ملخص لكتاب نهاية الاجهاد النفسي للدكتور دون جوزيف جوي
ملخص كتاب نهاية الإجهاد النفسي , اتعملت دراسه في جامعه كورنال سالوا فيها الناس ايه عدد المصايب والمشكلات اللي كنت متوقع انها تحصل وما حصلتش الغريبه انهم لقوا المشكلات اللي حصلت فعلا كانت 15% بس من المشكلات المتوقعه يعني في 85% من المشكلات اللي الناس قعدوا يفكروا فيها ما حصلتش.
لا وخد عندك كمان الكبيره 79% من المشكلات اللي حصلت اتحلت بشكل احسن من ما كان اصحابها متوقعين صدق اللي قال اللي تخاف منه ما يجيش احسن منه الله طب ايه المشكله يا صديقي!!
ان الوقت اللي انت بتضيع في التفكير في المشاكل والصعوبات والظروف بيسبب لك حاجه اسمها الاجهاد وهي حاله من الارهاق الذهني بتسبب قلق وخوف وضغط مش قادر تحل المشكله او تستجيب بصوره سليمه مع المحيطين بيك وممكن كمان توصل للاكتئاب.
لا وا اكثر من كده انه بيسبب امراض القلب اللي تعتبر من اكبر مسببات الوفاه للدرجه دي ممكن الاجهاد النفسي ياثر على حياتنا انا مش هجاوب على السؤال ده يا صديقي معلش لان الاجابه واضحه ما تركز يا صديقي شويه في اسئله اهم ممكن تتسال زي ازاي الاجهاد النفسي بيحصل وايه اسبابه؟
فهم أسباب الإجهاد النفسي وكيفية التغلب عليها.
طب هل في حل مضمون يحمينا منه طب معلش يعني هو انا بجهد نفسي ما العالم هو السبب ازاي هتحكم في شغلي ومديري ودراستي والعيال وشريك حياتي وديد لاينز وامتحانات والتزامات واقساط هنعرف نحل كل ده يا صديقي.
ليه حاسس بنبره تعجيز في اسئلتك وبعدين انا مش هدفع لك الاقساط اللي عليك اخر الشهر انا هساعدك تغير عقليتك اللي بتبص وتحكم بيها على الامور في حياتك وكل ده في اربع خطوات بس في كتاب النهارده المبنيه على كتاب نهايه الاجهاد النفسي.
الخطوات الاربع لاعاده توجيه دماغك للدكتور دون جوزيف جوي.
ايه بقى قصه كتابنا نهايه الاجهاد النفسي خلينا ناخد الموضوع من الاول خالص ازاي الاجهاد النفسي بيحصل الكتاب بيقسم الدماغ لجزئين الجزء الاول هو الدماغ الاعلى هاير برين وده مسؤول عن عمليات التخطيط والتنفيذ والاستجابات اللي بتحتاج ذكاء وتحليل.
اما الجزء الثاني هو الدماغ السفلي او البدائي لور برين وده بقى مسؤول عن الاستجابات العاطفيه زي الخوف والغضب وبرده زي الاجهاد.
طيب حلو قوي الاجهاد بقى بيحصل ازاي في الدماغ بص يا سيدي عندنا حاجه في الدماغ السفلي اسمها الذاكره العاطفيه دي بتخزن كل الاحداث اللي بتحصل لك وبتاثر على عواطفك ومشاعرك ومش كده وبس لا بتخزن معاها كمان استجابتك الشعوريه للاحداث دي زي ذكرى فشلك في ماده او امتحان معين او خناقه اضربت فيها او انفصالك عن حبايبك انا مش بقلب عليك المواجع والله ده كله في سياق المقال معلش.
استراتيجيات فعّالة للتخلص من الضغوط النفسية في حياتك.
