ملخص كتاب: بهجة الحياة للكاتب فرانسين جاي
ملخص كتاب: بهجة الحياة , قاعد تتفرج على التليفزيون في امان الله بتلاقي اعلان لبلوجر مشهور بيستخدم منتج ما لوش اي لازمه في الحياه بس بتحس انه بس هو ده فبتدخل على النت وبتشتريه بس بتلاحظ ان موبايلك بقى بطيء حبتين فبتيجي قدامك اعلانات عن موبايل جديد بتقول لنفسك حلو ده بعدين تفتكر ان فلوسك خلصت فبتحس بعدم الرضا والحزن وبتسال نفسك هو انا ليه مش عارف اجيب كل اللي نفسي فيه!!
بس لحظه بقى عايزك تبص حواليك كده في اوضتك او مكتبك وتقول لي هل لاحظت وجود اي حاجه حواليك بقى لها زمن ما حدش يستخدمها هل اكتشفته بعد الجواز انكم جايبين حاجات كتير في الجهاز ملهاش لازمه اممم في خناقات ازاليه ما بينك وبين مامتك علشان تكسير حاجه النيش او اي فازه في البيت لو جاوبت باه على اي سؤال من دول في مقالة النهارده معموله تحديدا ليك.
أهمية البساطة في الحياة اليومية.
لان انا هنحكي عن البساطه ايه تاثيرها على حياتنا وازاي نخليها نظام حياه ونعيش ببساطه وراحه بال بعيدا عن كل الصداع والمتغيرات الكتير اللي عصرنا الاستهلاكي بيملى حياتنا بها والمقالة مبنيه على كتاب بهجه الحياه البسيطه دليلك للتخلص من الفوضى والى التنظيم والبساطه.
بس قبل ما نبدا عايز اقول لك ان المقالة عباره عن جزئين:
- الجزء الاول عن فلسفه البساطه نفسها
- الجزء الثاني هيكون دليل عملي للتخلص من الفوضى
تقدر تطبقه على كل مساحات بيتك وخلينا نسال سؤال مهم كده هو معلش يعني ايه اللي بيخليك عايز تشتري حاجات كتير اصلا ليه دولابك مليان ومع ذلك ما عندكيش هدوم كفايه لا ما تجاوبيش انا انا كده كده هجاوبك يعني الاعلانات بتحاول توصلنا دائما لشعور عدم الرضا عن حياتنا كل اللي معاك مش كفايه لبسك بقى قديم مكتبك ما فيهوش درج سحر مش عارف ماله وهكذا وبعدين تقول لك انا عندي الحل بقى اللي انا بعرضه عليك عشان تبقى سعيد وراضي عن حياتك.
حتى بص البلوجرز مرتاحين وسعداء ازاي بمنتجاتنا يخلص الاعلام من هنا فتبدا تقول لنفسك انا فعلا ناقصنا حاجات كتير لازم اجيبها بقى عشان ابقى مبسوط وابقى مختلف وسط زمايلي لكن يا صديقي اللي بتمتلكه مش بيحدد قيمتك ولا هويتك ولا حتى سعادتك لازم تخرج من سيطره الاعلانات لان ثقافه الاستهلاك مؤلمه نفسيا جدا ومن اكبر مسببات القلق كمان ازاي بتسبب قلق.
يعني تعال نشوف كده من الاول خالص لنفترض انك عايز تجيب منتج جديد اول قلق هتعاني منه ان المنتج مش عندك اصلا فحاسس ان حياتك ناقصه من غيره وده القلق الرئيسي اللي بتلعب عليه الاعلانات تاني قلق هيحصل لك وانت بتفكر وبتدور ازاي هتجيب المنتج هتوفر فلوسه ازاي وهتروح تجيبه منين.
اما ثالث قلق هو بعد ما اشتريت المنتج بقى والف مبروك عليك الاشباع الفوري اللحظي ولذه الرضا الوهمي عن الذات جه وقت الاعتناء ولا اهتمام بالمنتج ده سجاده الصالون الغاليه دي لازم ما حدش يمشي عليها اصلا عشان يتحافظ عليها اما بقى القلق الرابع فهو لو المنتج اتكسر او باظ فانت لازم تصلحه وهكذا تفضل كل حياتك قلقان على حاجات اكتر بتطلع من قلق بتدخل في الثاني.
