ملخص كتاب وهم المقارنة للكاتبه رشاد كروز
ملخص كتاب وهم المقارنة , وانت قاعد في امان الله لا بيك ولا عليك فجاه لقيت جرس الباب بيرن والاوردر الاون لاين وصل ويدوب صرفت اخر حاجه في جيبك وبدات تتسائل يا ترى ازاي هصمت بعشره جنيه لاخر الشهر!!
ولما يجي اول الشهر بتلاقي مرتبه خلص بعد كم يوم على الاقساط والفواتير اللي عليك وبتلاقي نفسك بتتساءل هي الفلوس بتروح فين وليه المرتب او المصروف بيخلص بسرعه كده!!
رحلة البحث عن الحقيقة: تحليل نقدي لكتاب وهم المقارنة.
وعايز اقول لك يا صديقي ان لو المشكله دي بتتكرر معك ومش بتعرف توزع فلوسك صح بحيث تكمل معك لاخر الشهر او مش بتعرف تتداخر اي حاجه او لو عليك ديون واقساط كتير فانت كده في خطر بس ما تقلقش حل مشاكلك دي كلها في كتاب مقالنا النهارده بعنوان وهم المقارنه لافيور لايف للكاتبه رشاد كروز.
اللي هيساعدك انك تدير امورك الماليه من خلال العادات الماليه السبعه الاكثر فاعليه اللي هتساعدك تسيطر على فلوسك وتعيش الحياه اللي بتناسبك , العادات الماليه السبعه ولكن قبل ما نبدا محتاجين نقول يعني ايه عاده اصلا.
ببساطه العاده هي عباره عن سلوكيات بتعملها بشكل تلقائي ومش بتاخد منك مجهود في التفكير وليها تاثير على شكل حياتك كلها وللاسف احنا عندنا عادات ماليه بتضيع فلوسنا في منها اللي اكتسبناه وفي منها اللي اتربينا عليها زي اصرف ما في الجيب ياتيك ما في الغيب.
فعشان كده احنا هنشوف ايه هي العادات دي ونغيرها ونبني مكانها عادات تانيه تحافظ على فلوسنا ونظبط الميزانيه.
ممكن حد يجي يقول لي يامسيو انا اصلا كحيان ومش معايا فلوس كتير علشان احتاج عادات ماليه او اني احط ميزانيه وبتاع هقول لك يا صديقي ان سلوك الصرف والعادات الماليه مش بتختلف من حد غني ومعاه فلوس كثير وحد مرتبه ده قد ايه فالمقارنه بتحطك في وهم.
بيسرق سعادتك بالحاجات اللي في ايدك وبيخلي عندك شعور بقله الرضا وممكن الحسد فبتبدا تحاول تجيب كل الحاجات اللي مع غيرك حتى لو ما كنتش انت محتاجها او ما معكش تمنها وساعتها هتلاقي نفسك بتروح للعاده الماليه التانيه اللي هتظهر كحل سحري يساعدك تجيب الحاجه اللي بقيت عايزها دلوقتي وتدفع ثمنها بعدين من غير ما تحتاج للصبر او شغل زياده او تحويش.
وهي عادت الدين يعني مثلا حد عايز يشتري ايفون عشان يبان انه في مستوى اجتماعي جامد بس امكانياته الحاليه ما تسمحش في اسهل حل ايه انه يقسط لمده كبيره او واحده عايزه تعمل فرح اجمد من بنت خالتها فيكملوا حياتهم بيسدوا ديون الجوازه وفي الحقيقه الاستلاف او الدين يعتبر اسوا حل ممكن على الاطلاق.
هتقول لي ليه هقول لك علشان الاستلاف لو بقى عاد عندك مش هتحس ان مصاريفك بقت اكتر من مرتبك الفعل اللي هو صافي من غير الديون ومش بتعرف حدودك الماليه الحقيقيه اللي تقدر تتحملها غير انها بتعيشك في هم وضيق طول الوقت حياتك كلها هتبقى عباره عن ازاي اخلص الاقساط اللي عليا.
