ملخص كتاب: أول عشرين ساعة للمؤلف جوش كوفمن
ملخص كتاب: أول عشرين ساعة , محمد زي كل سنه حط الخطه المتينه بتاعه انه عايز يجيب امتياز ويطلع الاول على الدفعه وهيتعلم الماني عشان يسافر بره ويعمل البيزنس الخاص به ويبقى مليونير ده غير الانسه بتاعه والاخت اللي نفسها تتعلم تعمل مخبوزات بحشوه لذيذه بدون مكونات خزعبليه.
واللي بيحاول يتعلم اي مهاره يكسب بها فلوس في الظروف الصعبه دي وما بين قله الوقت وصعوبه تعلم المهارات كانت الحاجه المشتركه بين دول كلهم انهم بيفشلوا بعد اول شهر وبياخدوا اتيتيود الاستاذه القديره عبله كامل ونحط ايدينا على خدنا ونرجع نقول بس السنه الجايه بقى ان شاء الله هنبدا تاني على نضيف.
عشان كده جه جوش كوفمن مؤلف كتاب مقال النهارده وقال سيبكوا بقى من الكلام ده انا هقول لكم على الطريقه اللي نقدر نتعلم بها اي مهاره في الدنيا في عشرين ساعه بس.
تعلم أي شيء في 20 ساعة فقط: ملخص لكتاب 'العشرين ساعة الأولى' بواسطة جوش كوفمن.
متخيل جوش ده مدمن تعلم بالمناسبه وكل يوم عنده فكره مشروع او هوايه جديده نفسه يتعلمها زيه زينا وتوصل للطريقه دي بعد ما نجح في انه يعلم نفسه برمجه وعزف وتزلج في البحر وي وحاجات كتير جدا ده وهو دكتور جماعي وعنده مسئوليات وكمان زوج واب وراح حط لنا الطريقه دي في كتاب النهارده بعنوان اول 20 ساعه كيف تتعلم اي شيء بسرعه.
صاحبنا جورج اللي زي ما قلنا كان مدمن تعلم ونفسه يتعلم حاجات كتيره جدا في وقت قصير وبيقول ان المشكله اللي بتواجهنا كلنا هي ان الحاجات اللي عايزين نتعلمها محتاجه مهاره والمهاره عايزه وقت وجهد الوقت احنا دايما بنقول ما عندناش وقت والمجهود صعب اصل ايه الاسهل بالنسبه لنا نمسك الموبايل نتفرج على فيديوهات ونقلب في اللاشيء ولا نبذل مجهود وبتاع.
بالذات ان في حاجه بايخه جدا في فكره تعلم اي حاجه جديده انها مش بتبقى ممتعه خالص في الاول بالعكس بتبقى خنيقه جدا وساعات بتحسسك بالفشل والاحباط انك مش عارف تتقنها والانسان عجول برده وبيحب الانجازات السريعه فبنروح موقفين خالص جوش كان مدرك كل الحقايق دي.
واللي احبطه اكتر دراسه اتعملت سنه 2008 في جامعه فلوريدا واتذكرت في كتاب ذا اوت لاينرز بتقول ان اللي بيخلي الناس ناجحين ومميزين جدا في مجال معين هو التدريب لمده 10,000 ساعه يعني ست ساعات من التدريب المتواصل كل يوم لمده خمس سنين طبعا ناس كتير جالها احباط من فكره ال 10,000 ساعه اللازمه لتعلم اي مهاره دي.
واغفله ان الدراسه دي بتتكلم عن الفلاتات مش مجرد تعلم المهاره بمستوى حلو يعني الناس اللي عايزه تلعب زي ميسي ولا كريستيانو ولا حتى يبقوا زي دافنشي دول محتاجين فعلا 10,000 ساعه تدريب عشان يوصلوا للاحترافيه.
جورج بقى قال لك انا عايز ابقى محترف ولا عندي وقت اصلا كل اللي انا عايزه اني ابقى فاهم واعرف امارس اي مهاره نفسي اتعلمها بمستوى معقول فقرر ما يستسلمش الفكر الضيق الوقت وركن نظام ال 10,000 ساعه بتوع المحترفين على جنب وقال يلا نبدا ب20 ساعه مجهود وتركيز وانتباه 20 ساعه دي يعني من ست ساعات يوميا لمده خمس سنين بقت 45 دقيقه يوميا لمده شهر فرق مريب جدا.
