ملخص كتاب حين شاركنا حياتنا عبر الانترنت لديفيد ار بريك
هنعرف بقى النهارده ايه الفرق بين الافصاح والمشاركه العاديه وايه مشاكل الافصاح ومخاطره وازاي بيغير من طريقه ادراكنا وعينا وليه لما بنعرف مخاطر السوشيال ميديا بنفضل نستخدمها وازاي نمتلك وعي رقمي نحمي حياتنا وخصوصياتنا بيه.
كل ده بناء على كتاب حين شاركنا حياتنا عبر الانترنت مخاطر كشف غطاء الخصوصيه عبر وسائل التواصل الاجتماعي لديفيد ار بريك
كتاب "فهم الآثار الشخصية والاجتماعية لتشاركنا حياتنا عبر الإنترنت.
خلونا نبدا من الاول خالص ونسال سؤال ازاي الناس بتتفاعل مع بعضها على السوشيال ميديا بص يا سيدي بيحصل لك حدث ما بتشوف انه يستاهل تنشر عنه علشان الناس تعرفه ترقيه في شغلك نجاح سفر اي حاجه فبتدخل على اي موقع تواصل وتبدا تكتب بوست او ستوري بتحكي فيها اللي حصل وبتبقى حاطط في دماغك ثلاث اجزاء رئيسيه مكونه للتفاعل.
- الجزء الاول هو الجمهور المستهدف ودول الناس اللي انت بتكتب البوست او بتشيرالاستوري علشانهم اصلا حاططهم في دماغك وعايز الكلام يوصل لهم ويعرفوا طيب وصل لهم اللي انا نشرته وبعدين الطريقه بقى اللي المفروض الجمهور يتفاعل بيها مع اللي بتنشره.
- هو الجزء التاني وده اسمه اتجاه التفاعل.
- اما بقى الجزء الثالث من التفاعل هو طبيعه منصه التفاعل نفسها هل هي منصه اجتماعيه زي الفيسبوك ولا رسميه زي لينكد ان ولا بتركز على المحتوى البصري زي الانستا والتيك توك ودي بتحددها في الاول خالص.
خلاص تمام فهمنا التفاعل على السوشيال ميديا ايه المشكله بقى اول مشكله ان ده تفاعل غير مباشر يعني احنا محرومين من الاستجابات الفوريه ولغه الجسد وتعبير الوجه مع الجمهور اللي بننشر له فتبقى بتتناقش مع حد عادي في الكومنتات.
وتجيلك خيالات كده تقول لك انا حاسس انه بيزعق لي اه بيزعق لي واضحه او هو بيتكلم بالنبره دي كده ليه ده بقينا سخريه حد هيقول لي عشان كده في ايموشنز هقول له برضو مش بتقضي على سوق الفهم الناتج نتيجه التفاعل غير المباشر بين الناس.
تاني مشكله من مشاكل التفاعل في السوشيال ميديا وهو اختلاف الجمهور يعني تبقى عامل حسابك ان مجموعه معينه من الناس هم المقصودين من النشر اصلا صحابك مثلا هيشوفوا البوست ويفهموا قصدك كويس لانهم عارفينك لكن في ناس تانيه مش عارفينك كويس هتشوف البوست.
وهتفسره حسب خلفياتهم وده بيفتح باب سوق الفهم طيب تمام فهمنا التفاعل ومشكلاته ايه علاقته بالمشاركه والافصاح هم ما المواطنين الرقميين بقى خلقهم ضيق كده ليه استنى بس يا صديقي علي لسه هسالك سؤال صغير اسمع السؤال مستعد تسمع راي عشر اشخاص فيك!!
طب راي الف شخص صعبه صح مش هتقدر تستحمل اصلا وزي ما عرفنا الافصاح في الاول انه كشف للذات وتقديمها للناس كانها معلومه او شيء مادي لنيل الاعجاب هنفرق بينه وما بين المشاركه اللي هي نشره او عرض احداث على فترات لكن الافصاح هو مشاركه تفاصيل حياتك اللي محدش يعرفها بصوره مستمره.
تحليل "تأثيرات الانخراط الرقمي في حياتنا وعلاقاتنا.
يا ترى بقى ايه مخاطر الافصاح اول خطر واضح زي الشمس وهو الخصوصيه تفاصيل حياتك كلها بره كانها معروضه للبيع ومع الوقت هتحس انك متراقب 24 ساعه ومعرض تستقبل اراء كتير كده عن حياتك وشكلك وتفاصيل افعالك وعلاقاتك وشغلك وممكن حد عمره ما قابلك بس يعرف عنك معلومات كتيره جدا بسبب اللي بتنشره.
اما بقى تاني خطر فهو خاص بطبيعه منصات السوشيال ميديا نفسها اللي بتعرضك لمحتوى اباحي او عنيف علشان تجذب انتباهك وتركيزك وتفضل بناء على بياناتك اللي بتشاركها برده وكل ما تشارك بيانات اكتر كل ما يرشحه لك محتوى يجذبك اكتر فتقعد على السوشيال ميديا اكتر.