فبدل ما تكون انت المتحكم في حياتك وفلوسك تستثمر هنا جزء او تتبرع بجزء او تخرج في الويك اند هتلاقي الفواتير والديون بيقولوا لك هاتوا الفلوس اللي عليكم فدلوقتي محتاجين نستنى شويه على الاستاذ حماده هلال ونشوف هنتغلب ازاي على العادتين المقارنه والاستلاف والموضوع محتاج اننا نصلح شويه مفاهيم جوانا.
فهم عميق للمقارنة: استكشاف لمضمون كتاب رشاد كروز.
وفي طريقه تفكيرنا وبالنسبه للمقارنه هي كشعور ما نقدرش نمنعه لكن نقدر نحط حد له وده عن طريق كام نقطه اولها اننا نعرف ان المقارنه في الاصل هي قله ثقه ومبنيه على اعتقاد ان الحاجه اللي معك اقل من الحاجه اللي مع غيرك وده مش بالضروره يكون صح لان الحاجه اللي معاك هي المناسبه ليك بس محتاجه منك انك تستغلها صح.
ومهم جدا تعرف ان السعاده مش مرتبطه بامتلاك الاشياء وده ياخدنا لاهميه الرضا والتركيز على حمض النعم اللي موجوده في حياتك والنقطه الاخيره هي انك ما تقارنش نفسك ابدا بحد بدا من قبلك لانك وقتها بتحط نفسك في مقارنه غير عادله كده خلص كلام عن المقارنه.
نيجي بقى لعاده الاستلاف او الدين واول قاعده لازم تحطها لنفسك هي ان لو ما معكش تمن الحاجه اللي انت عايزها دلوقتي يبقى ما تشتريهاش وتعلم تقول لنفسك لا تاني حاجه بلاش تستخدم بطاقات الائتمان اللي بتخليك تشتري كل اللي انت عايزه بس على شكل ديون للبنك واستخدم مكانها بطاقه السحب ماستر كارد او الفيزا.
وفي الحقيقه الافضل انك تدفع كل حاجه كاش عشان تحس بقيمه الفلوس اكتر لان الدفع بالطرق التانيه بيكون اسهل فبتصرف فلوس اكتر.
تالت حاجه لازم يكون عندك فلوس محوشها لاي ظرف طارق عشان ما تضطرش في اي وقت انك تدين واخيرا حط خطه لتسديد كل ديونك باسرع وقت هات ورقه وقلم واكتب كل الديون اللي عليك ورتبهم من الاصغر للاكبر وابدا في دفع اصغر دين وبعد ما تخلصوا سدد الدين اللي بعده وهكذا لحد ما تتحرر من ديونك كلها.
وهيساعدك على ده انك تحط تسديد الديون كبند من ميزانيتك الشهريه اصلا ودي العاده الماليه الثالثه اتكلم عنها دلوقتي لكن قبل ما نبدا فيها احكي لي الشهر بيمشي معاك ازاي هتقول لي والله يا اخضر اللي جاي على قد اللي رايح وكله اصلا رايح فلو تعرف الفلوس بتروح فين اكون شاكر ليك جدا.
وفي الحقيقه يا صديقي كل اللي انت محتاجه هو انك تحط ميزانيه لداخلك الشهري والميزانيه مش بس هتساعدك في انك تحدد انت بتصرف فلوسك على ايه لا كمان هتساعدك انك ترتب اولوياتك ويبقى عندك وعي في الاستهلاك وتبقى عارف كل قرش هيروح فين وقبل ما نبدا نحط الميزانيه هنتفق على حاجتين.
اول حاجه ان الميزانيه مهم تكون مكتوبه سواء على ورقه او تستعين بابلكيشن على الموبايل وهتلاقي في الديسكريبشن شيت اكسل ممكن يساعدك اما تاني حاجه فهي انك تحط ميزانيه الشهر قبل بدايه الشهر اتفقنا خلاص عايزك يا صديقي تتخيل معايا ان يوسف مثلا مرتبه 6000 جنيه.
