ملخص كتاب :محاط بالمرضى النفسيين لتوماس اريكسو
ملخص كتاب : محاط بالمرضى النفسيين . تخيل معايا صديقي انك قاعد مع شخص عمال يمدح فيك ومركز مع كل كلمه بتقولها ومهتم بقصصك وحكاياتك وكان دي مهمه حياته تخيلت عجبتك الفكره صح طب نرجع بقى لارض الواقع ماذا لو قلت لك ان الشخص ده بيحاول يتلاعب بيك وان اهتمامه ده كله بغرض استغلالك وكسب ثقتك علشان تقول اسرارك وبعدين هيستخدم الاسرار دي ضدك عشان مصلحته.
لا يا زميل ده شكله طيب وابن حلال والله انت اللي ابن حلال يا صديقي الاهتمام الزايد ده زي ما ممكن يصدر عن حد بيحبك فعلا فهو ممكن يصدر عن حد عايز يستغل لك زي المختلين نفسيا او السيكوباتيين اللي بيكذبوك باهتمامهم علشان يحققوا اهدافهم.
فهم شخصيات السيكوباتية والمختلين نفسياً.
بس مش المختلين دول هم القتله المتسلسلين والمجرمين ايه علاقه الكلام ده بالراجل الطيب اللي كنت قاعد معه اسمحلي فجاه واقول لك ان المختلين نفسيا مش بس قتالين القتله وان اللي بنشوفهم في التلفزيون دول صور متطرفه واقل ذكاء كمان من اللي عايشين معانا حاليا ومحوطينا من ناحيه.
عشان كده محتاجين نتعرف عليهم وعلى طرق التلاعب الشائعه بتاعتهم ونعرف كمان ازاي نحمي نفسنا منهم وده اللي هنتعلمه من كتاب النهارده محاط بالمرضى النفسيين لتوماس اريكسون.
اول حاجه بيقولها لنا توماس اريكسون هي ان المحتلين نفسيا اللي يقصدهم او اصحاب الشخصيه السيكوباتيه مش مرضى نفسيين امال تعال نشوف في كتابه الاشهر محاط بالحمقى . بالمناسبه بيناقش توماس اساسيات تقييم نظام ديسك اللي بيصنف انماط السلوك البشري بالاعتماد على اربع صفات وبيربطهم بلون معين يعني نمط اللون الاحمر بيركز على الهيمنه واللون الاصفر خاص تاثير.
واللون الاخضر للخضوع واللون الازرق للالتزام ولسه هنشرح تفاصيل كل نمط المهم بقى ان بعد واحده من محاضرات توماس عن الانماط دي قابل شخص غريب قال له انه ما لقاش في نفسه ولا نمط وشايف انه بينتمي لنمط خامس والراجل ده سلوكياته كانت غريبه زي انه فضل يراقبه من بعيد وتوماس شافه بيقلد تعبير وش ناس تانيه حواليه بس اكتشف بعد كده ان الراجل ده كان عنده حق وان التصنيف مش بينطبق على الكل زي السيكوبوتيين مثلا لانهم مش اشخاص طبيعيه اصلا وما عندهمش مشاعر ولا ضمير اعرفهم منين انا طيب.
بيحصر توماس صفات المختلين في عشرين صفه منهم الا باقه والجاذبيه والتقدير المبالغ فيه للذات وعدم الشعور بالذنب والكذب المرضي والقسوه وعدم التعاطف وعدم تحمل المسؤوليه وتعدد العلاقات الغراميه والاندفاع وغيرهم كتير وطبعا اهمهم المكر والتلاعب واللي هنعرف اشهر طرقه كمان شويه.
طيب هل وج صفه من دول معناها ان اللي قدامي او انا مثلا مختل لا عادي نلاقي صفه او اثنين منهم عندنا احنا مش ملايكه وممكن نرتكب اخطاء لكن الفرق ان عندنا حس اخلاقي وشعور بالذنب وكمان مجرد اعترافنا بالاخطاء كفيل انه يفصلنا عن فئه السيكوباتيين المهم دلوقتي انك تخلي بالك من الناس اللي حواليك وتلاحظ مين عنده صفات زي دي وبيتعامل معاك ازاي.
