ملخص كتاب: الأثر المذهل للعادات البسيطة للكاتب ديمون زهاريادس
ملخص كتاب: الأثر المذهل للعادات البسيطة , زنقت نفسي كتير مرسيتش يوم على انا اجلت كتير بلطم قوي كالعاده , وزي كل ترم صلاح زنق نفسه ليله الامتحان بعد ما كان وعد نفسه انه هيذاكر اول باول وبعيدا عن موهبته الفنيه لا تستحق الدفن صلاح عدى امتحانه على خير وجاب تقدير وبرضو قرر مع بدايه الترم الجديد انه يذاكر اول باول.
معلش يا ابو صلاح بس ملاحظ نمط عمال يتكرر هنا ورانا كانه في الغالب قلت لنفسك انه ناقصني قوه اراده سبعه عزيمه وباربعه جنيه حافز كل اتنين لوحده بس يعني لو عايز تحلل الموضوع ده كنت تعال لعمك مسيو من البدايه وساعتها كنت هقول لك انه غلطتك هي اعتمادك على قوه الاراده حاف كده.
تأثير الروتين اليومي: كيف تغير العادات الصغيرة حياتنا بشكل كبير.
ومش انا اللي بقول لك ده , ده هو اللي بيقول في كتابه الاثر المذهل للعادات البسيطه انه علشان تحقق اهدافك فانت مش محتاج قوه الاراده لكنك محتاج تعرف ازاي تحولها لعاده وتضيفها لروتينك ومش بس تضيفها احنا هنخليها على وضع الديفولت وبتحصل من نفسها بدون ما تتعب قوه ارادتك يا سيدي.
خلينا بقى نشوف قوه العادات دي بتقول ايه كلنا مرينا بالوضع اللي بيكون فيه شغلك قدامك افكارك في دماغك وحرفيا شويه افعال بسيطه بقيالك وتخلص الشغل اللي معاك لكنك مش بتتحرك اشتراك الجيم عملناه صاحبك اللي بيحفزك كلمته نوم بدري عملته لكن لحظه نزولك للجيم الكسل بيهل والنوم بيكبس وقوه الاراده بتنط من الشباك.
وهنا الكاتب بيقول لك انه بالرغم من وجود دافع لنزولك الجيم الا انه مش كافي عكس ما انت فاكر الدافع عمره قصير ويا دوب يكفي انك تدفع الاشتراك وتحدد المعاد وتكلم صاحبك ينزل لكن ده اخره الدافع مناسب اللحظيه اكتر من الاهداف طويله المدى طيب خلاص مدى طويل يبقى اكيد بتتكلم عن قوه الاراده ده اللي ممكن تكون فاكره لكن الكاتب برضو بيقول لك لا قوه الاراده بتضعف مع الوقت.
وفوق ده انت عندك كميه محدوده منها ولو حصل وقدرت تعمل حاجه جديده بقوه الاراده فكميه الاراده اللي معك النهارده ما تضمنش تكون هي هي بكره فا اه الاراده كافيه علشان تبدا فعل جديد لكن مش كافيه للحفاظ على استمراريته طيب يا عم لا تدافع نافع ولا قوه الاراده نافع عن اي منام بقى استنى بس يا عم رايح فين من امتى ومسيو بيسيبنا لنفسنا كده.
الحل يا صديقي في قوه العادات الصغيره واللي بتتغلب على قوه الاراده مش من ناحيه البدايه القويه لكن من ناحيه الاستمراريه وفوق ده العادات بتتعمق بمرور الوقت لدرجه انه لو ما عملتهاش هتحس بعدم ارتياح وهتكبر نفسك تقوم تعملها ولو قدرت تكتسب قدره تكوين العادات الصغيره فتركيزك هيبقى افضل مستويات توترك هتقل نومك هيتحسن وفوق ده قدرتك على الالتزام هتزيد وه تقدر تحقق اهدافك بشكل اسرع واكفا.
وعشان تتعلم ازاي تكون عاده محتاج تعرف من ايه بتتكون العاده العاده بتتكون من تلات حاجات رئيسيه محفز روتين وكل ما هو لذيذ وبدل ما اقعد ارص لك تعريفات هشرح لك مثال يقرب لك الصوره خالد متعود بعد ما يخلص امتحانات ينزل ياكل كشري مع اصحابه بيسلم الورقه يقعدوا يهزروا بره اللجنه على ما اخر واحد فيهم يخرج.
القوة الخفية للعادات: كيف تحقق أهدافك من خلال تحويل السلوكيات إلى عادات دائمة.
يتمشوا للمحل يقعدوا على ترابيزتهم الثابته من ايام ابتدائي ويطلبوا الاكل ويشرب نص كوبايه الشطه اللي هناك تيجي له البواسير ويشبع هنا دي عاده عند خالد اكل الكشري طبعا مش انه يجي له بواسير يعني العاده هنا بتبدا بمحفز اللي هو اخر امتحان وبتمر بروتين عباره عن عدد من الافعال المتراكمه الخروج من الامتحان والانتظار وتمشيه والترابيزه المفضله وكده وبتنتهي بكل ما هو لذيذ الا وهو المكافاه اكله الكشري.