ومع الوقت صحتك النفسيه بتتاثر وتركيزك بيقل وتبقى معرض للسمنه بسبب خمولك وكمان ممكن حد يستغل بياناتك سواء تجاريا علشان يكسب منك فلوس وده لمنصات السوشيال ميديا بتعمله اصلا اللي 80% من ارباحها قايم على الاعلانات او حتى يستغلك جنائيا زي انه يسرق بياناتك وينتاحل شخصيتك.
اما الخطر الثالث فهو الضرر الاجتماعي لو لاحظتها هتلاقي اغلب الناس بتعرض تفاصيل حياتها الجميله على السوشيال لدرجه انك ساعات تسال نفسك وتقول هو في ايه هو كل الناس بيسافروا وبينجحوا وبيفتحوا ستار تابس ويبدا ينمو عندك مشاعر سيئه زي الحسد والغيره والشك.
وكمان عدم الرضا والقناعه تجاه حياتك اما الخطر الرابع والاخير من مخاطر الافصاح هو المطارده او التنمر ودي بيتعرض لها الاطفال والكبار ما هو واحد عارف عنك كل حاجه فلما يحب يضايقك هيعرف يدخل لك منين حد هيقول لي انت مكبر الموضوع ليه ياعم الحاج الله.
ما تعدل يا عم اعدادات البروفايل او البوست او الاستوري وتتحكم في اللي يقدر يشوف اللي بتنشره خلاص انت بتزعق لي يا مواطن يا رقمي اصبر بس عليا شويه اصبر كمان افهمك انت فعلا ممكن تحدد جمهورك على بعض منصات السوشيال ميديا بس في منصات تانيه ما تقدرش تحدد جمهورك عليها.
ده غير انك لو كنت بتنشر محتوى استعراضي او علشان تتشهر فهتبقى اصلا عايز الناس كلها تشوفه طب ولو واحد زي حالاتي كده يا دوبك كام بوست على كم ستوري وخلاص لا عايز شهره ولا استعراض ايه المشكله اللي ممكن تقابله هنا هتقابله الذاكره الرقميه كل تفاعلاتنا على السوشيال ميديا بتتسجل.
التحليل العميق لتأثيرات العالم الرقمي على نمط حياتنا وعلاقاتنا الاجتماعية.
حتى بعد ما ننساها وممكن اي حد يرجع يشوفها تخيل معك كده لو شيرت حاجه بتسخر من سلوك اداري معين عند المديرين وبعدين اشتغلت في مكان ومديرك شافها هتقول لي ايه ما هو كان في وقت وظرف مختلف هقول لك انا مش مختلف معاك بس اقنع مديرك بقى.
هتقول له الذاكره الرقميه هي السبب طب اعرف الاول صفاتها علشان تقدر تقنعه اول صفه في الذاكره الرقميه سهوله الوصول زي ما شوفنا مديرك بيوصل للبوست بسرعه وثاني صفه هي الاستمراريه يعني البيانات بتاعتك مش بتضيع او بتفقد ده كمان ممكن مديرك يفضل يرجع لحاجات نزلتها لسنين فاتت.
ودي الصفه الثالثه الشمولي الذاكره الرقميه مش بس خسرتك شغلك الجديد اه في ناس حياتها اتغيرت بسبب بوست واحد لكنها كمان غيرت ادراكك ووعيك لما كل المعلومات اصبحت متاحه وسهله تلاقيها في اي وقت ما بقاش الزمن بشكله الطبيعي ماضي وحاضر ومستقبل.
لا ده بقى زمن لحظي يعني بقى عباره عن شويه لحظات بتشوف فيهم شويه معلومات وبوستات خارج السياق الزمني والمكان الطبيعي حتى افعالك اللي عملتها زمان وبطلتها ومش راضي عنها دلوقتي لو نشرتها والجمهور تداولها مش هتعرف تتحكم فيهم وتحذفها ممكن الناس تنسى.
لكن الذاكره الرقميه مش بتنسى وهتفضل افعالك متخزنه فيما بالك اذا كان الجمهور نفسه ده وافعه بتتغير مع الزمن يعني الناس اللي حبوا اللي بتنشروا زمان هم هم اللي بيشتموك دلوقتي لا والناس بتحب تشتم اكتر ما تشجع فلو عشره سقفوا لك هتلاقي الف بيشتموك.
بس المواطنين الرقميين معذورين برده حتى لو عارفين مخاطر مشاركه حياتهم على السوشيال ميديا فهما ما يقدروش يستغنوا عن السوشيال ميديا تماما بسبب تعرضهم لضغوط صعبه كتير اولها او فيمو هو شعورك بالخوف ان الناس اللي حواليك تكون بتشارك حاجه وكلهم فاهمينها.
