدا يتعلم حاجه لها علاقه بالمشكله حاجات خاصه بعلم النفس وازاي ياثر في الناس ويشجعهم انهم يعملوا حاجه معينه ويخلي غسيل الاسنان عندهم عاده وقرا عن الاسنان واللثه وايه اللي بيحصل من الناحيه الطبيه لما بتسوس.
لحد لما طلع باعلان عبقري خلى غسيل الاسنان باعاده قوميه كان مضمونه عزيزي هل تعرف ماذا يحدث بعدما تتناول الطعام تكون بعض البكتيريا طبقه على الاسنان تدعى بالبلاك ومع تراكم هذه الطبقه يتكون الجير الذي يسبب لك التهابات في اللثه واصفرار الاسنان وذلك سيقلل من جاذبيه ابتسامتك.
فان كنت تريد امتلاك ابتسامه ساحره فهذا المعجون سيساعدك عاش كلاود انا اشتريت وبالمثل بعد ما تحدد المشكله حدد ايه اللي محتاج تعرفه عنها مش شرط تعرف كل حاجه عن موضوع المشكله وتفتح مراجع وتاخد كورسات لا محتاج بس تتعلم عن الحاجه اللي محتاجها بطريقه بسيطه ممكن تستعين بتوتريال على اليوتيوب تشوف دليل الارشادي.
اعمل اي حاجه واه ممكن تستعين بالخبراء في المجال المتعلق بمشكلتك وتسالهم خاصه لو المشكله في مجال جديد عليك او يدلك على افضل مصدر تدور فيه هنا ممكن المعلومه اللي هتاخدها منهم توفر عليك وقت لكن السلوك السادس بيقول لك بلاش تعتمد على انهم يحلو لك المشكله.
هو فعلا ممكن تحس انهم فاهمين كل حاجه فيحلوا لك المشكله صح وفي ثواني لكن في الحقيقه مش شرط الشخص الخبير في المجال ممكن يديك تخمينات قريبه لحل مشكلتك بناء على خبرته والتخمينات دي ممكن تنفع فعلا في المشاكل السهله لكن في المشاكل الصعبه ممكن يقابلك كذا موقف.
تجاوز حاجز التخمين: الطريق إلى فهم عميق وحلول مبتكرة للتحديات اليومية
منهم ان الشخص الخبير في الاغلب لو مش عارف حل مشكلتك هيتحرج يقول لك فهيديك اي حل سريع وخلاص من غير ما يفهم الموقف تاني حاجه انه ممكن يديك حل ما يناسبش ظروفك واخر حاجه هي انك بتقلل ثقتك في نفسك وبتقلل مهارتك في البروبلم سولفنج وبعد ما خلصنا السادس.
هل لاحظت حاجه احنا بدانا نتكلم عن سلوكيات تخص حل المشكله وخلصنا السلوكيات اللي تخص فهم وتحديد المشكله وخلينا نكمل مع السلوك السابع واللي بيقول لك امن بالحلول البسيطه.
يعني يا صديقي لو انت بتحل المشكله حاول تفكر في الحلول السهله الاول حتى لو انت شغال على مشكله صعبه وده عشان تتجنب التفكير بطريقه معقده تكلفك وقت ومجهود وممكن فلوس اللي هو نفس الموقف بتاع ودنك منين يا جحا وتعالى ناخد مثال.
عندك مشكله في دولاب هدومك مش عارف ترتبه وهو متكركب على الاخر حددت المشكله ان مساحه الدولاب صغيره بالنسبه لحجم هدومك ممكن تفكر ان الحل اننا نجيب دولاب جديد ده حل اه بس مكلف لكن في حل اسهل.
وهي انك تشوف ايه الهدوم اللي مش محتاجها وواخده مكان على الفاضي وتتبرع بيها او انك تجرب طريقه ترتيب مختلفه كل دي حلول ابسط من انك تشتري دولاب جديد جربها ولو ما نفعتش يا سيدي نشوف دولابين مش دولاب واحد.
دلوقتي هندخل على السلوك التامن على طول ما فيش وقت للتفسير واللي بيقول قرر بناء على الحقيقه يعني ايه الكلام ده كان يا صديقي لما تيجي تحل مشكله ما تعتمدش على راي الناس ولا حتى رايك الشخصي اعتمد على الحقائق وبس والحقائق هنا زي المبادئ العلميه لاي مجال.
زي الاحصاء والكيمياء والاقتصاد والمنطق بشرط ان الحقائق دي تكون بتطبق على مشكلتك ومرتبطه بيها يعني مش هطبق قوانين ميرفي ولا حاجه مثلا انت عندك مشكله انك عايز تستثمر فلوسك في مكان كويس ممكن تلاقي اراء كتير من صحابك حطها في كام سهم في الشركه الفلانيه.
ممكن تشتري لك كم عقار وقراءه تانيه كتير وكلها تنفع لكن لو هتستخدم الحقائق هتعمل ايه هتبدا تدرس السوق وممكن تعمل دراسه جدوى لو هتعمل مشروع ويا سلام لو استخدمت شويه داتا انالسس كده هتاخد قرار وحل لمشكلتك مضمون اكتر.
واخيرا الحمد لله وصلنا للسلوك التاسع والاخير اللي بيقول لك ركز على هدفك واحنا عارفين ان التركيز بيجي لما نبطل تشتيت طب ازاي نوقف التشديد واحنا بنحل مشاكلنا كلمه السر في التبسيط عشان تلاقي السبب الرئيسي للمشكله بسرعه وبسهوله فمثلا انت بتحل مساله رياضيه مكتوبه في سطرين وكلها ارقام ورموز.
عشان تعرف تحلها هتبسطها هتدور على عامل مشترك او حاجات ممكن تروح مع بعض او لو في حاجه او ترم له قيمه معروفه او يتحل بقانون ما كده المساله هتبدا توضح اكتر وبعدين هتبدا تفكر في طرق حل ممكن يجي في بالك تشتق المعادله.
طيب ليه ما تكملهاش تاخد لوغاريتم للطرفين هنا بدات تتوسع في طرق الحل وقف وابدا فلترهم واختار اقرب وانسب طريقه وتوكل على الله يا فرج.
الله خلصنا التسع سلوكيات وخلاص كده اعتبر نفسك بقيت بروبلم سولفر قد الدنيا فاضل بس انك تتدرب على مشاكل كتير سواء كانت سهله او متوسطه او صعبه وتستعين بالله وتطبق التاسع سلوكيات قلنا في كومنت ايه اكتر سلوك شايف انه هيفرق معاك.