جمع التلاته دول مع بعض هيطلع لك فتيات القوه ههه لا بهزر بهزر هيطلع لك التعريف الاساسي في تكوين العادات وهو الحلقه التكراريه وهي العاده بحجمها الحقيقي العاده مش شربك للشاي او فتحك للفيسبوك او شخبطتك في كشكولك وقت المحاضرات العاده مش الفعل نفسه العاده دايره بتبدا بمحفز وبتمر بروتين وبتنتهي بمكافاه.
زي لما تقوم تعمل كوبايه شاي بعد الغداء الحلقه التكراريه هنا عباره عن محفز هو ان انا خلصنا غدا فدي اشاره لشرب الشاي بعدين روتين عباره عن انك تروح المطبخ تغلي الميه تجهز الكوبايه وتصبها المكافاه بقى هي شربك واستمتاعك بالشاي والعاده هي ان كل ما بتتعرض للمحفز فانت هتعيد الروتين بدون وعي منك وبدون ما تستهلك من قوه ارادتك اصلا.
لان ببساطه الموضوع هيكون تلقائي بيحصل من نفسه وبما ان العاده بهذا الجمدان فما هي خطوات عمل عاده في البيت بدون روت بدايه انت محتاج تعرف انت عايز ايه يعني انا عايز اخسر وزني او عايزه ابقى قارئه كلها حاجات جميله لكنها مش حاجات محدده اول حاجه انت محتاج تعملها انك تحدد انت عايز ايه بالظبط ايه الشيء اللي انت عايز تطلع بيه ايه الهدف !!
يعني عايز ابقى مش هدف قد ما هو الوسيله اللي هتوصلي بها لهدفك زي انك تزيدي من معلوماتك في مجال علم النفس اللي بتحب تقري فيه او تستمتعي بالقراءه عن الثقافات التانيه او تحسني من جوده حياتك في الصحه او الانتاجيه او تربيه ولادك وتحديد الهدف اللي احنا عايزين نحققه هيساعدنا في الانتقال للخطوه التانيه.
وهي تحديد العاده اللي هتساعدك تحقق هدفك يعني لو انت قررت انك عايز تخسر وزنك وحددت الهدف انه انا عايز احس بتحسن ويكون عندي طاقه اكبر في بدايه يومي فبكده العادات اللي ممكن تحقق لك الهدف هتكون حاجات زي حافظ على مستوى الرطوبه في جسمك اعمل تمارين ضغط خفف وجبه العشاء ظبط ميعاد نومك.
هتلاحظ انه العادات اللي فاتت ممكن تكون مش مرتبطه قوي بفقدان الوزن لكنها بتحقق الهدف من ورا رغبتك وهي انك تحس بتحسن وبطاقه اكبر لما بتصحى بعد ما تحدد العاده اللي انت عايز تضيفها ليومك ولنفرض ان انا هعمل تمارين ضغط هتنتقل للخطوه الثالثه وهي انك تقسم العاده لاصغر صيغه ممكنه تعمل اقل القليل الا لو عرضت على نفسك تعمله مش هتتعب.
سر نجاح العادات البسيطة: كيف تجعل الروتين اليومي يعمل لصالحك.
يعني بدل ما تقول هعمل كل يوم خمسين ضغط قول هعمل خمسه في اليوم او حتى واحده قللها بحيث انك ما تقدرش تعترض قصاد نفسك باي حاجه مهما كانت ما تنساش انه الهدف مش انك تعمل التمرين الهدف انك تحوله لعاده بتصب في صالح هدفك وبعد ما حددنا العاده هنكون جاهزين دلوقتي لرابع خطوه.
وهي اننا ندخل العادات دي في يمنى بس قبل ما اقول لك ازاي تعمل ده محتاج اني اقول لك احنا مش هنضيف عادات ليومك احنا هنضيف حلقات تكراريه حلقات تكراريه بتبدا بحافز وتمر بروتين وتنتهي بمكافاه ايه المحفز اللي يبدا العاده ودي نقطه انت اكتر حد يقدر يحدد بدايتها حابب تقرا ورد صفحه واحده من القران كل يوم خلي الحافز انك تفتح المصحف لما تركب المواصلات لو انت بتسافر كتير عايز تعمل خمسه ضغط كل يوم.
اربط الحافز بنهايه عاده ثانيه زي لما تخلص غسل اسنانك مثلا ويفضل انك تربط العاده الجديده بنهايه عدد قديمه عشان تضمن التكرار وعدم نسيانها واهم حاجه في اكتساب العاده الحلقه التكراريه يعني زي ما قلنا مننا بيتجاهلوها كل ما يحاولوا يكتسبوا عاده جديده هو خطوه خمسه عمل مكافاه لحظيه.