وهل بيمارس اي نوع من طرق التلاعب اللي هنقولها كمان شويه وخصوصا لو لقيته مركز على نقط ضعفك لانه هيتلاعب بيك من خلالها ايه بقى نقط الضعف بتوعي ما بتسيبش حاجه انت يا صديقي هندخل حالا على انماط السلوك اللي قالها توماس في كتابه السابق ونقط ضعف كل نمط.
وكمان ازاي ممكن يتسلى ليها المختل زي ما قلنا نظام تقييم الشخصيه ديسك بيقسم الاشخاص لاربع انماط سلوكيه مرتبطه بلون محدد اول نمط هو النمط الاحمر وده بيمثل الناس اصحاب السلوك المهيمن اللي بيركزوا على وظائفهم وبيشتغلوا بسرعه وعندهم قدره كبيره على حل المشكلات والنمط ده يعتبر حاد بشكل ما.
لانهم ممكن يرفعوا صوتهم لما يعترض حد على كلامهم ومش بيسمحوا للي حواليهم انهم ياثروا عليهم ثاني نمط هو النمط الاصفر وده بيمثل السلوك المؤثر والاشخاص اللي بتندرج تحت النمط ده بيغلب عليهم السعاده والابداع والانفتاح في علاقتهم مع الاخرين وبيتواصلوا بسهوله مع الناس وبيهتموا بيهم وبيحبوا يتكلموا كتير عن نفسهم.
طرق التلاعب والاستغلال المشتركة للأشخاص ذوي الشخصيات السيكوباتية.
لكن مش مستمعين جيدين النمط اللي بعده هو النمط الاخضر وده بيمثل السلوك الخاضع ودول اشخاص بيكونوا متحفظين وبيحرصوا على سعاده اللي حواليهم وبيكرهوا الصراعات ومترددين وبيميلوا ان حد تاني ياخد القرارات بالنيابه عنهم وده طبعا بيخليهم فريسه سهله للمختلين.
اخر نمط بقى وفقا لنظام ديسك هو النمط الازرق وده بيمثل السلوك الملتزم واصحابه بيكونوا انطوائيين وتحليلين جدا وبيحبوا الدنيا منظمه وبيركزوا في التفاصيل وكمان عندهم عين ناقده بتركز على العيوب عرفت انت فيهم يلا بقى نشوف المختل ممكن يدخل لك ازاي علشان تقدر تمنعه!!
هنبدا مع الشخص الاحمر بس بذمتك ده نمط حد يقدر يتلاعبي للاسف اه ممكن طب ازاي اقول لك اصحاب السلوك الاحمر احيانا بيكون عدوانيين شويه وهنا المختل بيفكر ازاي يستفيد من العدوانيه دي وبيقدر يوجه الشخص الاحمر انه يصب غضبه ده في اتجاه معين.
يعني لو معروف انه موظف كبيرمشهور بنزعته للانتقام ممكن المختل يستغل ده بانه يخليه يهاجم ابرز منافس ليه مثلا خلصنا على الاحمر وهندخل بقى على الاصفر نقطه ضعف الشخص الاصفر هي انه اجتماعي جدا وبيحب الناس وبيحب يتكلم عن نفسه وكمان هو حساس ضد النقد ومشكلته انه بيكون معتمد على الاخرين في سعادته ومن غيرهم بيتبل وحماسه بيروح وابداعه كمان بيقل.
وهنا المختل ممكن يستغل ده بانه يقول له مثلا ان واحد من صحابه وصفه بصفات وحشه او انهم بيشتكوا من انه بيتكلم عن نفسه كتير وده طبعا هيخلي الاصفر يتوتر ويفقد توازنه يا عيني امال هيعمل ايه في الاخضر الاخضر شبه الاصفر في حساسيته ناحيه النقد وزياده عليه بقى انه بيخاف من الصراعات.
وبالتالي مش بيقول رايه الحقيقي وكمان بيخاف من التغيير ومش بيتحمل المسئوليه لما بيختار المختل ضحيه من اصحاب النمط الاصفر بيحاول يقمع شخصيتها عشان يسيطر عليها لكن مع الاخضر اللي من غير حاجه بيحاول يرضي اللي حواليه كل اللي بيعمله المختل هنا انه بيعزز صفاته دي فاضل الازرق بقى يكش يكون ده اللي قادر على المختل الشخص صاحب نمط السلوك الازرق هو فعلا اصعب واحد يمكن التلاعب به الحمد لله لان واعي كويس باللي بيحصل حواليه وبيفتكر كل التفاصيل.