وعايز يحط ميزانيه تناسبه وتناسب اسرته كل اللي هيعمله انه هيوزع مرتبه على ثلاث خانات اساسيه ايه هم الخانات دول العطاء والادخار والمصروفات اول حاجه هيعملها وهياخد جزء من المرتب لخانتين العطاء والادخار وده قبل حتى ما يوزع المصروفات.
هتسالني اشمعنى اخضر الخانتين دول الاول هقول لك عشان يبقوا عاده ماليه عندك ولسه هكلمك عنهم اكتر قدام بس خلينا نتكلم دلوقتي عن الخانه الثالثه وهي المصروفات فلو قلنا انه تقريبا فاضل مع يوسف 4000 جنيه هيوزعهم على مصروفاتهم هيوزعهم ازاي هيكتب الاول كل حاجه بيصرفها بالتفصيل ومش هيعتمد على الذاكره.
فك الأسرار: دراسة تحليلية لأفكار وهم المقارنة.
عشان ما ينساش اي تفصيله ولازم يخلي خانه المصروفات بتغطي كل الحاجات الاساسيه زي الاكل والملابس والمواصلات بالاضافه للالتزامات الشهريه الايجار وفواتير الميه والغاز والكهرباء وخانه لاي اشتراك زي كورس نادي حاجات كده يعني ويضيف كمان خانه للسداد الديون لو كان عليه اي ديون.
وخانه تكون احتياطي لاي حاجه زياده زي مناسبه فرح او تصليح حاجه باظت مثلا يعني وبكده يكون يوسف عارف هيحط كل جنيه فين من قبل ما الشهر يبدا بس عندنا ملاحظتين بخصوص الميزانيه اول ملاحظه هي مش لازم الامور تمشي معاك بمثاليه يعني وتعرف يلتزم بها من اول كم شهر.
ساعات بتحصل حاجات خارجه عن ارادتك وممكن لسه ما اتعودتش على نظام الميزانيه المهم تفضل تحاول وتتعلم من اخطائك وتقدر تضيف خانه الملاحظات وتحط فيها تحسن ايه او تاخد بالك من ايه الشهر الجاي تاني ملاحظه انك بتشوف هل فعلا داخلك بيكفي احتياجاتك واحتياجات اسرتك ولا لا!!
لو لا فساعتها هتعمل حاجه من الاثنين اما تقلل المصروفات قوي وتستغنى عن الرفاهيات او تزود دخلك سواء بشغل اضافي او انك تدور على شغلانه تانيه بمرتب اعلى وبعد ما نحط الميزانيه بناقشها مع افراد الاسره لحد ما الكل يوافق عليها ونعتمدها كقانون وده تحديدا ياخدنا للماده الرابعه.
اللي هي مشاركه افراد الاسره في كتابه الميزانيه واداره المال وعايز اقول لك يا صديقي لو انت متجوز او في المستقبل يعني ان شاء الله لازم تتكلم مع شريكك بخصوص شؤونكم الماليه لان ده هيحميكم من الخلافات الزوجيه اللي ممكن توصلكم للطلاق وفي نفس الوقت بتقوي العلاقه والثقه ما بينكم.
بالنسبه للاولاد فهما تعلمهم المبادئ الاساسيه التعامل مع الفلوس واشراقهم في الميزانيه هياثر جدا على شخصيتهم لما يكبروا وهيعلمهم المسئوليه لان الطفل لازم يعرف قيمه الفلوس وانها مش بتيجي بالسهل بل بمقابل شغل ومجهود فممكن لو كسر حاجه تخليه يساهم بجزء من مصروفه في تصليحها او لو عمل حاجه كويسه تكافؤه بزياده المصروف.
وهكذا وكمان مهم نناقشهم في الحاجات اللي بنشتريها ايه الحاجات اللي محتاجين نشتريها اكتر طيب ليه المنتج ده اغلى من ده وهكذا احنا كده اتكلمنا عن الميزانيه وناقشناها وبقت جزء من عادات الاسره خلاص فاكر اول خانتين في الميزانيه اللي هم العطاء والادخار دول بقى هم العادتين الخمسه والسادسه.