المهم يعني الذكريات السلبيه دي بتتخزن باستجاباتك عليها واول ما يحصل موقف شبيه للذكرى يقوم الدماغ السفلي هوب جايب لك الاستجابه اللي شبهه يعني ايه برض يعني انت فشلت في تسك معينه في شغلك فاستجابت كانت حزن وندم وتوبيخ لنفسك لانك ما بذلت مجهود كفايه.
عدى على الموضوع شويه وقت وجي في طاسك ثانيه وقفت معاك شويه يروح دماغك يقول لك اه دي شبه الذكرى القديمه هات يا ابني نفس الاستجابات اني حزن وندم وتوبيخ ساعتها هيبقى الشعور المسيطر عليك هو الخوف ومن هنا بيجي الاجهاد النفسي بتاخد قرارات غلط تحت تاثير الخوف فالدنيا تبوظ تاني وتغذي ذكرياتك وافكارك ومشاعرك السلبيه ثاني.
مع ان ده مش حتمي يعني ممكن تغيره ايه ده وانا ممكن اغير استجابه دماغي للعوامل الخارجيه اه يا صديقي ممكن طبعا طب ازاي عنط طريق تغيير الموقف الذهني الله ايه الموقف الذهني ده كمان ببساطه شديده الموقف الذهني هو طريقه تعاملك مع الظروف الخارجيه.
يعني لو وراك مذاكره كتير ده ظرف خارجي او عليك شغل متاخر والديد لاين بالليل ده ظرف خارجي اي حاجه انت مالكش تحكم مباشر عليها تبقى ظرف خارجي لو انت بقى قدرت تتحكم في طريقه رؤيتك للظرف الخارجي ساعتها هتعدل من طريقه استجابه الدماغ وهتشوف الظرف الخارجي كفرص حلوه للنمو لان دماغك مش هتبقى مقيده من الخوف.
ووظائفها هتبقى ش غاله زي الفل يعني باختصار عندك ظرف خارجي زائد موقف ذهني يساوي استجابه شعوريه شغلنا كله هيبقى على الموقف الذهني طيب كلام محترم قوي ازاي بقى هنعدل الموقف الذهني مش كان المفروض يا صديقي قبل ما تسال اعدل ازاي من الموقف الذهني تسال اعرف منين اصلا ان عندي اجهاد نفسي!!
ما يمكن تطلع سليم يا اخي ومش محتاج طيب نكتشف الاجهاد النفسي ازاي عن طريق فحص عاداتنا وروتينات معايا بقى وجاوب على الاسئله دي هل تعاني من صعوبه في اتخاذ هذه القرارات والاستمتاع بالتفاصيل الصغيره اليوميه هل تعاني من انخفاض في التركيز وقدرتك على التذكر؟
رحلة تحول الحياة: كيفية التغلب على الإجهاد وتحسين جودة حياتك.
هل تعاني من فقدان الشهيه او صعوبه في النوم او العكس بقى عشان في ناس بتقلب معاهم هل تعاني من شراهه في الطعام وبتنام 15 ساعه في اليوم واخيرا هل تزداد في الانعزال كل يوم عن الثاني ومش حابب تشوف حد ولا حد يشوفك لو جاوبت على الاسئله دي بنعم يبقى عندك اجهاد نفسي وهتضرب تكمل المقال لحد الاخر.
عشان تعرف الحل اما بقى لو جاوبت عليها بلا فبرضه هتضطر تكمل المقال للاخر ايه عشان تعرف يمكن حد عنده اجهاد نفسي ولا حاجه فتقول له الحل الصاحب ليه عند صاحبه ايه يعني الحل بقى عباره عن اربع خطوات.
الخطوه الاولى هي بناء الوعي وده بنعمله ازاي اولا بنعمل قايمه عن مسببات الاجهاد النفسي انا مثلا بتعب لما اقعد في حته زحمه او لما بكتشف اني نسيت حاجه مهمه اعرف واحد صاحبي بيتعب جدا لو حاسس انه مضغوط في حاجه ولازم يخلصها وهكذا كل واحد ليه قايمه مختلفه من مسببات الاجهاد النفسي.