بس عشان نفهم ليه الرقم ده وازاي الفرق كبير كده لازم نفهم الاول منحنى التعلم لو ركزنا في منحنى التعلم هنلاقي ان على المحور الصادي مدى جودتنا وتحسنا في تعلم المهاره وعلى المحور الصيني مقدار ممارستنا للمهاره دي وهنلاقي منحنى التعلم بيرتفع في الاول بسرعه جدا.
السر الذي يمكنك تحقيقه في 20 ساعة فقط: ملخص كتاب جوش كوفمن.
بعدين بيبدا يقل لدرجه انه بيبان ثابت من المنحنى ده نقدر نستنتج ان اي مهاره بنحاول نتعلمها بنتطور فيها في البدايه بسرعه جدا وده لاننا بنعرف الاساسيات والحاجات المهمه وبعد كده كل ما بنتطور اكتر كل ما بيتبئلنا الحاجات المعقده اللي بتفرق بين الناس المميزه والعاديه لحد هنا نقدر نستفيد من قاعده العشرين ساعه بتاعه جورج كوفمين.
وده لان التفاصيل الاساسيه للمهارات هنتعلمها في العشرين ساعه انما بقى لو عايزين نوصل لدرجه الخبره ونبقى من المحترفين في المهاره دي فده موضوع ثاني وبدون ما تفكر كتير هقول ان انا غالبا بنكون محتاجين نكون خبراء في مهاره او اتنين بالكتير ودول اللي بيكون قايم عليهم الكارير بتاعنا مثلا وبعيدا عنهم هتلاقي فيه عشرات المهارات التانيه اللي انت محتاج تتعلمها من غير ما تبقى خبير.
وهنا تيجي اهميه قاعده العشرين ساعه والقاعده دي لها ثلاث مميزات مهمه جدا الميزه الاولى هي انك ممكن تخلص مهارات بالكامل في 20 ساعه يعني ممكن تتعلم برنامج الوورد او الاكسل او تفاصيل في المونتاج والجرافيك وبعد العشرين ساعه دول ما تبقاش محتاج حاجه تانيه من المهاره دي او على الاقل خالص.
هتبقى تخطيت حاجز الصعوبه والملل بتاع البدايات وهتبقى وصلت لنتيجه كويسه تخليك تقدر تستمر وتبني في المهاره دي ودي هي الميزه التانيه وده لان اوقات كتير بنبدا في تعلم اشياء جديده ومع اول صعوبه بنقابلها بنفقد الشغف ونقول لا دي ما طلعتش ممتعه زي ما كنت فاكر وبننسحب من التجربه من غير ما ندي نفسنا فرصه نحاول فيها.
عشان كده العشرين ساعه بتضمن لك تتغلب على الملل بتاع البدايات وتتخطى الافكار السلبيه اللي بتعجزك الميزه الثالثه بقى للنظام ده فهي انك بعد العشرين ساعه انت ممكن تحس ان المهاره دي اصلا ما طلعتش مناسبه ليا بعد ما اتعرفت عليها كويس وساعتها هتنتقل لمهاره تانيه بقرار واعي وبدون خساير.
انا ده كله بعرفك اهميه النظام ده ومميزاته قبل ما نقول هنبدا في تنفيذه ازاي لسه بس اخر حاجه قبل ما نبدا نشرح قواعد النظام ده بالظبط مهم تعرف ان في فرق بين اكتساب المهاره والتعلم ولو هناخد اللغات كمثال فجوش بيقول انه فضل يتعلم لغه اسبانيه في المدرسه لمده اربع سنين وكانت درجاته مرتفعه جدا.
بس لو جيت تسالوا اي جمله بالاسباني مش هيعرف يرد عليك زي هنا كلنا لما بنتخرج لا بنعرف نتكلم فرنساوي ولا الماني ولا حتى انجليزي رغم اننا بنتعلم الاف المفردات وقواعد اللغه وتصريف الافعال بس مكناش بنكتسب اللغه اكتساب فعلي ولا بنتكلم بيها وده لان تعلم اللغه مختلف عن اكتساب مهاره التحدث بها وممارستها.
ولو كان هدف جوش من الاول هو ممارسه اللغه فكان هيكفيه كم اسبوع يحاول يجري فيهم حوار مع حد من المتحدثين الاصليين للغه وده كان هيغنيه عن سنين التعليم الكتيره واخيرا نيجي بقى للسؤال المنتظر ايه هي الخطوات اللي هقدر اكتسب بها اي مهاره في عشرين ساعه وهما يا صديقي عشر خطوات:
اول خطوه فيهم هي اختيار المهاره المناسبه الحياه قصيره وعمر الانسان محدود جدا فلازم الانسان يكون حريص في الحاجات اللي هيختار يتعلمها ويصرف عليها من وقته وترتيب الاولويات مهم فما ينفعش تروح تتعلم لغه البطاريق وانت مش معاك لغه تعرف تشتغل بيها مثلا.