اه ان انت تكتسب فورمه الساحل ده شيء رائع بس دي مكافاه هتحصل بعدين احنا محتاجين مكافاه تحصل بعد ما تخلص التمرين على طول زي انك تاخد شاور رايق يمسي على اعصابك اللي تعبت في التمرين او تعملي هوت شوكليت بعد ما حفظت كلمتين جداد في اللغه اللي بتتعلميها او ايا كان المهم تكون مكافاه صغيره وبتحفزك تعمل المهمه الصغيره ومش بتتعارض مع هدفك.
يعني ما تروحش تضرب نص كيلو كباب وكفته وانت هدفك تخس 10 كيلو مش عقل برده وفي خطوه ثابته بقى هتحدد ايه هي العوائق اللي ممكن تقابلك زي ان النور يقطع لما تحضر كورسك الاون لاين او انك هتصحى من النوم متاخر ومش هتلحق تغسل سنانك او ببساطه عقلك هيحاول يحبطك تنزل الجيم عادي وكل ما هتتوقع عوائق اكتر كل ما هتقدر تتغلب عليها لما تقابلك.
لانك هتكون مستعد لها ده هيضمن لك انك تقرر العاده كل يوم ببساطه لكن احنا مش عايزين نضمر التكرار وبس احنا محتاجين نضمن التحسن مع الوقت فاكر لما قلنا بدل ما نعمل ضغط كل يوم قلنا هنعمل اقل القليل واعمل خمسه كل يوم.
تحول الأهداف إلى عادات: كيف تستخدم العادات الصغيرة لتحقيق التغيير الكبير في حياتك.
احنا بقى في اخر خطوه من اكتساب العاده هنعمل جدول نراجع بيه تقدمنا اليومي ودي خطوه مهمه جدا لان لو سبت الامور لمزاجك الشخصي بنسبه كبيره هتفشل لا نراجع ورا نفسنا ونراجع تقدمنا اليومي بحيث نضمن ازدياد الرقم كل اسبوع.
لغايه ما نوصل في النهايه الخمسين ضغط في اليوم يعني اول اسبوع خمسه اللي بعده تمانيه اللي بعده عشره كل يوم هتزود قطره صغيره لان بعض شهرين تلاته هيتجمعوا ويكونوا بحر من النتائج ومش بس النتائج انت هتكون اكتسبت عاده جديده باقل مجهود يذكر هتقول لي طيب لو فشلت!!
هقول لك طب ما عادي يا صاحبي الفشل جزء من الحياه اقبل عادي ان ده جزء من العمليه وياك تلوم نفسك او تانبها اولا لان ده مش هيفيدك ثانيا لانه كويس انك فشلت اه والله زي ما بقول لك كده كويس ليه لانك دلوقتي هتقدر تحدد ايه سبب فشلك وتتجنب والمره الجايه اهم حاجه انك تتقبل وجود احتماليه الفشل.
عشان تقدر تتسامح مع نفسك وقت ما تقع وبرده شويه نصائح لو التزمت بيهم هيساعد بتجنب الفشل وتضمن استمراريه العادات اولهم انك هتبدا بعدد صغيره زي ما قلنا اصغر رقم ممكن وهتخلي الرقم ده هو مقياس نجاحك اليومي تاني حاجه هتعمل لنفسك هدف انه تلتزم بالعاده دي لمده 30 يوم وفي نهايه الثلاثين يوم هتعمل مكافاه ضخمه تحتفل بها بتحويلك لروتينك ده العاده.
تالت حاجه طور عاده واحده في المره بلاش شغل من كل فيلم اغنيه ده ركز على الروتين واحد كل شهر وفي نهايه السنه هتلاقي نفسك محقق 12 عاده بحالهم ولو سالتني انا شايفها صفقه ناجحه رابع حاجه ممكن تعرف صحابك واهلك باللي انت ناوي تكتسبه بحس يفكروك كل شويه ويطمنوا من استمرارك.
هتروح لهم وتقول لهم يا جماعه انا قررت انزل الجيم كل يوم وحتى لو تكسلت قصاد نفسك هتسمع منهم ايه يا عم انت مش قلت هتنزل الجيم كل يوم فهتلاقي نفسك ملزم تتحمل مسؤوليه كلامك وتحقق هدفك قصادهم واخيرا اكتب اسبابك كل اسبوع اكتب الاسباب اللي بتخليك تحاول تكتسب العاده.
لان مع الوقت هتظهر اهداف جديده عايز تحققها وتخليك تعيد التركيز على المهم من روتين وبكده يا ابو صلاح انا علمتك القوه اللي تقدر تنتفع بها في الحياه مش فاضل لك الاسطم تكوين العادات وهي انك تجيب ورقه وقلم تكتب اهدافك تحدد عادتك تعمل اقل القليل وتحدد الحافز البادئ والمكافاه.
النهايه تعمل جدول متابعه يومي وتتقبل الفشل كاحتمال والمهم انك تستمر وخليك دايما فاكر انه خير الاعمال ادومها وانقل وما تنساش تقول لنا ايه الهدف اللي نويت تحققه وايه العاده الصغيره اللي هتساعدك على تحقيقه وهتربطها بحافز ومكافاه ايه وبس كده.