وثانيا بتحدد منهم ايه العوامل الخارجيه والداخليه اللي مالكش تحكم مباشر فيها يعني ما تقدرش تغيرها تبقى عوامل خارجيه واللي تقدر تغيرها تبقى عوامل داخليه فمثلا زحمه المواصلات عامل خارجي اما التسويف اللي بيخلينا تزنق في الاخر ده عامل داخلي.
اما بقى ثالث نقطه هي تغيير موقفك الذهني واستجابتك للعوامل احنا اتفقنا ان شعور الخوف هو اللي بيبقى مسيطر على الدماغ تحت الاجهاد النفسي فازاي ممكن نمحي الخوف ده لازم تسال السؤال ده لنفسك كل ما تحس بخوف هو انا خايف من ايه عشان توصل جذور الخوف وتشيله.
يعني مثلا واحد خايف يغلط في الشغل لاحسن يمشو فيخسر كل حاجه ويسقط في نظر صحابه وعيلته تبعد عنه ويبقى مالوش لازمه او قيمه وسط الناس تفتكر فين السبب الجذري للخوف ايوه هي انعدام القيمه دي هي السبب الجذري للخوف نبدا بقى نحل من ورا لقدام هل فعلا قيمتك مستمده بس من شغلك اكيد لا الشغل وسيله للفلوس مش اكتر طب وعيلتك هل ارتباطهم بيك عشان بتجيب فلوس وبس برضه لا علاقتهم اعمق من كده.
طب واصحابك المقربين ممكن يبعدوا عنك بسبب ظرف وحش هتمر بيه لا ممكن اصلا اغلبهم يقف جنبك ويساعدك نيجي بقى لاول حاجه خالص هل ممكن تمشي من الشغل بسبب غلطه واحده لا برده تقدر تفتكر الحاجات الكتيره اللي عملتها صح واعتماد المدير عليك بسبب كفائتك .
تقنيات مبتكرة للتخفيف من الإجهاد وتحقيق التوازن النفسي.
واتاكد يا صديقي ان دي طبيعه الشغل ووارد اننا نغلط او نقصر خلصنا بناء الوعي ودي اول خطوه من اربع خطوات في طريق انهاء الاجهاد النفسي.
ثاني خطوه بقى هي الوصول الى اله هدوء ودي فيها اربع تقنيات اول تقنيه هي ابدا يومك في هدوء يعني اول ما تصحى من النوم اقعد شويه كده مع نفسك في استرخاء تام من غير ما تفكر لا في الشغل اللي وراك ولا الديد لاينز ولا المذاكره عشان تعرف تواجه العالم بعد كده وانت ايه رايق.
ثاني تقنيه هي الانفصال المؤقت عن الاحداث ودي بنحافظ بيها على الهدوء في وسط اليوم اول ما تحس ان الدنيا بتطرب فوق دماغك وانت مش عارف مين رايح فين ويودي على فين وازاي خد بريك صغير كده وابعد عن القلق وبعد ما ترجع راجع اللي حصل تاني بس من بعيد مش بشكل شخصي كانك مراقب بس.
اما بقى ثالث تقنيه للوصول للهدوء هي التعامل الصحيح مع فقدان السيطره اي مشكله هتقابلك او موقف صعب هتمر بيه هيبقى قدامك ثلاث خيارات ما لهمش رابع الكتاب بيسم ايهم الخيارات الثلاث المعقوله الاول انك تغير الموقف الصعب او تحل المشكله اما الحل الثاني هو انك تتجنب المشكله اصلا.
الحل الثالث بقى هو التقبل اللي حصل حصل واحنا هنتعشى كامر واقع وخلاص طيب يعني ان نختار الحل على اساس ايه والله يا صديقي بتشوف اخفهم ضررا واللي تقدر تطبقه في الوقت الحالي واخر تقنيه هي حل مشكله الارتباك ايه اللي بتحصل لك لما بتبقى بتجري ورا الاهداف الخارجيه من غير هدف داخلي واضح طب ودي حلها ايه بص مش انت بتعمل تو دو ليست قايمه كده بالمهام اللي المفروض تنجزها دي للاهداف الخارجيه.