وبالتالي وارد جدا ان لما مختل يكدب عليه انه يكتشف حقيقه الكذبه والموضوع كله بس برضو الازرق عنده عيوب ممكن يدخل له المختل منها زي الكماليه الزايده يعني لو المختل قدر يقنعه انه ارتكب غلطات في الشغل هتبدا ثقته في نفسه تنهار بسم الله ما شاء الله وبعدين بقى بيتلعب بكله كده.
حماية النفس من الأشخاص ذوي الشخصيات السيكوباتية: الاستراتيجيات والتقنيات.
اه بس لا تقلق يا صديقي هنقول دلوقتي على اساليب التلاعب دي بالتفصيل علشان تقدر تتفاداها واساليب التلاعب كثيره ومختلفه هنذكر اهم خمسه منهم بيستخدمهم المختلين والمتلاعبين اول اسلوب اسمه التعزيز الايجابي التعسفي وده معناه انه بيدي الشخص تشجيع ودعم قوي جدا وبعدين يبطل فجاه بدون سبب وده بيخلي الضحيه تشك في نفسها وفي انها عملت حاجه غلط وبتلجا انها تعمل اي حاجه.
المختل عايزها علشان تستعيد الدعم والتشجيع مره تانيه الاسلوب التاني هو قذف الحب الاسلوب ده بيستخدم في العلاقات الشخصيه وبيعتمد على تعالى شبعك حب شبعك دلال في اول التعامل وبعدين فجاه انت مغرور انت مهدوم الشعور يعني هنا المتلاعب بيغرق ضحيته بحبه ودعم وتقبل تام في الاول وفجاه بيبطل وبيبدا ينتقد كل حاجه كان بيقول انه بيحبها علشان يسيطر على شريك حيات.
نمنع نفسنا ازاي من الوقوع في فخ الاسلوب ده لازم تكون هادي وعاقل وتاخد وقتك وما تثقش بسهوله مجرد انك سمعت حد بيقول لك انك اجمل حد في الكون هي صعبه انا عارف بس اسمع مني انت المفروض تبني ثقتك على اساس ثلاث عوامل قابليه التنبؤ يعني القدره على توقع سلوك الشخص ده والمصداقيه ودي المفروض تقيسها على المدى الطويل واخر عامل هو اليقين وهنا محتاج تسال نفسك هل الشخص ده اقدر اعتمد عليه ولا لا!!
والتلات عوامل دول محتاج تطبقهم على سلوك الشخص معاك دلوقتي مش اول ما تقابلته عشان تحدد هل هو محل ثقه او لا كده خلصنا الاسلوب التاني من اساليب التلاعب الاسلوب الثالث اسمه التعزيز السلبي وده بيحصل لما يبطل المتلاعب انه يعمل حاجه بتضايقك لما تبدا انت تعمل له اللي هو عايزه.
والاسلوب ده له تاثير بسيط جدا وخطير وهو انه هيخليك تعمل كل اللي عايزه المتلاعب عشان تسلم من تصرفاته المزعجه ومن لسانه الاسلوب اللي بعده هو اسلوب سحابه الدخان الكثيفه الاسلوب ده بيستخدم في الخناقات والمتلاعب بيقول حاجات زيي انت بتبالغ قوي شفت صوتك عالي ازاي اي حاجه عشان يشوش على تركيزك ويحوله من المشكله الفعليه لرد فعلك ويقلب الموضوع عليك انت.
اخر اسلوب من اساليب التلاعب هو التلاعب بالعقول هنا المتلاعب بيشكك ضحيته في سلامه قواه العقليه زي ما عمل الزوج في فيلم جاس لايت وحاول يحسس مراته انها اتجننت بانه كان بيعمل تغييرات صغيره جدا حواليها في البيت ولما هي كانت بتلاحظها كان بينكر تماما وبيجي اليوم اللي بعده يغير حاجه تانيه وهكذا سؤال بقى هل اللي بيستخدم الاساليب دي هما المختلين.
بس الحقيقه لا ممكن ناس عاديه تكون بتستخدمها بس الفرق ان المختل بيمارس التلاعب وهو مدرك ليه ولسلبياته على الشخص التاني ومش همه لكن الشخص العادي بيكون جرب طريقه منهم بالصدفه ولقاها ساعدته فبقى بيستخدمها بس في كل الحالات انت لازم توقف ده وهنعرف دلوقتي تعمل كده ازاي سواء كان المتلاعب اللي في حياتك مختله او لا بيكون عندك حلين يا المقاومه يا الهرب والمقاومه ميزتها انها بتخلي الكوره في ملعب الشخص التاني وبتقدم له خيارين.