النمط الاستهلاكي في شراء المنتجات باستمرار مش بيسبب قلق لا ده كمان بيكتفنا وبيعوق حريتنا اللي جاب سيره الحريه بس هفهمك ازاي عندنا نوعين من العوائق العائق الاول حركي كل ما الحاجات اللي اشتريناها بتزيد كل ما بتشغل مساحه اكبر من البيت وبالتالي حركتنا بتبقى اصعب تخبط بقى صباع رجلك الصغير وانت ماشي في الكرسي اللي محدش بيقعد عليه او تتخانق وانت بتروق عشان جاي لك ضيوف او الحروب الازليه مع الولاد عشان ما يوقعوش حاجه وهم بيلعبوا.
اما العائق الثاني فهو مادي ده في ناس ممكن تستلف ويبقى عليها ديون علشان تجيب منتجات اكثر او اقيم فتبقى باين برستيج بس مديون وعايش تسد بفواتير وقصاد عذاب ووجع قلبي يعني فليه تعمل في نفسك كده هو لازم يعني تملا اي مساحه فاضيه وخلاص اللي احنا عايزين فاهمه بقى هو ان بالعكس المساحه لا تقل اهميه عن الاشياء بل ممكن اهم كمان وده لان اي نشاط اسري هتعمله في البيت هتحتاج لمساحه فاضيه وواسعه سواء عشان لعب الاطفال او الاسترخاء.
كيفية تنظيم المنزل والمكتب ببساطة.
غير ان كمان تفكيرك نفسه هيبقى مشتت وفوضوي لو الكركبه حواليك كتير وكل ما الحيز البصري كان بسيط ومريح كل ما كانت نفسيتك افضل وكل ما زادت المساحه زادت الراحه النفسيه وزاد الصفاء الذهني طيب اعمل ايه لو خلاص حصل اللي حصل وجبت اشياء كتير وقعدوا وسط الزحمه مش عارف اتخلص منها في الاول كده لازم تعرف حقيقه ارتباطك بالاشياء اللي عندك جمع كل الحاجات اللي عندك ووقف كده قدامهم وقسمهم لثلاث مجموعات.
اول مجموعه وهي الحاجات المفيده ودي انت بتستخدمها زي فرشه الشعر مثلا بس ده مش معناه طبعا ان يبقى عندك خمس فرش لا اختار واحده بس لونك المفضل يا سيدي مش هنختلف ثاني مجموعه هي الحاجات الجميله دي بقى انت بتبص كده وتقول يا سلام بتضبط لك مزاجك يعني ممكن قطعه فنيه او تذكار من رحله معينه اما تالت مجموعه بقى وهي حاجات مرتبطه بذكرياتك العاطفيه شهادات وجوائز خدتها في سته ابتدائي وزحمه ادراج المكتب ترابيزه خشب كنت بتذاكر عليها في الثانويه العامه او حتى جهاز جالك هديه في عيد ميلادك وباظ.
بعدها بعد ما تخلص تصنيف لو لقيت حاجات مش بتنتمي لاي فئه من الثلاثه اتخلص منها فورا وحاول ما تحتفظش بشيء عشان حاسس بالذنب من فكره التخلص منه نيجي بقى للحاجات اللي صنفناها ونبدا الجزء الجد والعملي للتخلص من الفوضى والكركبه واول خطوه صديقي هي البدء من الصفر اختار جزء معين من الشقه او الاوضه وفضيه من كل حاجه طلع كل اللي فيها بره واقف قدام الفراغ تامل كده بذمتك مش حاسس براحه!!
ثاني خطوه بقى هي التخلص او الاحتفاظ او النقل قسم كل حاجه لتلات مجموعات حاجات هنحتفظ بيها وحاجات هنرميها وحاجات هننقلها الموضوع مش بالسهوله دي انا عارف لان في حاجات انت نفسك مش عارف هتحتاجها ولا لا فهنخليها دلوقتي ولو محتاجنهاش بعد شهرين يبقى نرميها اما بقى تله خطوه الاختزال جمع الحاجات المتكرره او اللي شبه بعض وشوف محتاج منها كام.