كيف تتعلم بفعالية في 20 ساعة: نظرة عامة على 'العشرين ساعة الأولى' لجوش كوفمن.
اما الخطوه الثانيه فهيا انك تركز طاقتك على مهاره واحده وبلاش تحاول تتعلم اكتر من مهاره في نفس الوقت لان ده هيضيع وقتك وهيشتتك ومش هتعرف تبني مهاره واحده بشكل سليم يعني الاحسن لك تخلص العشرين ساعه في مهاره واحده بدل ما تجمع 20 مهاره في عشرين ساعه بالتوازي افتكر انك كده مش بتقسم وقتك بس انت بتقسم كمان تركيزك وقدرتك.
نيجي بقى لتالت خطوه وهي تحديد مستوى الاداء المستهدف وبيعتمد وصفك للاداء اللي انت عايزه على سبب اختيارك للمهاره من الاول يعني لو بتتعلم المونتاج يبقى تحدد عايز تتعلم ايه بالظبط وعايز الفيديو يطلع بشكل عامل ازاي ولو انت مختار هوايه علشان تستمتع بوقتك فانت هتكون عايز توصل للنقطه اللي بيروح عندها شعور الاحباط وتبدا فعلا بالاستمتاع بممارسه الهوايه دي بس وهكذا بعد ما تحدد عايز توصل لايه من المهاره دي.
بتيجي للخطوه رقم اربعه وهي تفكيك المهاره لمهارات فرعيه اصغر يعني ما تخشش تتعلم المهاره من المراجع على بعضها كده انت هتقسم كل مهاره لاجزاء يعني لو بتتعلم لغه هتلاقي عندك اربع مهارات فرعيه وهما الاستماع والقراءه والكتابه والتحدث ولو بتتعلم مونتاج هتلاقي عندك اضافه مؤثرات او تقطيع الفيديو وهكذا.
لما بتفكك المهاره بالشكل ده هتبدا تتعلم كل جزء لوحده وده بيخلي الانجاز بتاعك واضح وهتبقى عارف انت خلصت ايه بالظبط وفاضل لك ايه!!
خامس خطوه بقى هي الحصول على الادوات اللازمه ما ينفعش تقول عايز اتعلم سكيتنج مثلا وانت ما عندكش سكيتنج بورد ولا باتيناج ولا اي حاجه وما تعتمدش على ادوات غيرك لانها ممكن في وقت مش موجوده وتحس بالاحباط وفكره ان ادواتك كلها عندك كامله ده هيخليك تستفيد اقصى استفاده من المهاره دي.وما تعطلش.
اما الخطوه رقم سته يا صديقي فهي التخلص من عوائق التدريب يعني ابعد عن المشتتات زي الموبايل والسوشيال ميديا والتلفزيون كمان في مجهود كتير بيضيع في حاجات صغيره زي انك ما جهزتش الادوات او ما عملتش اعداد للي انت عايزه اصلا او عوائق نفسيه زي الخوف او المشاعر اللي بتيجي وقت الامتحانات ووقت اي حاجه مهمه بتاعه جلد الذات دي والبكاء على الاطلال.
فحاول تعمل لهم زي تاجيل كده لحد ما تخلص هدفك عشان ما تزودش همك يعني وتبقى مجروح وكمان تفشل في تحقيق هدفك الخطوه رقم سبعه بقى هي تخصيص وقت للتدريب يعني ما تبقاش شغال بالبركه او بالسنس بتاعك لازم تعمل جدول محدد تقسم فيه ل 20 ساعه ممكن تخليها ساعه كل يوم او ساعه الا ربع وهكذا تامن خطوه هتفرق معك جدا.
هي الفيدباك او المقياس اللي هنقيس عليه احنا نجحنا قد ايه مهم نكون قادرين نعرف باستمرار مقدار تقدمنا ومقدار الطريق اللي قطعناه واحنا بنتعلم يعني ما نبقاش ماشي وخلاص وسايبين نفسنا للاخر والمقياس هنا بيختلف من مهاره للتانيه.
يعني لو بتتعلم الخبز فممكن قوام العجينه يكون مقياس في النص قبل المقياس الاخير اللي هو الطعم انما لو بتتعلم البرمجه هيبقى انك تعمل رن للكود وتلاقيه شغال هو ده المقياس وهكذا.
استراتيجيات للتعلم السريع: تلخيص كتاب 'العشرين ساعة الأولى' للمؤلف جوش كوفمن.