يتكيف طلبك ويبدا يتبع سلوك تاني غير التلاعب يا يزهق من مقاومتك ويروح لضحيه تانيه بس عشان نعمل اللي علينا هنقول لك ازاي تقاوم من خلال خمس طرق الطريقه الاولى هي كسر النمط الطبيعي انك لما بتلاقي نفسك معرض للتلاعب او حد بيكدب عليك بتواجهه فورا مشكله بقى الاستجابه السريعه دي.
هي انك بتتصرف زي ما المتلاعب عايز بالظبط لانه يعرفك كويس جدا عشان كده النصيحه الاولى للتعامل مع التلاعب هي انك ما تتصرفش بناء على غريستك الاولى لكن ادي لنفسك وقت وفرصه عشان تفكر الاول الطريقه التانيه هي الاسطوانه المشروخه الاسطوانه المشروخه دي بتتقال على حد بيكرر نفسه كلامه.
واعذرني يا صديقي احنا عايزينك تبقى زي الاسطوانه المشروخه وخصوصا في المواقف اللي بيحاول فيها المتلاعب انه يضغط عليك عشان تعمل حاجه انت مش عايزها والمفروض ساعتها تفضل تقرر نفس الجمله زي هفكر وارد عليك عشان تسيطر على الموقف الطريقه اللي بعدها للتخلص من التلاعب بتتمثل في اعاده برمجه مشاعر الخوف والقلق والذنب المتلاعب هنا وبيلعب على الثلاث مشاعر دول.
التفاعل مع الآخرين: كيفية التعرف على علامات التلاعب والتصدي لها.
بالذات وهيعمل اي حاجه عشان يحسسك بواحد منهم عشان كده مهم جدا انك تعرف ازاي تتعامل مع المشاعر دي عشان ما تسمحش لحد انه يستخدمها ضدك الطريقه الرابعه بقى بتقول لك اتكلم عن اللي شايفه بوضوح طالما لسه في تعامل بينك وبين المتلاعب هيفضل مكمل في الحيل بتاعته وبالتالي انت محتاج تواجهه وتكلمه بوضوح عن التاثير السلبي لافعاله عليك والطالبه بتغييرها.
الطريقه.الخامسه والاخيره هي انك توضح شروطك لاستمرار العلاقه يعني مثلا لو اتاكدت ان الشريك حياتك شخص متلاعب بس لسه عندك امل انه يتغير لازم توضح شروطك لطريقه التعامل اللي عايزها ولو وافق كنبها ما وافقش فالجري نص الجدعنه كل اللي قلناه بيفترض ان حد من اللي حوالينا فعلا مختل ومتلاعب بس ده مش شرط يعني بس لولا قدر الله ممكن اقابل حد منهم هل في طريقه ممكن تساعدني ابقى محصن منهم!!
اي نعم في ثلاث خطوات وقائيه لازم تتبعها علشان تحمي نفسك من المحتلين اول خطوه هي تحسين بنفسك احنا ساعات بنظهر صفات ممكن تستغل ضدنا يعني مثلا لو حد مدحك ووشك احمر وتوترت ده معناه انك بتتاثر بالاطراءات وممكن حد يستغل ده ضدك او لو انت من محب الربح المالي السريع وده ظهر فهتكون ماده خام للاحتيال عشان كده لازم تاخد بالك من ردود افعالك وايه اللي بتكشفه عنك.
الخطوه التانيه هي انك تعرف سلوكيات المختلين كويس ولو لقيت السلوكيات دي بتنطبق على شخص من اللي حواليك لازم تاخد حذرك منه الخطوه الاخيره بقى هي انك تحدد مقدار تقديرك لامتك واحترامك لنفسك لان لو تقديرك لنفسك قليل ده هيخليك فريسه سهله للمختلين عشان كده مهم انك تقبل نفسك وتحترمها واخيرا الكتاب مش هدفه انك تمشي خايف من الناس او تحبس نفسك في البيت لكن هدفه انك تكون واعي بنفسك وقادر على التعامل مع الناس باختلافهم براحه وامان وبس كده.