فعلا تقدر تطبق ده على الكشاكيل او الاقلام اللي في المكتب وبعد ما تخلص حط الحاجات اللي شبه بعض في نفس مكان التخزين ورابع خطوه بقى هي كل حاجه في مكانها مش كل الحاجات ينفع تتشال في اي درج او ضرف الدولاب قسم التخزين لثلاث دواير دائره داخليه قريبه منك وفيها الحاجات اللي بتستخدمها يوميا علشان توصل لها بسهوله ودايره خارجيه بعيده شويه فيها الحاجات اللي انت بتحتاجها كل فتره.
التأثيرات النفسية للعيش في بيئة مرتبة مقارنة ببيئة مليئة بالفوضى.
اما تالت دايره هي التخزين العميق يعني جاكيت ثقيل مش بتلبسه الا نادرا يبقى مكانه في ابعد نقطه في الدولاب جهاز ما حدش بيستخدمه الا مره كل شهر يبقى يتحط بعيد على جنب طيب عملنا كل ده والدنيا بقت زي الفل خلاص نضمن منين بقى انها ما ترجعش متكركبه ثاني زي الاول هنا بقى ندخل مرحله المراجعه والمراقبه محتاجه صحصحه ومواظبه على كم خطوه بسيطه كده.
اولا الحدود كل مساحه بحدود واضحه بحيث ما فيش حاجه تعديها كراسي السفره تفضل هناك ما تدخلش في الصاله ثانيا حاجه تخش في حاجه تطلع كل حاجه جديده هتشتريها يبقى لازم حاجه قصادها تطلعها الولاد هيطلعوا لعبه متعانه يبقى قصادها حاجه تدخل عشان تعرف تحافظ على التوازن بين المساحه والممتلكات ثالثا الصيانه ترجع اي حاجه استخدمتها لمكانها بعد ما تخلص جبت حاجاتك وقعدت على المكتب او طلعت في الصلاه شويه يبقى وانت قايم لازم ترجع كل حاجه في مكانها في ساعتها بلاش تكسل وتقول هرجعها كمان ساعه.
او ما انا كده كده هستخدمها في نفس المكان ثاني ارجعها ليه بقى من الاول واخيرا المراجعه كل يوم قبل ما تنام اعمل مراجعه سريعه كده على البيت او قطه بحيث تروقها اول باول احسن من انك تخصص يوم واحد بس للترويق وتفضل الكراكيب تتراكم عليك هيبقى هي والمذاكره يعني خلصنا بقى الكلام النظري وجينا للتطبيق.
هنمسك الاول الصاله عشان ده اكتر مكان افراد الاسره بيقعدوا فيه فكلكم مسؤولين عنها حاول تتقمص شخصيه وتبص على الصاله كانك حد غريب اول مره يشوفها يا ترى منظرها عاجبك مريح وحلو ولا تحس بخنقه كده اول ما تدخل لو مريح وعاجباك خلاص كده تمام بس لو مخنوق وحاسس بضيق يبقى لازم تتخلص من اكبر الحاجات اللي فيها كراسي او كنب او ترابيزات وبعدين ابدا بقى طبق الخطوات اللي قلناها قسم الحاجات لتلات مجموعات وقسم التخزين لثلاث مساحات واتعامل.
بس مش لوحدك جمع اسرتك كلها واشركهم في الموضوع مامتك هتتبسط صدقني او هتطردك يعني ما يجراش حاجه نخش بقى على اوضه النوم والمفروض انها تبقى اهدى وابسط مكان في الشقه كلها لانها المكان اللي بنرتاح فيه بعد تعب اليوم علشان كده هنطبق اول خطوه ونبدا من الصفر ونفضيها كلها ونختار الاول الحاجات اللي احنا عايزين نحتفظ بها مش اللي نرميها عشان ده يقلل شويه من مقاومتنا النفسيه للتغيير.