وهكلمك عنهم دلوقتي غير ان العطاء له اثر طيب في القلب وبركه في الرزق وبيدي شعور بالسعاده لما تلاقي نفسك اثرت في حياه غيرك فهو كعاده ماليه بيغير طريقه التفكير الانانيه وساعتها لما تفكيرك في نفسك يقل وتبدا تفكر في غيرك مصاريفك هتقل وهتلاقي ادارتك للمال بتتحسن.
إلهام من الكتاب: استنباط الفوائد من نصوص رشاد كروز.
عشان تعرف تدي اكتر وكمان اطفالك يتعلموا اهميه الصدقه والعطاء ويشاركوا حتى لو بحاجه بسيطه في تبرعات الاسره وبالنسبه لعاده الادخار السادسه فلما تكون محوش حاجه كده للزمن هيبقى عندك سلام نفسي ومامن نفسك للمستقبل لو حصلت اي حاجه طارئه او جدت عليك ظروف صعبه.
زي مرض او سبت الشغل مثلا ساعتها هتحتاج للمبلغ ده بدل ما تلجا للديون هنا ممكن تخصص لميزانيه الطوارئ مبلغ ادخار لوحده مثلا 1000 جنيه كل شهر والباقي بقى ممكن تكون بتحوش عشان تعرف تتحمل مصاريف جامعه الولاد او تجهزهم للجواز وعادي تحوش مبلغ تطلع به رحله مع اسرتك.
او تجيبوا حاجه مهمه ثمنها غالي عشان كده كان مهم نطلعهم قبل ما نوزع فلوس المصروفات وما ينفعش تقول لي هقضي الشهر واللي يتبقى هحوشه لانه بلا شك هيتصرف ايوه هيتصرف لكن لو الفلوس اتشالت خلاص هتكبر نفسك تدبر حالك بالباقي وكده الحمد لله خلصنا كل الخانات اللي في الميزانيه.
واتكلمنا عن ست عادات ماليه فاضل لنا بقى العاده السابعه والاخيره وهي التحديد قبل الشراء وهنحدد حاجات كتير منها ايه هي الاحتياجات اللي ما تقدرش تعيش من غيرها وايه هي الرغبات اللي عادي ممكن تستغنى عنها يعني مثلا الاكل ده احتياج علشان تقدر تعيش اصلا لكن الاكل في مطعم كل يوم ده رغبه والاحتياجات طبعا بتكون اولى من الرغبات.
لما نيجي نشتري تاني حاجه بتعملها قبل ما تنزل اي سوبر ماركت هي تحضير قايمه بالحاجات اللي محتاجها عشان ما تشتريش حاجه ما كنتش محتاجها وخد بالك ما توقعش ضحيه العروض والحاجات قبل نفاذ الكميه مش لازم كل حاجه عليها عرض تشتريها اشتري بس اللي انت محتاجه ويفضل تشتري من محلات الجمله.
ونقطه كمان مهمه وهي اقول لاولادك لا لو هم عايزين حاجه مش محتاجينها او هتبوظ الميزانيه يبقى لا ده هيعلمهم ان الفلوس محدوده ومش كل حاجه عايزينها لازم تتجاب واكيد هتصادف حاجات تانيه تتناسب مع نمط حياتك وساعتها حدد هتشتري ولا لا.
وبكده نكون خلصنا العادات الماليه السابعه وفي النهايه يا صديقي موضوع اداره المال من اهم الحاجات اللي هتاثر على شكل حياتك واستخدام العادات الماليه هيبقى طريقي يساعدك انك توصل للاهداف ممكن في الاول تحس ان العادات صعبه وتغييرها مستحيل لكن بالمحاوله والسعي هتلاقي نفسك بدات تلمس تاثيرها في حياتك ما تنساش تقول لنا ايه اكتر عدد اثرت بيها وايه هي التريكس اللي بتعملها علشان تدير فلوسك.