حلو اعمل بقى قايمه شبهها وسميها تو بي ليست الحاله اللي انت عايز تحققها وحط بقى جواها اهدافك الذهنيه والعاطفيه الاسره الصحه وغيره طيب احنا كده بنينا وعي بالاجهاد ووصلنا للهدوء المطلوب عشان نحله طب لو في اثار لاجهاد نفسي مريت بيه قبل كده اتعافى منها ازاي!!
بص اول خطوه للتعافي من اثار الاجهاد النفسي هي الاجازه ايوه زي ما سمعت كده لازم تاخد لك اجازه شهر ولا كم اسبوع متواصلين تفصل فيهم عن محيطك المعتاد اللي بيضم اغلب مسببات الاجهاد ويا سلام بقى لو خدت الاجازه قبل ما تبدا تحل مشكله الاجهاد اصلا الله هي هتفرق اه طبعا بتفرق اصل السلوكيات بتاعتك تحت الاجهاد بتتحول لعادات من الصعب تغييرها وهتفضل تعيد نفسها زي الدايره.
فعلشان تكسر الدايره دي لازم اجازه طبعا اكبر بيئه مسببه للاجهاد النفسي هي بيئه الشغل فهت ق لي هو في حد اصلا بيعرف ياخد اجازه شهر من الشغل يا اخضر خلاص كده هنعتمد على ايام الاجازات العاديه حاول تبعد فيهم خالص عن مسببات الاجهاد زي الشغل افصل عن مكالماته وحواراته ويا سلام لو تسافر سفريه صغيره او تغير المكان اللي هتبات فيه او تعمل انشطه جديده مع عائلتك او صحابك.
دليل شامل لتحسين الرفاهية النفسية: أسرار نهاية الإجهاد والتحول الإيجابي.
ده هيساعدك جدا على التعافي اما ثاني خطوه للتعافي من اثار الاجهاد هي مواجهه الخجل وهو شعور بالخوف من اراء وردود فعل الناس يا ترى شايفيني ازاي طب هل عجبهم شغلي فعلا وتقعد بقى تفكر فيهم قبل اي حاجه هتقولها او هتعملها طب والحل ايه !!
انك تضيق الفجوه اللي ما بين حالتك الحاليه والتصور الخيالي عن نفسك واللي عاوز توصل له ساعتها هتبقى اخطائك فرص للنمو والتعلم وهتواجه خجلك بشجاعه اكبر و يعني اغلط قدام الناس ومش مشكله اللي هيقولو عني مش مهتم بيه اصلا.
بس ده طبعا مش معناه انك تطنش خالص النقد خصوصا لو النقد بناء او كلام مديرك اكيد ووصلنا لاخر خطوه في رحلتنا للقضاء على الاجهاد النفسي وهي المراجعه بعد كل فتره اقعد مع نفسك وعيد الخطوات اني قيم مستوى الاجهاد النفسي وقيس التغيير اللي حصل هل هو كفايه ووصلك للنتيجه اللي انت عايزها ولا.
لسه محتاج تبذل مجهود اكبر وخلي بالك طبيعي جدا تغلط في الاول وتاخد وقت على ما تعرف تبني الوعي اصلا بالاجهاد اللي عندك لان مشكله زي دي مش هتتحل كده في فتره قصيره لازم يبقى نفسك طويل.
وصلت معايا لحد هنا احب اقول لك حاجه اخيره ما تستهونش بمشكله الاجهاد النفسي وما تكسلش تحلها لان اثارها على المدى البعيد مدمره على صحتك النفسيه وحتى الجسديه اما بقى لو كنت فاكر ان مافيش فايده هقول لك ما تجرب يا اخي انت غرمان حاجه انت عندك حاجه تخسرها انت خسران كل حاجه وبس كده سلام.