خصوصا ان اغلب الحاجات اللي بنحتفظ بها الارتباطها العاطفي والنفسي بينا هي اوضه النوم ده حلو لو باتزان لكن لو اتقلبت معك بزحمه يبقى لازم تدوس على قلبك شويه اما بقى بالنسبه للدولاب وهو الوحش الكبير فانا شخصيا عندي مشكله معاه برضو مهما تطبق الهدوم لازم يتبهدل فبصبر نفسي واقول اروقوا ليه.
اصلا ما انا كده كده عارف مكان لبسي بس برضه اقعد ادور يجي نص ساعه على بنطلون معين ولما بتخنق بقول خلاص هسيب له يوم ازبط فيه كل الهدوم طبعا اليوم ده لسه لحد دلوقتي ما جاش بس لا بقى لازم ابقى قدوه يلا النهارده يوم الدولاب العالمي اول حاجه هنطلع كل الهدوم كلها حتى لو شربات اه وثاني حاجه هنشوف ايه اللي بنستخدمه ولسه بنحب نلبسه فهنسيبه معنا وايه اللي مقاسه صغر او ما بقاش لايق بسبب تغيير الذوق ونحطه على جنب.
اما تالت حاجه جرب كل الهدوم علشان تتاكد انها سليمه وعجباك وبعدين ابدا قسمها لتلات دواير بتوع التخزين فاكرهم هدوم بتلبسها على طول فدول حطهم في اول الدولاب وهدوم بتلبسهم كل فتره فدول ابعد شويه وهدوم نادرا اما بتلبسهم زي لبس المناسبات مثلا فدول في ابعد نقطه في الدولاب واخر حاجه بقى عشان نقفل موضوع الدولاب ده الهدوم اللي مش لايقه او صغرت عليك وحطيتها على جنب لمها في شنطه وتبرع بيها.
استراتيجيات لتحقيق التوازن بين الاحتفاظ بالأشياء والتخلص منها.
او ممكن تشوف لو اخواتك الصغيرين عايزين منها حاجه طبعا هتطبق كلام المراجعه اليوميه ولو انت بتحبي تجيبي هدوم كتير لازم تطبقي قاعده اي حاجه جديده تدخل لازم حاجه قصادها تطلع اه عندك هدوم كفايه كده احنا خلصنا اللي هتعمله لوحدك طب ولو عايز تشجع اسرتك على الترويق والتبسيط علشان الخير يعم الشقه كلها تعمل ايه!!
اول حاجه لازم تكون قدوه بلاش تلمهم وتقول اعملو واحد اثنين ثلاثه لا خليهم يشوفوا اثر النظام والراحه عليك وخلي كلامك لفت نظر بس للتغيير اللي حصل لك ثاني حاجه لو هم اهتموا باللي بتعمله يبقى لازم تخليهم يجربوا مساحه معينه الاول يطبقوا عليها الخطوات اللي قولناها زي دولاب كل واحد او مكتبه.
مثلا وشجعه بعد ما ينجح وخليه يلاحظ الفرق تالت حاجه بقى لازم تخليهم يقسموا المساحات ويحطوا الحدود كل فرد له مساحه خاصه به ويبقى مسؤول عنها وكلكم مشتركين في الصاله قاسم الاوضه بتاعتك انت واخ منكم كل واحد ياخد نصها وبعدين رابع حاجه هي بناء الروتين لازم تعودهم على قاعده المراجعه والمراقبه.
الحاجات ترجع لمكانها بعد الاستخدام اي حاجه جديده تدخل قصادها حاجه قديمه تطلع واخيرا يا سلام لو تعملوا صندوق للحاجات اللي انتم مش عارفين تحطوها فين وصندوق تاني للحاجات اللي هتتخلصوا منها اخر الشهر وبعد ما وصلنا لاخر حلقتنا مهم تاني احذرك من اغراء الاعلانات والمقارنه مع الاخرين لانهم ممكن يبوظوا كل اللي انت عملته فحاول تثبت على سلوكك في المقاومه وبدل ما يكون هدفك مراكمه الاشياء والممتلكات حاول تراكم الخبرات وتطور من نفسك مهاريا ومعرفيا لان ده هينعكس على شكل الحياه اللي هتعيشها وسلوكياتك بنتمنى لك حياه مريحه ورايقه وبس كده.