اما تاسع خطوه فهي التدريب باستخدام تايمر وحدد لنفسك وقت ما تعملش فيه اي حاجه غير التدريب بس واخيرا يا صديقي الخطوه رقم عشره وهي ركز على الكميه والوقت وبعد عن المثاليه عشان ما تحسش بالفشل من عدم تحقيق المستوى المطلوب وافتكر اننا هنا مش بندور على المستوى المحترف.
وبكده نكون خلصنا خطوات الاكتساب السريع لاي مهاره وانت ممكن تاخدهم كده وتكون جاهز انك تبدا على طول بس جورج بيكلمنا بعد كده على انواع التعلم واحنا كنا قلنا ان في فرق بين التعلم واكتساب المهاره وبيقول اننا محتاجين نفهم طرق التعلم الفعال علشان نستفيد من قانون ال20 ساعه اقصى استفاده ممكنه.
وبيقسم الطرق دي هي كمان لعشر نقط رئيسيه اول نقطه هي اجراء بحث بسيط عن المهاره اللي عايزين نتعلمها بحيث نفهم الخطوط الرئيسيه للمهاره وما نبقاش تايهين لما نبدا فيها بعد البحث ده ناخد وقت نفكر فيه في المهاره بشكل عميق في المرحله دي هنكون حددنا المراجع اللي هنذاكر منها سواء كانت مقروءه او مسموعه او فيديوهات.
هنفكر في المراجع والمهاره واللي عايزين نعمله بعد كده هنفكر في السيناريو اللي ممكن يحصل لو متعلمناش المهاره دي يعني ايه هو التاثير السلبي اللي هيحصل لو كسلنا او كبرنا دماغنا وفايده النقطه دي هي خلق دافع ومحفز هيشجعك اثناء تعلم المهاره كمان الكاتب شايف انه من المهم نطلع على المصطلحات المهمه والمعقده في كل مهاره.
علشان الطريق يكون اسهل واحنا بنتعلم ده غير اننا ممكن نسال الخبراء في المجال اللي عايزين نتطور فيه والنصائح بتاعتهم هتختصر علينا وهتسهل علينا كتير كمان من الحاجات المهمه في تعلم اي مهاره هي اننا نطبق عليها كتير والتطبيق ده ممكن ياخد النسبه الكبرى من 20 ساعه.
يعني ممكن نتعلم المهاره النظريا في خمس ساعات ونقعد بقيه الوقت نطبق اللي تعلمناه والنسب هنا بتخت من المهاره للتانيه ده غير ان انا محتاجين نراجع على المهاره اللي اتدربنا عليها كل فتره علشان ما ننسهاش مع الوقت.
وجوش بينصح اننا نكتب النصايح كلها على شكل نقط مرقمه ونعلقها قدامنا علشان ما ننسهاش اثناء التعلم وزي ما من المهم نتخيل شكل حياتنا من غير تعلم المهارات اللي محتاجينها كمان مهم نحط تصورات ونقول المفروض ايه اللي يحصل لما نتعلم المهاره.
ومع مرور الوقت نبدا نقارن الواقع بالتصورات اللي حطيناها ونشوف هل بنمشي صح ولا في مشاكل النقطه العاشره والاخيره في طرق التعلم الفعال هي مراعاه حدودنا يعني نروح احنا هنستحمل لحد فين ونراعي مشاغلنا ونبطل نجلد في نفسنا على الفاضي والمليان ومن المهم نكون عارفين ان مش كلنا بنشتغل بنفس الطريقه.
في النهايه خلينا نقول ان جوش كوفمن ما نجحش في انه يتعلم حاجات كتير بقانون ال20 ساعه غير لما بقى مقتنع انه يقدر يتعلم في عدد ساعات صغير ومنطقي وانه مش لازم يكون احسن واحد في الحاجه اللي بيتعلمها وبالمناسبه طريقه التعلم دي هي اللي بيستعملها مارك زوكربيرج وبيل جيتس واوبرا وينفري وغيرهم من المشاهير.
دول بيتعلموا بطريقه اسمها تكريس الوقت كل يوم بيتعلموا حاجه لمده ساعه على مدار خمس ايام في الاسبوع وده بيخليهم يتعلموا في المتوسط مهاره كل اربع اسابيع الكاتب بيبدا الكتاب بجمله الاحلام ليست صعبه المنال وده حقيقي جدا الفكره كلها تكون مقتنعه ان في احتماليه انك تحقق اللي انت عايزه لو اديته لمجهود المناسب وبس كده.