وبتتكلم عن ترندات وحوارات وحكايات وانت قاعد في وسطهم ووشك كانه علامه استفهام كبيره وتقول لنفسك ياه ده انا فاتني حاجات كتير وثاني حاجه هي ضغط الاقران صحابك وقرايبك لما يحبوا يتواصلوا معك او يدوروا عليك على السوشيال ميديا وتقول لهم لا والله انا مش مش هناك.
كيف يؤثر تفاعلنا الرقمي على صورتنا الذاتية وعلاقاتنا الاجتماعية؟
ساعتها يبصوا لك بصه غريبه كده ما انت خلاص بقى بتستعرت تبقى مواطن رقمي زي الناس اما تالت حاجه بتضغط عليك علشان تستخدم السوشيال ميديا هي سهوله الاستخدام وشيوع وسائلها اصل معلش يعني بص حواليك كده هتلاقي في ناس موجوده على تمن وتسع منصات ويمكن اكتر.
وباقات النت بقت ارخص واكبر حتى المنصات نفسها بقت سهله الفهم والاستخدام طبعا ده غير ان المنصات اصلا مصممه بطريقه بتسهل تحولها لسلوكه عصبي ادمانى عند المستخدمين علشان يفضلوا موجودين لاطول فتره ممكنه وبعدين بقى هو كله مخاطر واضرار مخاطر واضرار ما فيش حاجات حلوه!!
في طبعا يا صديقي منافع لوجودنا على السوشيال ميديا زي اشباع حاجتنا الانتماء وتقديم نفسنا للناس وكمان تكوين علاقات اجتماعيه مختلفه اللي نقدر بسهوله جدا نحافظ على بياناتها يعني لو صديق لك سافر او بعدته عن بعض نتيجه ظروف الحياه تقدر تعرف عنوانه وظروفه الحاليه.
او على الاقل خالص تتواصل معه ده غير ان في ميزه كمان مهمه جدا بس يمكن بتضايق بعض الناس وهي اتساع دائره تبادل الاراء والمعلومات دلوقتي سهل جدا تدخل تعرف اي معلومه عن اي حاجه ومش كده بس لا ده انت كمان تقدر تطلع بمنتهى الوقار والعمق على الناس.
وتقول لهم انا ارى وبس وتقول رايك في اي حاجه ونقعد بقى للصبح ده يقول رايه واللي هناك يقول رايه واخضر يقول رايه جات عليا يعني بس المنافع دي ما تخليناش نتجاهل المخاطر والاضرار الكبيره نتيجه مشاركه حياتنا على الانترنت.
طب ايه اللي في ايد المواطن الرقمي ويقدر يعمله والله احنا نقدر نعمل شويه حاجات بسيطه كده زي انه لما يحصل لنا حدث مهم فعلا وعايزين الناس تعرف عنه نتاكد الاول ان ده مش هيبقى سلوك مستمر يعني اي حاجه تحصل اجري على السوشيال ميديا انشرها.
وبعدين اختار المنصه المناسبه اعدادات الخصوصيه علشان اتحكم في الجمهور اللي يقدر يشوف المحتوى وبعد ما انشر افضل مراقب ومراجع اللي نزل علشان موضوع الذاكره الرقميه اللي اتكلمنا فيها ايه نسيت يا نهار اسود واتفعل المواطن الرقمي بينسى لكن الذاكره الرقميه مش بتنسى.
بس الحاجات دي مش كفايه الحقيقه لان الوعي الرقمي مش بس على مستوى الافراد لازم كمان يمتد للمجتمع والشركات يعني الناس تضغط على الشركات علشان تصمم منصتها بطريقه تناسب اللي عايزين يخففوا من استخدامهم للسوشيال ميديا والافصاح ويبقى في رقابه حكوميه وسياسيه للشركات دي.
فهم تأثيرات مشاركة حياتنا الشخصية عبر الإنترنت على صحتنا النفسية.
كمان لازم المجتمع يبذل مجهود كبير في نشر التوعيه بعصرنا الرقمي وادواته وكيفيه استخدامها بشكل صحيح التعليم والاهل لازم يستوعبوا الطلاب ويكلموهم عن السوشيال ميديا بدل ما يحاولوا يمنعوهم منها لان الممنوع مرغوب وكمان جهات ومراكز البحث العلمي عليها دور وقدامهم فجوات كبيره في الابحاث المتعلقه بالسوشيال ميديا ولازم تتسد.
يعني مثلا احنا عندنا ابحاث كتير جدا بتدرس سلوك الشباب والاطفال مع الانترنت لكن بنعاني من فقر في ابحاث فئتي متوسطي وكبار السن وده طبعا بيخلي الصوره الكبيره ناقصه واخر حاجه هقولها لك بقى يا صديقي المواطن الرقمي عايش حياتك بره الشاشه مش جواها وبس كده سلام.