تحفيز الإنتاجية في العبادة والعمل خلال أيام الصيام - كتالوج رمضان
ازاي ننظم نفسنا ووقتنا في رمضان بنقول لكم الاول كل رمضان وانتم طيبين وبخير وصحه وسلامه ومعانا ولان طبيعه اليوم في رمضان بتتغير وبنحاول نوازن ما بين العبادات الدينيه والمهمات اللي علينا محتاجين نعرف ازاي نخطط وننظم وقتنا صح ونعالج مشكله التسويف الابديه ده لو انت اصلا بتعرف تنظم وقتك ومش بتسوف في الايام العاديه يعني.
يلا بينا يا صديقي يلا , اختلفت العلماء وتكسرت الاقاويل والطرق والادوات في تنظيم الوقت بس في شويه نصائح اساسيه عشان تبدا تنظم وقتك.
أساسيات تنظيم الوقت في رمضان: إنشاء مصفوفة الأولويات.
اولا اعمل حاجه اسمها مصفوفه الاولويات عشان تعرف تحدد اولوياتك وايه اللي المفروض تعمله قبل ايه فتبدا بالمهم والعاجل وتركن غير المهم العاجل واتخطط وترتب الخانتين الباقيين.
ثانيا وبعد ما عرفت ترتيب مهامك جاءت اللحظه الحاسمه وهي لحظه البدايه اللي طبعا لازم تبقى الساعه عشره بالظبط ولو جت عشره ودقيقه تقول لا انا ما بعرفش اشتغل في الاجواء دي انا هستنى الساعه لما تيجي 11 وتفضل تستنى لحد 11 وخمسه علشان تتحجج ثاني يا صديقي المكار.
وبعدين بقى احنا هنفضل كده للصبح ولا ايه يلا يا عم ورانا ديد لاين وامتحانات والليله كبيره وعشان تسهل على نفسك البدايه ابدا في اي وقت وقسم المهمه الكبيره لاجزاء صغيره علشان ما تبقاش تقيل عليك ثالثا بقى حاول تخلي ادائك لمهامك جزء من روتينك اليومي عن طريق انك تكرره كل يوم وتكافئ نفسك على انجازك باي حاجه بتفرحك اكل او خروجه او فيلم او حتى 10 دقائق.
راحه 10 دقايق بس بتوقيت البني ادمين وعادي مش بتوقتك انت اخر حاجه بقى خليك فاكر ان الكمال عدو الاكمال يعني بلاش مبالغه في ادائك لمهامك عشان تطلع في شكل مثالي فتاخد من وقت مهام تانيه او تاثر على صحتك النفسيه خلاص اهو نظمنا وقتنا وعرفنا المفروض نعمل ايه اتفضل اعمله.
ايه مشكله تاني هو ايه العبد لله خلاص معاه العصايه السحريه يعني اه فعلا مع العصايه السحريه عندك حق وميه لو صديقي نتكلم على مشكله التسويف هو اصلا ينفع نتكلم على تنظيم الوقت من غير التسويف طول عمر التسويف لغز كبير ومعناه انك تاجل حاجه انت عارف انها مهمه ولازم تعملها وعارف ان التاجيل هيضرك وعارف انك هتتزنق وعارف انك هتندم وتقول يا ريت ما عملتها من زمان.
وبعد كل ده برضو هتاجلها كل مره وفي الاخر هتزنق نفسك ليله الفاينل او الديد لاين وهتبقى بتشتغل تحت دافع الخوف فهتقل جوده اداءك ونتائجك وعشان نفهم اللغز ده لازم نعرف هو احنا بنسوف ليه اصلا وده لسببين الحقيقه:
استراتيجيات لتجاوز التسويف في رمضان: قاعدة العشر دقائق.
السبب الاول للتسويف هو الرغبه في الاشباع الفوري يعني مثلا لو عليك تذكرات او مذاكره لامتحان فنتيجه اللي انت هتعمله هتقابلها بعدين هتذاكر كويس فهتنجح هتعمل شغل هتاخد فلوس او تترقى كله في المستقبل البعيد او القريب لا انت عايز تاخد النتيجه دلوقتي هتنبسط على السوشيال دلوقتي او هتنبسط في خروجه مع اصحابي دلوقتي.
اما تاني سبب للتسويف عن الرغبه في تجنب الالم والالم هنا مش معناه القلم الجسدي بس لا ده بيضم الالم النفسي والملل والارهاق اصل معلش يعني هو مين بيحب المذاكره او الشغل او بذل المجهود عموما مالها الانتخه طب وبعدين الحل ايه!!
والله يا صديقي في حلول طويله المدى وفي حلول قصيره المدى حابب تعرف ايه الاول ايه برضو اخترت الاشباع الفوري في الحلول قصيره المدى مفيش فايده بس هفضل وراك برضو.
هنبدا بالحلول طويله المدى واولها انك تفهم التسويف وابعاده واسبابه ومخاطره كويس جدا وبعدين تعود نفسك على الصبر وقوه الاراده وده عن طريق انك تاجل الاشباع الفوري مش كل حاجه عايزها تعملها او تجيبها وتفرض على نفسك انضباط ولو جزئي نعمل الانضباط ده ازاي!!
ده هياخدنا للحلول قصيره المدى اولا طبق قاعده العشر دقايق وهي انك تحسب لنفسك عشر دقايق بالظبط تجبر نفسك فيهم انك تقعد تخلص حاجه معينه وممكن لو اتعودت على عشر دقايق تزود الوقت شويه , يا سلام ده هيخليك تقسم الحاجه الكبيره اللي انت خايف منها ومستتقلها لمهام صغيره بسيطه وهيرفع عندك الشعور التدريجي بالانجاز.
تجنب الهروب من المسؤوليات في رمضان: التخلص من وسائل التشديد.
اما بقى تاني حل هو البعد عن وسائل التشديد اقعد مع نفسك كده وشوف ايه الحاجات اللي بتعملها كهروب من اللي عليك سوشيال ميديا افلام خروجات صحابك جيمز وغيره انت اضرب نفسك بقى.
وفي النهايه يا صديقي ما حدش هيعرف يبقى منتج وبيخلص كل اللي عليه اول باول وما بيضيعش ولا ثانيه من عمره احنا بشر برده مش الات بس المطلوب هو التوازن بين الانتاجيه والراحه واهم حاجه بقى قبل ما امشي هقول لك على حاجتين وربنا يستر.
انت مش هينفع تسيب اللي وراك وتتعلم اللغه البادئه او برمجه او ماركتينج او انتي مش هينفع تتجوزي وتقعدي في بيت جوزك انا وانتم والناس كلها عارفه ان دي اجواء زنقه امتحانات وشغل وكده كده هتعدي وبس كده.